1 $ = 0 INR
1 € = 0  INR
AssociationSpiritualEntertainmentFamily & KidsImmigrationGreetingsCookeryClassifieds
Posted By: Nri Malayalee June 23, 2016

കുറ്റ്യാടിയുടെ മലയോരപ്രദേശമായ കുണ്ടുതോട്ടില്‍ താമസിക്കുന്ന കാഞ്ഞിരത്തിങ്കല്‍ അന്നമ്മയും കുടുംബവും ഇന്ന് ദുരിതങ്ങളുടെ നടുവിലാണ്. മൂന്നു വര്‍ഷത്തോളമായി അന്നമ്മയുടെ ആന്തരിക അവയവങ്ങള്‍ കാന്‍സര്‍ എന്ന മഹാരോഗം കാര്‍ന്നു തിന്നുകയാണ്. ഈ കാലയളവിനുള്ളില്‍ പതിമൂന്നു ലക്ഷത്തോളം രൂപ രണ്ട് സര്‍ജറിക്കും മറ്റു ചികിത്സകള്‍ക്കുമായി ചിലവാക്കിക്കഴിഞ്ഞു. നാട്ടുകാരുടെയും ബന്ദുക്കളുടെയും സഹായത്തോടെയാണ് ഇതുവരെ മുന്നോട്ടുപോയത്.

ലക്ഷംവീട് കോളനിയില്‍ പ്ലാസ്റ്റിക് ഷീറ്റിനടിയിലാണ് സഹിക്കാന്‍ കഴിയാത്ത വേദന കടിച്ചമര്‍ത്തി അന്നമ്മ ദിനങ്ങള്‍ തള്ളിനീക്കുന്നത്. അസുഖം മാറിയില്ലെങ്കിലും ഈ കൊടിയ മഴക്കാലത്ത് നനയാതെ കിടക്കാന്‍ ഒരു മേല്‍കൂര ഉണ്ടായിരുന്നെങ്കില്‍ എന്നാണ് വേദന കടിച്ചമര്‍ത്തി അന്നമ്മ ആഗ്രഹിക്കുന്നത്. പാല്‍ കച്ചവടക്കാരനായിരുന്ന അന്നമ്മയുടെ ഭര്‍ത്താവ് തങ്കച്ചന്‍ ജോലിക്ക് പോകാന്‍ സധിക്കാതെ അന്നമ്മയെ സുസ്രുഷിക്കുകയാണ്. അന്നമ്മയുടെ അഞ്ചുമക്കളില്‍ ഏക മകന്‍ ഓട്ടോ ഓടിച്ചു കിട്ടുന്ന തുച്ഛമായ വരുമാനം കൊണ്ടാണ് ഇന്ന് ഈ കുടുംബം അനുദിന ചിലവുകള്‍ തള്ളിനീക്കുന്നത്. അന്നമ്മയുടെ ഇളയ മകളുടെ ഭര്‍ത്താവ് രണ്ടുമാസം മുന്‍പ് കാന്‍സര്‍ വന്നു മരിച്ചു.

ഒരു മാസത്തെ മരുന്നിനുതന്നെ നാലായിരത്തിലധികം രൂപ വേണം. ഉടനടി ഒരു സര്‍ജറികൂടെ വേണമെന്നാണ് തലശ്ശേരി മലബാര്‍ കാന്‍സര്‍ സെന്ററിലെ ഡോക്ടര്‍മാര്‍ നിര്‍ദ്ദേശിച്ചിരിക്കുന്നത്.

അന്നമ്മയുടെയും കുടുംബത്തിന്റെയും അവസ്ഥ അറിഞ്ഞ വോക്കിംഗ് കാരുണ്യ നാല്പത്തി ഒന്‍പതാമത് ധനസഹായം അന്നമ്മയ്ക്ക് നല്കുവാന്‍
തീരുമാനിക്കുകയായിരുന്നു. ഈ കുടുംബത്തെ സാമ്പത്തികകമായി സഹായിക്കാന്‍ സന്മനസുള്ളവര്‍ ജൂലൈ മാസം 2നു മുന്പായി വോക്കിംഗ്
കാരുണ്യയുടെ താഴെ കാണുന്ന അക്കൌണ്ടിലേക്ക് നിങ്ങളാല്‍ കഴിയുന്ന സംഭാവനകള്‍ നിഷേപിക്കാന്‍ എളിമയോടെ അറിയിക്കുന്നു.

Charitties Bank Account Details

Bank Name: H.S.B.C.
Account Name: Woking Karunya Charitable Socitey.
Sort Code:404708
Account Number: 52287447

കുടുതല്‍ വിവരങ്ങള്‍ക്ക്
Jain Joseph:07809702654
Siby Jose:07875707504
Boban Sebastian:07846165720
web: http://www.wokingkarunya.co.uk/

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല

Comments are Closed.