1 $ = 0 INR
1 € = 0  INR
AssociationSpiritualEntertainmentFamily & KidsHealth & Life StyleArts & LteratureImmigrationGreetingsCookeryClassifieds
Posted By: Nri Malayalee June 23, 2019

സ്വന്തം ലേഖകന്‍: ബ്രിട്ടിഷ് പ്രധാനമന്ത്രി പദത്തിനു തൊട്ടടുത്ത് എത്തിനില്‍ക്കെ മുന്‍ വിദേശകാര്യ സെക്രട്ടറി ബോറിസ് ജോണ്‍സന്റെ വീട്ടിലുണ്ടായ കലഹം വന്‍ വാര്‍ത്താ പ്രാധാന്യം നേടി. ഇദ്ദേഹവും പങ്കാളി കാരി സിമോണ്‍സും തമ്മില്‍ വെള്ളിയാഴ്ച രാത്രി വീട്ടിനുള്ളില്‍ നടന്ന കശപിശ തീര്‍ക്കാന്‍ അയല്‍വാസികള്‍ പൊലീസിനെ വിളിച്ചു വരുത്തുകയായിരുന്നു.

ബോറിസ് ജോണ്‍സണ്‍ താമസിക്കുന്ന സൗത്ത് ലണ്ടനിലെ വീട്ടില്‍നിന്നു രാത്രി ഉച്ചത്തിലുള്ള വാക്കു തര്‍ക്കവും സ്ത്രീയുടെ നിലവിളിയും കേട്ടെന്ന് അയല്‍വാസിയെ ഉദ്ധരിച്ച് ‘ഗാര്‍ഡിയന്‍’ ദിനപത്രം വെളിപ്പെടുത്തി. ‘എന്റെ വീട്ടില്‍നിന്നു പുറത്തുപോകൂ’ എന്ന് കാരി സിമോണ്‍സ് അലറുകയും ജോണ്‍സണ്‍ വിസമ്മതിക്കുകയും ചെയ്തത്രേ. ഒരു കുപ്പി വീഞ്ഞു കൊണ്ട് ജോണ്‍സണ്‍ വീട്ടിലെ സോഫാ കേടുവരുത്തിയെന്നും തുടര്‍ന്ന് ‘നിങ്ങള്‍ക്ക് ഒന്നിനെക്കുറിച്ചും ശ്രദ്ധയില്ല. നിങ്ങള്‍ നശിച്ചുപോയി.’ എന്ന് കാരി സിമോണ്‍സ് ശപിച്ചെന്നും പിന്നാലെ പ്രഹരിക്കുന്ന ശബ്ദം കേള്‍ക്കാമെന്നും അയല്‍വാസി റെക്കോര്‍ഡ് ചെയ്ത വഴക്കിന്റെ വിശദാംശം പരിശോധിച്ച് പത്രം പറയുന്നു.

എന്നാല്‍ ബോറിസ് ജോണ്‍സന്റെ വക്താവ് ആരോപണങ്ങളെ നിസ്സാരമായി തള്ളി. കാരി സിമോണ്‍സിന്റെ പ്രതികരണവും ലഭ്യമായിട്ടില്ല. രണ്ടു വിവാഹ മോചനങ്ങള്‍ക്കു ശേഷമാണ് ബോറിസ് ജോണ്‍സണ്‍ കാരി സിമോണ്‍സിനെ ജീവിത പങ്കാളിയാക്കിയത്. കണ്‍സര്‍വേറ്റീവ് പാര്‍ട്ടി എംപിമാര്‍ക്കിടയില്‍ നടത്തിയ വോട്ടെടുപ്പിന്റെ ആദ്യ രണ്ടു റൗണ്ടിലും ഒന്നാമതെത്തിയ ബോറിസ് ജോണ്‍സ!ണ്‍ ബ്രിട്ടിഷ് പ്രധാനമന്ത്രി തെരേസ മേയുടെ പിന്‍ഗാമിയാകാന്‍ ഏറ്റവും സാധ്യത കല്‍പിക്കപ്പെടുന്നു.

 

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല