TEL.07906415736

1 $ = 0 INR
1 € = 0  INR
AssociationSpiritualEntertainmentFamily & KidsHealth & Life StyleArts & LiteratureImmigrationGreetingsCookeryClassifieds
Posted By: Nri Malayalee July 6, 2018

മാത്യു ഡൊമിനിക്: ഇംഗ്ലണ്ടിനും, ലോകത്തിനു തന്നെയും നൂറ്റാണ്ടുകളിലൂടെ വിജ്ഞാനം വിളമ്പിയ അറിവിന്റെ മുത്തശി വിനയാന്വതയായി കുടികൊള്ളുന്ന ഓക്‌സ്‌ഫോര്‍ഷര്‍. അവിടെ ഫാര്‍മൂറില്‍ കണ്ണുനീര്‍തുള്ളിയോളം തന്നെ നൈര്‍മല്യം സൂക്ഷിക്കുന്ന ശുദ്ധ ജല തടാകം. പച്ചപ്പട്ടുവിരിച്ച പുല്‍മേടും, കുന്നിന്‍ ചെരിവുകളും, ഇലച്ചാര്‍ത്തുകളാല്‍ സമ്പന്നമായ മേപ്പിള്‍ മരങ്ങളും വിലോട്രീകളും, ഏതൊരു സാധാരണകാരനെ പോലും വേഡ്‌സ് വര്‍ത്താക്കാന്‍ പോരുന്ന അപാര പ്രുകൃതി ഭംഗി.

കടുത്ത ശീത കാലത്തെ കീഴടക്കി, തന്റെ തങ്കക്കതിരാല്‍ ചൂടും സ്വര്‍ണ്ണ വര്‍ണ്ണവും വിതറി നില്‍ക്കുന്ന ആദിത്യന്‍ പതിവില്ലാതെ ഒരു ജനക്കൂട്ടത്തിന്റെ ആരവം അത്ഭുതം കൂറി മരച്ചില്ലികളില്‍ നിന്നും തലചെരിച്ചു കണ്‍കോണുകള്‍ കൊണ്ട് എത്തിനോക്കുന്ന പക്ഷിക്കൂട്ടങ്ങള്‍.

അവ്യാചമായ അനുഭൂതി പകരുന്ന ഈ അന്തരീക്ഷത്തിലാണ് യുക്മ നടത്തിയ രണ്ടാമത് നടത്തിയ വള്ളംകളി പൂരം ജൂണ്‍ 30 ന് ഫാര്‍മൂറില്‍ അരങ്ങേറിയത്. വാശിയും വീറും ഉള്ളില്‍ നിറച്ച് വിവിധ വര്‍ണങ്ങളുള്ള ജേഴ്‌സികള്‍ ധരിച്ച് തടാകക്കരയില്‍ 32 വള്ളങ്ങളുടെ തുഴച്ചില്‍ മല്ലന്മാര്‍ അണിനിരന്നപ്പോള്‍ മാനത്ത് കണ്ടിട്ടുള്ള മഴവില്ല് ഭൂമിയില്‍ ഉദിച്ചപോലെ തോന്നി.

ശേഷം, ഉത്സാഹം ആപാദചൂഡം എടുത്തണിഞ്ഞ ഒരു ജനസഞ്ചയം, കലാ പ്രകടനങ്ങള്‍ അരങ്ങുവാണ സ്റ്റേജുകളും കൈക്കരുത്ത് വേഗതയാക്കിയ അതിവേഗ തോണികളിലെ തുഴച്ചില്‍ക്കാരും ജനത്തിന്റെ ദൃശ്യ ശ്രവ്യ അനുഭൂതികളെ വിരുന്നൂട്ടികൊണ്ടിരുന്നു.

കേരളത്തിന് മാത്രം സ്വന്തമായ തെയ്യം, കഥകളി, പുലികളി, വേഷങ്ങളും ചെണ്ടമേളങ്ങളും, മുല്ലപ്പൂചൂടി മുത്തുകുടയേന്തി, സ്വര്‍ണകരയുള്ള പുടവകള്‍ അണിഞ്ഞു നീങ്ങിയ തരുണീമണികളും ജനമനസുകളും ആയിരം കാതം അകലെ കേരളമണ്ണിലേയ്ക്ക് കൂട്ടികൊണ്ട് പോയി.

അനര്‍ഗ്ഗസുന്ദരമായ വാഗ്‌ധോരണിയാല്‍ വള്ളംകളിയുടെ തത്സമയ വിവരങ്ങള്‍ നല്കികൊണ്ടിരുന്ന സംഘം, പുരുഷാരത്തെ, ഉന്മാദത്തോണിയിലേറ്റി തുഴഞ്ഞു പൊയ്‌ക്കൊണ്ടിരുന്നു.

ഇളംകാറ്റില്‍ ഇളകിക്കളിക്കുന്ന കുഞ്ഞോളങ്ങള്‍ അതിന്റെ മീതെ തെന്നികുത്തിക്കുന്ന ചുണ്ടന്‍ വള്ളങ്ങള്‍ പന്തയക്കുതിരകളെപ്പോലെ പായുന്ന മത്സരങ്ങള്‍ തടാകക്കരയില്‍ ആയിരങ്ങളുടെ വിടര്‍ന്ന മിഴികള്‍ കുതിക്കുന്ന വള്ളങ്ങള്‍ക്കൊപ്പം ഓടിയെത്താന്‍ പാടുപെടുകയായിരുന്നു.

ജലാശയത്തിന്റെ കരയില്‍ തിങ്ങി നിറഞ്ഞ എണ്ണായിരത്തോളം മലയാളികള്‍, കേരളത്തനിമയാര്‍ന്ന ഭക്ഷണശാലകള്‍, കേരളം കലാരൂപങ്ങള്‍, കേരളത്തിന്റെ കല പരിപാടികള്‍, ഘോഷയാത്രകള്‍, കേരളനേതാക്കന്മാരുടെ സാമീപ്യങ്ങള്‍, സര്‍വോപരി കേരളത്തിന്റെ വാശിയേറിയ വള്ളം കളി. മലയാള കുളിരണിയിക്കുന്ന ഉച്ചഭാഷണികള്‍, തെളിഞ്ഞ ആകാശവും സുന്ദരമായ കാലാവസ്ഥയും.തങ്കസൂര്യനില്‍ ഇതള്‍ വീശി അമൃതകുംഭങ്ങളേന്തിയ കേരനിരകളുടെ അഭാവം ഒന്ന് മാത്രമാണ് ഇത് കേരളമല്ല എന്ന് മനസിനെ ബോധിപ്പിക്കാനുള്ള ഏക ഉപാധിയായി വന്നത്.

സാഹിത്യത്തിന്റെ നീലത്തടാകത്തില്‍ തങ്ങളുടെ പ്രതിഭയുടെ കളിയോടങ്ങള്‍ തുഴഞ്ഞു കളിക്കുന്ന പുതുവാഗ്ദാനങ്ങളെയും ഈ മാമാങ്കത്തിന്റെ വേദിയില്‍ ആദരിച്ചു. യുക്മ സാംസ്‌കാരിക വേദി നടത്തിയ സാഹിത്യ മത്സരങ്ങളില്‍ വിജയികളായിട്ടുള്ളവര്‍ക്കുള്ള അവാര്‍ഡുകള്‍ വിതരണം ചെയ്യപ്പെട്ടു. നാളെയുടെ സര്‍ഗ്ഗചേതനയാകുന്ന ഇവരുടെ രചനകള്‍ സാഹിത്യ പുളിനത്തില്‍ ഉയര്‍ത്താന്‍ പോകുന്ന ചിറ്റോളങ്ങള്‍ കൈരളിയുടെ മനോഹര തീരങ്ങളെ പുല്‍കി ഉണര്‍ത്തട്ടെ.

ഗര്‍ഷോം ടിവിയുടെ തത്സമയ സംപ്രേക്ഷണം ഈ പരിപാടികള്‍ ലോകത്തിന്റെ എല്ലാകോണിലും ഉള്ള മലയാളികളിലും എത്തിച്ചു കൊണ്ടിരുന്നു.

ലോക മലയാളി ശ്രീ ശശി തരൂര്‍ എം പി , കേരള നിയമ സഭാ സ്പീക്കര്‍ ശ്രീരാമകൃഷ്ണന്‍, എം ല്‍ എ മാരായ ശ്രീ വി ടി ബല്‍റാം, ശ്രീ റോഷി അഗസ്റ്റിന്‍ എന്നീ മഹല്‍ വ്യെക്തികളുടെ സജീവ സാന്നിധ്യത്താലും ഈ പൂര പറമ്പ് ധന്യമായി. ഈ എളിയ ലേഖകന്‍ അവതരിപ്പിച്ച കുട്ടനാടന്‍ അമ്മച്ചി എന്ന സ്‌കിറ്റും ഏവര്‍ക്കും ഇഷ്ടമായെന്നു കരുതുന്നു.

യുക്മയുടെ ഭാരവാഹികളുടെയും, അംഗ അസ്സോസിയേഷനുകളുടെയും അക്ഷീണ പ്രയത്‌നത്താല്‍ യാഥാര്‍ഥ്യമായ ഈ കേരളാ പൂരം എല്ലാ അര്‍ത്ഥത്തിലും കാണേണ്ട പൂരം തന്നെ ആയിരുന്നു.

 

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല

Comments are Closed.

യുക്മ ദേശീയ, റീജിയണല്‍ തലങ്ങളിലെ പ്രതിനിധി തെരഞ്ഞെടുപ്പ് വിജ്ഞാപനം
യുക്മ ദേശീയ, റീജിയണല്‍ തലങ്ങളിലെ പ്രതിനിധി തെരഞ്ഞെടുപ്പ് വിജ്ഞാപനം
വേള്‍ഡ് യൂത്ത് ഡേ 2019; പാനമയ്‌ക്കൊപ്പം തയാറെടുത്ത് “ശാലോം വേള്‍ഡ്”
വേള്‍ഡ് യൂത്ത് ഡേ 2019; പാനമയ്‌ക്കൊപ്പം തയാറെടുത്ത് “ശാലോം വേള്‍ഡ്”
അവിസ്മരണീയ മുഹൂര്‍ത്തങ്ങള്‍ സമ്മാനിച്ച യുക്മ ഫാമിലി ഫെസ്റ്റിലേക്ക് ഒഴുകിയെത്തിയത് ആയിരങ്ങള്‍; മാഞ്ചസ്റ്റര്‍ ഫോറം സെന്ററിലെ സംഘാടക മികവിന് അഭിനന്ദന പ്രവാഹം
അവിസ്മരണീയ മുഹൂര്‍ത്തങ്ങള്‍ സമ്മാനിച്ച യുക്മ ഫാമിലി ഫെസ്റ്റിലേക്ക് ഒഴുകിയെത്തിയത് ആയിരങ്ങള്‍; മാഞ്ചസ്റ്റര്‍ ഫോറം സെന്ററിലെ സംഘാടക മികവിന് അഭിനന്ദന പ്രവാഹം
ബാന്‍ബറി മലയാളി അസോസിയേഷന് നവനേതൃത്വം.ജിജി മാത്യു വീണ്ടും പ്രസിഡണ്ട്.ജോണ്‍ ആന്റണി സെക്രട്ടറി
ബാന്‍ബറി മലയാളി അസോസിയേഷന് നവനേതൃത്വം.ജിജി മാത്യു വീണ്ടും പ്രസിഡണ്ട്.ജോണ്‍ ആന്റണി സെക്രട്ടറി
യുക്മ ഫാമിലി ഫെസ്റ്റ് ഇന്ന് വിഥിന്‍ ഷോയില്‍; ഇവര്‍ വ്യക്തിഗത അവാര്‍ഡ് ജേതാക്കള്‍
യുക്മ ഫാമിലി ഫെസ്റ്റ് ഇന്ന് വിഥിന്‍ ഷോയില്‍; ഇവര്‍ വ്യക്തിഗത അവാര്‍ഡ് ജേതാക്കള്‍
ഇടുക്കി ജില്ലാ സംഗമത്തിന്റെ ചാരിറ്റി അവസാനിക്കാന്‍ ദിവസങ്ങള്‍ ബാക്കിയുള്ളപ്പോള്‍ ലഭിച്ചത് 3000 പൗണ്ട്
ഇടുക്കി ജില്ലാ സംഗമത്തിന്റെ ചാരിറ്റി അവസാനിക്കാന്‍ ദിവസങ്ങള്‍ ബാക്കിയുള്ളപ്പോള്‍ ലഭിച്ചത് 3000 പൗണ്ട്
മികച്ച റീജിയണുകള്‍ക്കും അസ്സോസിയേഷ നുകള്‍ക്കുമുള്ള യുക്മ അവാര്‍ഡുകള്‍ പ്രഖ്യാപിച്ചു;  സമസ്ത മേഖലകളിലും സുവര്‍ണ നേട്ടവുമായി സൗത്ത് വെസ്റ്റ് റീജിയണ്‍ “ഗോള്‍ഡന്‍ ഗാലക്‌സി അവാര്‍ഡ്” ജേതാക്കള്‍
മികച്ച റീജിയണുകള്‍ക്കും അസ്സോസിയേഷ നുകള്‍ക്കുമുള്ള യുക്മ അവാര്‍ഡുകള്‍ പ്രഖ്യാപിച്ചു;  സമസ്ത മേഖലകളിലും സുവര്‍ണ നേട്ടവുമായി സൗത്ത് വെസ്റ്റ് റീജിയണ്‍ “ഗോള്‍ഡന്‍ ഗാലക്‌സി അവാര്‍ഡ്” ജേതാക്കള്‍
പാട്ടിന്റെ പാലാഴി തീര്‍ക്കാന്‍ അനുഗ്രഹീത കലാകാരന്‍മാര്‍; സന്ദര്‍ലാന്‍ഡ്, സാല്‍ഫോര്‍ഡ്, വാറിംഗ്ടണ്‍ അസോസിയേഷനുകളില്‍ നിന്നും ന്യത്ത സംഘങ്ങള്‍; യുക്മ ഫെസ്റ്റിന്റെ ഒരുക്കങ്ങള്‍ അവസാന ഘട്ടത്തില്‍
പാട്ടിന്റെ പാലാഴി തീര്‍ക്കാന്‍ അനുഗ്രഹീത കലാകാരന്‍മാര്‍; സന്ദര്‍ലാന്‍ഡ്, സാല്‍ഫോര്‍ഡ്, വാറിംഗ്ടണ്‍ അസോസിയേഷനുകളില്‍ നിന്നും ന്യത്ത സംഘങ്ങള്‍; യുക്മ ഫെസ്റ്റിന്റെ ഒരുക്കങ്ങള്‍ അവസാന ഘട്ടത്തില്‍
യുക്മ ഫെസ്റ്റിന് വെല്‍ക്കം ഡാന്‍സുമായി എം.എം.എയുടെ സ്റ്റെഫിയും സംഘവും; തിരുവാതിരയുമായി എം.എം.സി.എ; മ്യൂസിക് ബാന്‍ഡുമായി വി 4 യു; യുക്മ ഫെസ്റ്റിന്റെ പ്രവേശനം സൗജന്യമായി
യുക്മ ഫെസ്റ്റിന് വെല്‍ക്കം ഡാന്‍സുമായി എം.എം.എയുടെ സ്റ്റെഫിയും സംഘവും; തിരുവാതിരയുമായി എം.എം.സി.എ; മ്യൂസിക് ബാന്‍ഡുമായി വി 4 യു; യുക്മ ഫെസ്റ്റിന്റെ പ്രവേശനം സൗജന്യമായി
More Stories..