1 $ = 0 INR
1 € = 0  INR
AssociationSpiritualEntertainmentFamily & KidsImmigrationGreetingsCookeryClassifieds
Posted By: Nri Malayalee August 5, 2020

സ്വന്തം ലേഖകൻ: സംസ്ഥാനത്ത് ഇന്ന് രോഗികളേക്കാൾ കൂടുതൽ രോഗമുക്തർ. ഇന്ന് 1,195 പേർക്കാണ് കോവിഡ് സ്ഥിരീകരിച്ചത്. എന്നാൽ 1,234 പേർ രോഗമുക്തി നേടിയെന്നും മുഖ്യമന്ത്രി പിണറായി വിജയൻ വാർത്താസമ്മേളനത്തിൽ പറഞ്ഞു.

971 പേര്‍ക്ക് സമ്പര്‍ക്കത്തിലൂടെയാണ് ഇന്ന് രോഗം ബാധിച്ചത്. അതില്‍ ഉറവിടം അറിയാത്ത 79 കേസുകളുണ്ട്. വിദേശത്ത് നിന്ന് വന്ന 66 പേര്‍ക്കും മറ്റ് സംസ്ഥാനങ്ങളില്‍ നിന്ന് വന്ന 125 പേര്‍ക്കും രോഗം ബാധിച്ചു. 13 ആരോഗ്യ പ്രവര്‍ത്തകര്‍ക്കും രോഗം ബാധിച്ചു. കോവിഡ് ബാധിച്ച് ഏഴ് മരണം ഇന്ന് സംസ്ഥാനത്ത് സ്ഥിരീകരിച്ചതായും മുഖ്യമന്ത്രി അറിയിച്ചു.

ഇന്ന് കോവിഡ് സ്ഥിരീകരിച്ചവരുടെ ജില്ല തിരിച്ചുള്ള കണക്ക്

തിരുവനന്തപുരം -274
മലപ്പുറം -167
കാസര്‍ഗോഡ് -128
എറണാകുളം -120
ആലപ്പുഴ -108
തൃശൂര്‍ -86
കണ്ണൂര്‍ -61
കോട്ടയം -51
കോഴിക്കോട് -39
പാലക്കാട് -41
ഇടുക്കി -39
പത്തനംതിട്ട -37
കൊല്ലം -30
വയനാട് -14

ഇന്ന് രോഗമുക്തരായവരുടെ കണക്ക്

തിരുവനന്തപുരം -528
കൊല്ലം -49
പത്തനംതിട്ട -46
ആലപ്പുഴ -60
കോട്ടയം -47
ഇടുക്കി -58
എറണാകുളം -35
തൃശൂര്‍ -51
പാലക്കാട് -13
മലപ്പുറം -77
കോഴിക്കോട് -72
വയനാട് -40
കണ്ണൂര്‍ -53
കാസര്‍ഗോഡ് -105

കഴിഞ്ഞ 24 മണിക്കൂറിനിടെ 25,096 സാംപിളുകൾ പരിശോധിച്ചു. 1,47,074 പേരാണ് നിരീക്ഷണത്തിലുള്ളത്. 11,167 പേര്‍ ആശുപത്രികളിലാണ്. 1444 പേരെയാണ് ഇന്ന് ആശുപത്രിയില്‍ പ്രവേശിപ്പിച്ചത്. ഇതുവരെ 4,17,939 സാംപിളുകളാണ് പരിശോധനയ്‌ക്ക് അയച്ചത്. ഇതില്‍ 6,444 സാംപിളുകളുടെ ഫലം വരാനുണ്ട്.

പൊലീസിനു അധിക ചുമതല നൽകിയത് സാഹചര്യം വിലയിരുത്തി ആരോഗ്യപ്രവർത്തകരുടെ ജോലി ഭാരം അമിതമായി കൂടിയ സാഹചര്യത്തിലാണ് പൊലീസിനു അധിക ചുമതല നൽകിയതെന്ന് മുഖ്യമന്ത്രി. സാഹചര്യത്തിനനുസരിച്ചുള്ള മാറ്റമാണ്.

ആരോഗ്യപ്രവർത്തകരുടെ മുഴുവൻ ജോലി പൊലീസിനു നൽകിയെന്ന് കരുതേണ്ട. കോൺടാക്‌ട് ട്രേസിങ് അടക്കമുള്ള കാര്യങ്ങൾക്കുവേണ്ടിയാണ് പൊലീസ് സേനയെ ഉപയോഗിക്കുന്നത്. ഇതിനെ പൊലീസ് രാജ് ‌എന്നൊക്കെ പറഞ്ഞു വിമർശിക്കുന്നത് വസ്‌തുതയ്‌ക്ക് നിരക്കാത്തതാണെന്നും മുഖ്യമന്ത്രി പറഞ്ഞു.

പൂന്തുറയിൽ രോഗവ്യാപന തോത് കുറയുന്നു

കള്ളിക്കാട്, വെള്ളറട, നെയ്യാറ്റിന്‍കര മുൻസിപ്പാലിറ്റി പ്രദേശങ്ങള്‍ ലാര്‍ജ് കമ്യൂണിറ്റി ക്ലസ്റ്ററായി മാറിയേക്കുമെന്ന് മുഖ്യമന്ത്രി പിണറായി വിജയന്‍. തിരുവനന്തപുരം പൂന്തുറ, വിഴിഞ്ഞം മേഖലകളില്‍ രോഗവ്യാപന സാധ്യത കുറയുന്നുണ്ട്. എന്നാല്‍, അപകടാവസ്ഥ അയഞ്ഞിട്ടില്ല. പട്ടാമ്പി, ഫാേർട്ട് കൊച്ചി, ആലുവ മേഖലകളിൽ രോഗവ്യാപനതോത് കുറഞ്ഞിട്ടില്ലെന്നും മുഖ്യമന്ത്രി പറഞ്ഞു.

ഇന്ത്യയിൽ 19 ലക്ഷം കടന്ന്​ കോവിഡ്​ ബാധിതർ

രാജ്യത്ത് ഇതുവരെ​ കോവിഡ്​ സ്ഥിരീകരിച്ചവരുടെ എണ്ണം 19,08,254 ആയി. 39,795 പേർ ഇതിനകം മരിച്ചു. 5,86,244പേർ നിലവിൽ ചികിത്സയിലാണ്​. 12,82,215 പേർ ​േരാഗമുക്തി നേടിയതായും കേന്ദ്ര ആരോഗ്യ കുടുംബക്ഷേമ മന്ത്രാലയം അറിയിച്ചു. കഴിഞ്ഞ 24 മണിക്കൂറിനുള്ളിൽ 52,509 പേർക്ക്​ കോവിഡ്​ സ്ഥിരീകരിക്കുകയും 857 പേർ മരണത്തിന്​ കീഴടങ്ങുകയും ചെയ്​തു.

കോവിഡ്​ ബാധിച്ച്​ രാജ്യത്ത്​ മരിച്ചവരിൽ 50 ശതമാനം പേരും 60 വയസും അതിനു മുകളിലുമുള്ളവരാണ്​. ഉത്തർപ്രദേശ്​ മന്ത്രി ബ്രജേഷ്​ പതകിന്​ ബുധനാഴ്​ച കോവിഡ്​ സ്ഥിരീകരിച്ചു. ഹിന്ദിയിലിട്ട ട്വീറ്റിൽ പതക്​ തന്നെയാണ്​ രോഗവിവരം അറിയിച്ചത്​.

കോവിഡ്​ ഗുരുതരമായി ബാധിച്ച മഹാരാഷ്​ട്രയിൽ ഇതുവരെ 4,57,956 പേർക്കാണ്​ കോവിഡ്​ സ്ഥിരീകരിച്ചത്​. ഇതിൽ 1,42,458 പേർ ചികിത്സയിലാണ്​. 2,99,356 പേർ രോഗമുക്തി നേടി. 16,142 പേർ മരണത്തിന്​ കീഴടങ്ങി. തമിഴ്​നാട്ടിൽ 2,68,285 പേർക്ക്​ ഇതിനകം രോഗം സ്ഥിരീകരിച്ചു.

ഇതിൽ 2,08,784 പേർ രോഗമുക്തി നേടി. 55,152 പേർ ചികിത്സയിലാണ്​. 4349 പേർ മരിച്ചു. ആന്ധ്രപ്രദേശിൽ 79,104 പേർ കോവിഡ്​ ബാധിച്ച്​ ചികിത്സയിൽ തുടരുകയാണ്​. ഇതിനകം 1,76,333 പേർക്ക്​ രോഗം സ്ഥിരീകരിച്ചിട്ടുണ്ട്. 95,625 പേർ രോഗമുക്തി നേടി. 1604 പേർ മരണത്തിന്​ കീഴടങ്ങി.

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല

Comments are Closed.