TEL.07906415736

1 $ = 0 INR
1 € = 0  INR
AssociationSpiritualEntertainmentFamily & KidsHealth & Life StyleArts & LiteratureImmigrationGreetingsCookeryClassifieds
Posted By: Nri Malayalee November 23, 2018

സ്വന്തം ലേഖകന്‍: 18 വിദേശ രാജ്യങ്ങളില്‍ ജോലി ചെയ്യുന്ന പ്രവാസികള്‍ക്ക് എമിഗ്രേഷന്‍ രജിസ്‌ട്രേഷന്‍ നിര്‍ബന്ധമാക്കി; ജനുവരി ഒന്നു മുതല്‍ പ്രാബല്യത്തില്‍. രജിസ്‌ട്രേഷന്‍ പൂര്‍ത്തിയാക്കാത്തവര്‍ക്ക് ഇന്ത്യയില്‍നിന്ന് വിമാനം കയറാന്‍ സാധിക്കില്ല. നിലവില്‍ എമിഗ്രേഷന്‍ ക്ലിയറന്‍സ് ആവശ്യമില്ലാത്ത ഇ.സി.എന്‍.ആര്‍. പാസ്‌പോര്‍ട്ട് ഉടമകള്‍ക്കും ഓണ്‍ലൈന്‍ രജിസ്‌ട്രേഷന്‍ നിര്‍ബന്ധമാക്കുകയാണെന്ന് വിദേശകാര്യവകുപ്പ് കഴിഞ്ഞ ദിവസം സര്‍ക്കുലര്‍വഴി അറിയിച്ചിരുന്നു.

യു.എ.ഇ. ഉള്‍പ്പെടെ 18 വിദേശരാജ്യങ്ങളില്‍ ജോലി ചെയ്യുന്ന ഇന്ത്യന്‍ പൗരന്മാരാണ് രജിസ്റ്റര്‍ ചെയ്യേണ്ടത്. ഈ രാജ്യങ്ങളില്‍ നിലവില്‍ ജോലി ചെയ്യുന്നവര്‍ക്കും ഇതു ബാധകമാകും. ഈ രാജ്യങ്ങളില്‍ ജോലിചെയ്യുന്ന ഇന്ത്യന്‍ പ്രവാസികള്‍ക്ക് നാട്ടില്‍ പോകുന്ന സമയത്ത് www.emigrate.gov.in എന്ന വെബ്‌സൈറ്റില്‍ രജിസ്റ്റര്‍ ചെയ്യാം. തിരിച്ചുവരുന്നതിന് 21 ദിവസംമുമ്പുമുതല്‍ 24 മണിക്കൂര്‍മുമ്പുവരെ രജിസ്‌ട്രേഷന് സമയമുണ്ട്.

വ്യക്തിപരമായ വിവരങ്ങള്‍, തൊഴിലുടമയുടെ വിവരങ്ങള്‍, വിസ സംബന്ധിച്ച വിശദാംശങ്ങള്‍, വിദേശത്തെ വിലാസം എന്നിവയെല്ലാം രജിസ്‌ട്രേഷന്‍സമയത്ത് നല്‍കണം. രജിസ്‌ട്രേഷന്‍ പൂര്‍ത്തിയാകാത്തവരെ വിമാനത്താവളത്തില്‍നിന്ന് തിരിച്ചയയ്ക്കുമെന്നും വിദേശകാര്യവകുപ്പ് വ്യക്തമാക്കി. രജിസ്‌ട്രേഷന്‍ പൂര്‍ത്തിയാകുമ്പോള്‍ അറിയിപ്പായി അപേക്ഷകന് എസ്.എം.എസ്., ഇമെയില്‍ സന്ദേശങ്ങള്‍ ലഭിക്കും. ഇത് വിമാനത്താവളത്തില്‍ കാണിച്ചാല്‍മാത്രമേ വിമാനത്തില്‍ കയറാന്‍ സാധിക്കുകയുള്ളൂ.

വിസ പുതുക്കുമ്പോള്‍ രജിസ്‌ട്രേഷന്‍ പുതുക്കേണ്ടതില്ല. എന്നാല്‍ വിദേശരാജ്യത്തെ തൊഴില്‍സ്ഥാപനം മാറുമ്പോള്‍ രജിസ്‌ട്രേഷന്‍ പുതുക്കുകയും വേണം. ഇന്ത്യയില്‍നിന്ന് പുറപ്പെടുന്നതിന് 24 മണിക്കൂര്‍മുമ്പ് രജിസ്‌ട്രേഷന്‍ നടപടികള്‍ പൂര്‍ത്തിയാക്കിയിരിക്കണം. വിദേശത്ത് തൊഴില്‍തേടുന്ന ഇന്ത്യക്കാര്‍ തട്ടിപ്പിനിരയാകുന്നത് തടയാനും അവര്‍ക്ക് അനുയോജ്യമായ തൊഴില്‍സാഹചര്യങ്ങള്‍ ഉറപ്പുവരുത്താനും ഇതു സഹായമാകുമെന്ന് അധികൃതര്‍ പറഞ്ഞു.

യു.എ.ഇ.ക്കുപുറമേ കുവൈത്ത്, ബഹ്‌റൈന്‍, സൗദി, ഒമാന്‍, ഖത്തര്‍, മലേഷ്യ, ഇറാഖ്, ജോര്‍ദാന്‍, തായ്‌ലന്‍ഡ്, യെമെന്‍, ലിബിയ, ഇന്‍ഡൊനീഷ്യ, സുഡാന്‍ തുടങ്ങിയ രാജ്യങ്ങളിലേക്ക് തൊഴില്‍ വിസയില്‍ പോകുമ്പോഴും ഇതു ബാധകമാണ്. രജിസ്‌ട്രേഷനെക്കുറിച്ചുള്ള കൂടുതല്‍ വിവരങ്ങള്‍ക്ക് പ്രവാസി ഭാരതീയ സഹായതാ കേന്ദ്രത്തിന്റെ 1800113090 എന്ന ടോള്‍ഫ്രീ നമ്പറിലോ [email protected] എന്ന ഇമെയില്‍ വിലാസത്തിലോ ബന്ധപ്പെടണം.

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല

Comments are Closed.

സൗദിയില്‍ നിന്ന് മാതൃരാജ്യങ്ങളിലേക്ക് മടങ്ങുന്ന പ്രവാസികളുടെ എണ്ണത്തില്‍ വര്‍ധനയെന്ന് റിപ്പോര്‍ട്ട്
സൗദിയില്‍ നിന്ന് മാതൃരാജ്യങ്ങളിലേക്ക് മടങ്ങുന്ന പ്രവാസികളുടെ എണ്ണത്തില്‍ വര്‍ധനയെന്ന് റിപ്പോര്‍ട്ട്
ലോക കേരളസഭ പശ്ചിമേഷ്യന്‍ സമ്മേളനത്തിന് തിരിതെളിച്ച് മുഖ്യമന്ത്രി പിണറായി വിജയന്‍; പ്രവാസി ക്ഷേമ, പുരനരധിവാസ പദ്ധതികള്‍ മുഖ്യ അജണ്ട; ദുബായ് ഭരണാധികാരിയുമായി മുഖ്യമന്ത്രി കൂടിക്കാഴ്ച നടത്തി; ശൈഖ് മുഹമ്മദ് കേരളം സന്ദര്‍ശിക്കുമെന്ന് പ്രഖ്യാപനം; പ്രവാസികള്‍ക്കായി 24 മണിക്കൂര്‍ ഹെല്‍പ്‌ലൈന്‍
ലോക കേരളസഭ പശ്ചിമേഷ്യന്‍ സമ്മേളനത്തിന് തിരിതെളിച്ച് മുഖ്യമന്ത്രി പിണറായി വിജയന്‍; പ്രവാസി ക്ഷേമ, പുരനരധിവാസ പദ്ധതികള്‍ മുഖ്യ അജണ്ട; ദുബായ് ഭരണാധികാരിയുമായി മുഖ്യമന്ത്രി കൂടിക്കാഴ്ച നടത്തി; ശൈഖ് മുഹമ്മദ് കേരളം സന്ദര്‍ശിക്കുമെന്ന് പ്രഖ്യാപനം; പ്രവാസികള്‍ക്കായി 24 മണിക്കൂര്‍ ഹെല്‍പ്‌ലൈന്‍
ജിദ്ദയില്‍ നിന്നും കരിപ്പൂരിലേക്ക് നേരിട്ട് സര്‍വീസ് നടത്താന്‍ സ്‌പൈസ് ജെറ്റ്
ജിദ്ദയില്‍ നിന്നും കരിപ്പൂരിലേക്ക് നേരിട്ട് സര്‍വീസ് നടത്താന്‍ സ്‌പൈസ് ജെറ്റ്
വിദേശ ജീവനക്കാരുടെ ലെവി മൂലം ബാധ്യതയുണ്ടായ കമ്പനികള്‍ക്ക് 11.5 ശതകോടി റിയാല്‍ സഹായം പ്രഖ്യാപിച്ച് സൗദി
വിദേശ ജീവനക്കാരുടെ ലെവി മൂലം ബാധ്യതയുണ്ടായ കമ്പനികള്‍ക്ക് 11.5 ശതകോടി റിയാല്‍ സഹായം പ്രഖ്യാപിച്ച് സൗദി
ദുബായില്‍നിന്ന് കൊച്ചിയിലേക്കും തിരുവനന്തപുരത്തേക്കും പറക്കാന്‍ ടിക്കറ്റ് നിരക്കില്‍ ഇളവുകളുമായി എമിറേറ്റ്‌സ്
ദുബായില്‍നിന്ന് കൊച്ചിയിലേക്കും തിരുവനന്തപുരത്തേക്കും പറക്കാന്‍ ടിക്കറ്റ് നിരക്കില്‍ ഇളവുകളുമായി എമിറേറ്റ്‌സ്
സൗദി തൊഴില്‍മേഖലകളിലെ സ്വദേശിവത്കരണം പുനഃപരിശോധിക്കുമെന്ന് തൊഴില്‍ മന്ത്രി; സ്വദേശി, വിദേശി അനുപാതം 50% മായി കുറക്കണമെന്ന് വ്യാപാരികള്‍
സൗദി തൊഴില്‍മേഖലകളിലെ സ്വദേശിവത്കരണം പുനഃപരിശോധിക്കുമെന്ന് തൊഴില്‍ മന്ത്രി; സ്വദേശി, വിദേശി അനുപാതം 50% മായി കുറക്കണമെന്ന് വ്യാപാരികള്‍
കരിപ്പൂരില്‍ നിന്നും വലിയ വിമാനങ്ങളുടെ സര്‍വീസ് ഉടന്‍ ആരംഭിക്കുമെന്ന് ഉറപ്പു നല്‍കി എയര്‍ ഇന്ത്യ
കരിപ്പൂരില്‍ നിന്നും വലിയ വിമാനങ്ങളുടെ സര്‍വീസ് ഉടന്‍ ആരംഭിക്കുമെന്ന് ഉറപ്പു നല്‍കി എയര്‍ ഇന്ത്യ
അബുദാബിയില്‍ ഡ്രൈവിങിനിടയില്‍ സെല്‍ഫി എടുത്താല്‍ ഇനി ശിക്ഷ കടുപ്പം; 800 ദിര്‍ഹം പിഴയും 4 ബ്ലാക്ക് പോയന്റും
അബുദാബിയില്‍ ഡ്രൈവിങിനിടയില്‍ സെല്‍ഫി എടുത്താല്‍ ഇനി ശിക്ഷ കടുപ്പം; 800 ദിര്‍ഹം പിഴയും 4 ബ്ലാക്ക് പോയന്റും
കണ്ണൂരില്‍നിന്ന് ഉഡാന്‍ സര്‍വീസുകള്‍ വെള്ളിയാഴ്ച മുതല്‍; മെട്രോ നഗരങ്ങളിലേക്ക് പറക്കാന്‍ ഇന്‍ഡിഗോ; കരിപ്പൂരില്‍ നിന്ന് എയര്‍ ഇന്ത്യയുടെ വലിയ വിമാനങ്ങളുടെ സര്‍വീസ് ഉടന്‍
കണ്ണൂരില്‍നിന്ന് ഉഡാന്‍ സര്‍വീസുകള്‍ വെള്ളിയാഴ്ച മുതല്‍; മെട്രോ നഗരങ്ങളിലേക്ക് പറക്കാന്‍ ഇന്‍ഡിഗോ; കരിപ്പൂരില്‍ നിന്ന് എയര്‍ ഇന്ത്യയുടെ വലിയ വിമാനങ്ങളുടെ സര്‍വീസ് ഉടന്‍
More Stories..