1 $ = 0 INR
1 € = 0  INR
AssociationSpiritualEntertainmentFamily & KidsHealth & Life StyleArts & LteratureImmigrationGreetingsCookeryClassifieds
Posted By: Nri Malayalee June 14, 2019

സ്വന്തം ലേഖകന്‍: വിക്കിലീക്‌സ് സ്ഥാപകന്‍ ജൂലിയന്‍ അസാന്‍ജിനെ യു.എസിലേക്ക് നാടുകടത്തുന്ന ഉത്തരവില്‍ ബ്രിട്ടീഷ് ആഭ്യന്തര സെക്രട്ടറി സാജിദ് ജാവീദ് ഒപ്പു വെച്ചു. യു.എസിന്റെ അപേക്ഷ കോടതി ഇന്ന് പരിഗണിക്കും. അതിനിടെ ഉത്തരവില്‍ ഒപ്പു വെച്ചതോടെ അസാന്‍ജിനെ യു.എസി ലേക്കയക്കാന്‍ കോടതിക്കു മുന്നില്‍ മറ്റു നിയമ തടസ്സങ്ങളുണ്ടാകില്ല. എന്നാല്‍, ഇക്കാര്യത്തില്‍ അന്തിമ തീരുമാനമെടുക്കേണ്ടത് കോടതിയാണെന്നും ജാവീദ് വ്യക്തമാക്കി.

ചാരവൃത്തിയുള്‍പ്പെടെ അസാന്‍ജിനെതിരെ യു.എസ് സ്റ്റേറ്റ് ഡിപ്പാര്‍ട്‌മെന്റ് 18 കേസുകളാണ് ചാര്‍ജ് ചെയ്തത്. സര്‍ക്കാര്‍ കമ്പ്യൂട്ടറുകള്‍ ഹാക്ക് ചെയ്ത് തന്ത്ര പ്രധാനമായ വിവരങ്ങള്‍ പുറത്തു വിട്ടു എന്നതാണ് അതില്‍ ഏറ്റവും പ്രധാനപ്പെട്ടത്. അസാന്‍ജിന്റെ ആരോഗ്യനില മോശമായതിനാല്‍ ഇന്ന് നടക്കുന്ന വിചാരണയില്‍ ഹാജരാകുമോ എന്ന കാര്യത്തിലും അവ്യക്തതയുണ്ട്. അഫ്ഗാനിസ്താനിലും ഇറാഖിലും യു.എസ് നടത്തിയ രഹസ്യ പ്രവര്‍ത്തനങ്ങള്‍ പുറത്തു വിട്ടതോടെ അമേരിക്കയുടെ നോട്ടപ്പുള്ളിയാണ് ജൂലിയന്‍ അസാന്‍ജ്.

ലൈംഗികാരോപണക്കേസില്‍ കുറ്റാരോപിതനായ അസാന്‍ജ് 2012 മുതല്‍ ല ണ്ട നിലെ ഇക്വഡോര്‍ എംബസിയില്‍ അഭയം തേടിയതായിരുന്നു. അഭയം നല്‍കാനുള്ള തീരുമാനം ഇക്വഡോര്‍ പിന്‍വലിച്ചതോടെ കഴി ഞ്ഞ ഏപ്രിലിലാണ് ലണ്ടന്‍ പൊലീസ് അറസ്റ്റ് ചെയ്തത്. ജാമ്യ വ്യവസ്ഥ ലംഘിച്ച് ഇക്വഡോര്‍ എംബസിയില്‍ ഒളിവില്‍ കഴിഞ്ഞതിന് 50 ആഴ്ചത്തെ തടവിനാണ് അസാന്‍ജിനെ ബ്രിട്ടീഷ് കോടതി ശിക്ഷിച്ചിരിക്കുന്നത്.

 

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല