വോള്‍വര്‍ഹാംപ്ട്ടന്‍ : വിശുദ്ധിയിലും ദൈവസ്‌നേഹത്തിലും പ്രാര്‍ഥനയിലും ആഴപ്പെട്ട്‌ ആത്മീയ വളര്‍ച്ചക്കും ദൈവരാജ്യത്തിനും വേണ്ടി പ്രാര്‍ഥിക്കുവാന്‍ ഫാ. സേവ്യര്‍ഖാന്‍ വട്ടായില്‍ യു.കെയിലെ മലയാളിസമൂഹത്തോട്‌ ആഹ്വാനം ചെയ്‌തു. വോള്‍വര്‍ഹാംപ്‌ടണില്‍ കഴിഞ്ഞ മൂന്നു ദിവസമായ നടന്നുവന്ന അബണ്ടന്‍സ്‌ കണ്‍വന്‍ഷനില്‍ സമാപനസന്ദേശം നല്‍കുകയായിരുന്നു അദ്ദേഹം. തിരുസഭയോടു ചേര്‍ന്ന്‌ു നിന്ന്‌ ദൈവവചനം പ്രഘോഷിക്കണമെന്നും ഉദരഫലം ദൈവദാനമാണെന്നും അദ്ദേഹം കൂട്ടിച്ചേര്‍ത്തു.
അത്ഭുതകരമായ രോഗശാന്തിയും ആത്മീയതയും നിറഞ്ഞൊഴുകിയ കണ്‍വെന്‍ഷനില്‍ ഇന്നലെ ബര്‍മിഹാം അതിരൂപത മെത്രാപ്പൊലീത്ത ആര്‍ച്ച്‌ ബിഷപ്പ്‌ ബര്‍ണാഡ്‌ ലോംഗ്ലി പങ്കെടുത്തു. വിശ്വാസിസമൂഹത്തിനൊപ്പം ആടിയും പാടിയും ദൈവത്തെ സ്‌തുതിച്ചശേഷമാണ്‌ അദ്ദേഹം മടങ്ങിയത്‌. യു.കെയുടെ വിവിധ ഭാഗങ്ങളില്‍ നിന്ന്‌ ആയിരക്കണക്കിനാളുകള്‍ കണ്‍വെന്‍ഷനില്‍ പങ്കെടുത്തു. ഫാ. സേവ്യര്‍ഖാന്‍ വട്ടായിലിനൊപ്പം ഫാ.സോജി ഓലിക്കലും സെഹിയോന്‍ സംഘവും കണ്‍വന്‍ഷനു നേതൃത്വം നല്‍കി. ഫാ. എയ്‌മന്‍ കോര്‍ഡി സ്വാഗതവും ഫാ.സെബാസ്റ്റ്യന്‍ അരീക്കാട്ട്‌ നന്ദിയും പറഞ്ഞു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല