1 $ = 0 INR
1 € = 0  INR
AssociationSpiritualEntertainmentFamily & KidsHealth & Life StyleArts & LteratureImmigrationGreetingsCookeryClassifieds
Posted By: Nri Malayalee July 14, 2019

സ്വന്തം ലേഖകന്‍: ബഹിരാകാശ രംഗത്ത് വന്‍ കുതിപ്പിനൊരുങ്ങി ഇന്ത്യ. രണ്ടാം ചാന്ദ്രപര്യവേഷണ ദൗത്യത്തിന് തുടക്കം കുറിക്കാന്‍ 20 മണിക്കൂര്‍ കൗണ്ട് ഡൗണ്‍ ആരംഭിച്ചു. നാളെ പുലര്‍ച്ചെ 2.51ന് ആന്ധ്ര പ്രദേശിലെ ശ്രീഹരിക്കോട്ടയില്‍ നിന്നാണ് വിക്ഷേപണം.

ബഹിരാകാശ രംഗത്ത് ചരിത്രകുതിപ്പിനൊരുങ്ങുകയാണ് ഇന്ത്യ. രണ്ടാം ചാന്ദ്രപര്യവേഷണ ദൌത്യം ചാന്ദ്രയാന്‍ 2 നാളെ പുലര്‍ച്ചെ 2.51ന് ശ്രീഹരികോട്ടയില്‍ നിന്ന് കുതിച്ചുയരും. ദൌത്യത്തിന് തുടക്കം കുറിച്ചു കൊണ്ടുള്ള കൌണ്ട് ഡൌണ്‍ ഇന്ന് രാവിലെ 6.51 ന് തുടങ്ങി. ചരിത്ര നിമിഷത്തിന് സാക്ഷിയാകാന്‍ രാഷ്ട്രപതി രാംനാഥ് കോവിന്ദടക്കമുള്ള പ്രമുഖരെത്തും.

ഐഎസ്ആര്‍ഒയുടെ സ്വന്തം ജിഎസ്എല്‍വി 3 റോക്കറ്റുകളാണ് ചന്ദ്രനിലേക്ക് ഉപഗ്രഹങ്ങളെ വഹിക്കുന്നത്. റോക്കറ്റിന്റെ വിവിധ ഘട്ടങ്ങളില്‍ ഇന്ധനം നിറയ്ക്കുന്നതുള്‍പ്പെടെയുള്ള നടപടികള്‍ പുരോഗമിക്കുകയാണ്. ഇതിന് മാത്രം 10 മണിക്കൂറിലേറെയെടുക്കുമെന്നാണ് വിലയിരുത്തല്‍.

ഇന്ത്യ വിജയത്തിലെത്തിച്ച ആദ്യ ചന്ദ്രയാന്‍ ദൌത്യം പൂര്‍ത്തീകരിച്ച് 10 വര്‍ഷങ്ങള്‍ക്ക് ശേഷമാണ് രണ്ടാം ദൌത്യത്തിലേക്ക് കടക്കുന്നത്. 53 ദിവസം നീണ്ട യാത്രയ്ക്ക് ശേഷമേ ചന്ദ്രയാന്‍ 2, ചന്ദ്രനിലെത്തുകയുള്ളൂ. 978 കോടി രൂപയാണ് ദൗത്യത്തിന്റെ ആകെ ചിലവ്. പേടകത്തിന് 3,850 കിലോഗ്രാം ഭാരം. ചന്ദ്രനെ വലം വയ്ക്കാനുള്ള ഓര്‍ബിറ്റര്‍, ചന്ദ്രനില്‍ ഇറങ്ങാന്‍ പോകുന്ന വിക്രം ലാന്‍ഡര്‍, ചന്ദ്ര പര്യവേഷണത്തിനായി തയ്യാറാക്കിയിട്ടുള്ള പ്രഗ്യാന്‍ റോവര്‍ എന്നിങ്ങനെ മൂന്ന് ഘടകങ്ങള്‍ അടങ്ങിയതാണ് ചന്ദ്രയാന്‍ രണ്ട്.

 

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല