1 $ = 0 INR
1 € = 0  INR
AssociationSpiritualEntertainmentFamily & KidsArts & LteratureImmigrationGreetingsCookeryClassifieds
Posted By: Nri Malayalee September 26, 2020

സ്വന്തം ലേഖകൻ: കോവിഡ്​ പ്രതിസന്ധിയിൽ​ ഇന്ത്യ​ക്കും സൌദി അറേബ്യക്കുമിടയിൽ നിർത്തിവെച്ച റെഗുലർ വിമാന സർവിസ്​ പുനരാരംഭിക്കുന്നത്​ വൈകും. ഇന്ത്യയിൽ കോവിഡ്​ രൂക്ഷമായ പശ്ചാത്തലത്തിലാണിത്​. സൌദിയിൽനിന്ന്​ ഇന്ത്യയിലേക്ക്​ വന്ദേഭാരത് മിഷന്​ കീഴിലെ വിമാനങ്ങളും ​ചാർ​േട്ടഡ്​ വിമാനങ്ങളും നടത്തുന്ന സർവിസുകൾ തുടരും. ഇന്ത്യയിൽ നിന്ന്​ തിരിച്ച്​ അത്തരത്തിലുള്ള സർവിസുകൾ​ക്കൊന്നും അനുവാദമില്ല. അന്താരാഷ്​ട്ര വിമാന സർവിസിനുള്ള വിലക്ക് സൌദി​ അറേബ്യ സെപ്​റ്റംബർ 15 മുതൽ ഭാഗികമായി നീക്കിയെങ്കിലും ഇന്ത്യയിൽനിന്നുള്ളതിന്​ അത്​ ബാധകമാകില്ല​.

ഇരു രാജ്യങ്ങൾക്കുമിടയിൽ വ്യോമഗതാഗതം സാധാരണ നിലയിലാവും എന്ന പ്രതീക്ഷയാണ്​ ഇതോടെ അസ്​തമിക്കുന്നത്​. ഇന്ത്യയിൽ കഴിയുന്ന സൌദി തൊഴിൽ വിസയുള്ളവരെല്ലാം ആകാംക്ഷയിലായിരുന്നു​. ഇതിനിടെ ഇരുരാജ്യങ്ങൾക്കുമിടയിലുള്ള മുഴുവൻ വിമാന സർവിസുകളും നിർത്തിവെക്കുന്നതായി ​വന്ന വാർത്തകൾക്ക്​ അടിസ്ഥാനമില്ലെന്നും വ്യക്തമായി​.

സൌദി സിവി​ൽ ഏവിയേഷൻ അതോറിറ്റിയുടെ (ഗാക) പേരിൽ സമൂഹമാധ്യമങ്ങളിൽ പ്രചരിച്ച സർക്കുലറിനെ അടിസ്ഥാനമാക്കിയായിരുന്നു കേരളത്തിലെ മുഖ്യധാര മാധ്യമങ്ങളടക്കം വാർത്ത നൽകിയത്​. കോവിഡ്​ രൂക്ഷമായ സാഹചര്യത്തിൽ ഇന്ത്യ, ബ്രസീൽ, അർജൻറീന എന്നീ രാജ്യങ്ങളിലേക്ക്​ യാത്രാവിലക്ക്​ ഏർപ്പെടുത്തുന്നു എന്നായിരുന്നു സർക്കുലർ​. ചൊവ്വാഴ്​ച രാത്രി മുതലാണ് സമൂഹമാധ്യമങ്ങളിലിത്​​ പ്രചരിച്ചത്​. ഇതി​െൻറ ആധികാരികത ഇനിയും സ്ഥിരീകരിച്ചിട്ടില്ല.

സൌദി ദേശീയദിനാഘോഷങ്ങളുടെ ഭാഗമായി ശനിയാഴ്​ച വരെ ഗാക അവധിയായതിനാൽ ഒൗദ്യോഗിക വിശദീകരണം ഉണ്ടായിട്ടില്ല. പല വിമാന കമ്പനികളും വിശദീകരണം നൽകി. വ​ന്ദേഭാ​ര​ത്​ മി​ഷ​ന്​ കീ​ഴി​ൽ ഇ​ന്ത്യയി​ലേ​ക്ക്​ യാ​ത്ര​ക്കാ​രു​മാ​യി പ​റ​ക്കാ​ൻ സൗ​ദി അ​റേ​ബ്യ അ​നു​വ​ദി​ച്ചി​ട്ടു​ണ്ടെ​ന്ന്​ എ​യ​ർ ഇ​ന്ത്യ എ​ക്​​സ്​​പ്ര​സ്​ വ്യാഴാഴ്​ച വ്യക്തമാക്കി. എന്നാൽ ഇ​ന്ത്യ​യി​ൽ​നി​ന്ന്​ യാ​ത്ര​ക്കാ​രു​മാ​യി സൗ​ദിയിലേക്ക്​​ പോകി​ല്ലെ​ന്നും അവർ അറിയിച്ചു. സമാന രീതിയിൽ മറ്റു​ വിമാന കമ്പനികളും നിലപാടെടുത്തു.

സൌദിയിലേക്കുള്ള യാത്രക്കാർക്ക്​ ഇന്ത്യൻ വിമാനത്താവളങ്ങളിൽനിന്ന്​ ബോർഡിങ് പാസ്​ അനുവദിക്കുന്നില്ല എന്ന കാരണത്താൽ യു.എ.ഇ വഴിയുള്ള കണക്​ഷൻ വിമാനങ്ങളിലെ യാത്രക്കാരെ അവസാന നിമിഷം ഒഴിവാക്കിയിരുന്നു. സൌദിയിലേക്ക്​ നേരിട്ട്​ യാത്രക്കാരെ അയക്കേണ്ടെന്ന നിർദേശം സൌദി അധികൃതരിൽനിന്ന്​ ​ഇന്ത്യൻ അധികൃതർക്ക്​ ലഭിച്ചിട്ടുണ്ടാകണം എന്നാണ്​ കരുതുന്നത്​. ​

മറ്റ്​ ജി.സി.സി രാജ്യങ്ങളിലെത്തി 14 ദിവസം അവിടെ ക്വാറൻറീനിൽ കഴിഞ്ഞശേഷം സൌദിയിലെത്തുക എന്നത്​ മാത്രമാണ്​ സൌദിയിലേക്ക്​ മട​ങ്ങാൻ ആഗ്രഹിക്കുന്ന പ്രവാസികൾക്ക്​ മുന്നിലുള്ള ഏക മാർഗം. ഇഖാമയുടെയും റീഎൻട്രി വിസയുടെയും കാലാവധി അവസാനിക്കുന്നവർക്ക്​ സൌദിയിലെ അവരുടെ സ്​പോൺസർമാർ മുഖേന പുതുക്കാൻ കഴിയും.

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല