1 $ = 0 INR
1 € = 0  INR
AssociationSpiritualEntertainmentFamily & KidsHealth & Life StyleArts & LteratureImmigrationGreetingsCookeryClassifieds
Posted By: Nri Malayalee June 9, 2019

സ്വന്തം ലേഖകന്‍: ദുബൈയില്‍ ബസ് അപകടത്തില്‍ മരിച്ച 17 പേരില്‍ അറിയപ്പെടുന്ന ഇന്ത്യന്‍ മോഡലും ഉള്‍പ്പെടുന്നു. മോഡലിങ് രംഗത്ത് ശ്രദ്ധേയയായ രോഷ്‌നി മുള്‍ചന്ദാനി എന്ന 22 കാരിയാണ് ഈ അപകടത്തില്‍ മരിച്ചത്. പാം ജുമൈറയിലെ ഒരു ആഢംബര ഹോട്ടലിന്റെ മാര്‍ക്കറ്റിങ് വിഭാഗത്തിലായിരുന്നു ജോലി. രോഷ്‌നിയുടെ മൃതദേഹം ദുബൈ ജബല്‍ അലിയിലെ ഹിന്ദു ശ്മശാനത്തില്‍ സംസ്‌കരിച്ചു. രോഷ്‌നി സലാലയില്‍ ഈദ് അവധി ചെലവിടാന്‍ ഒമാനിലേക്ക് പോയതായിരുന്നു.

ദുബൈയില്‍ ബസപകടത്തില്‍ മരിച്ച മലയാളികള്‍ ഉള്‍പ്പെടെ മുഴുവന്‍ ഇന്ത്യക്കാരുടെയും മൃതദേഹങ്ങള്‍ നാട്ടിലേക്ക് അയച്ചു. ഇന്ന് രാത്രിയും നാളെ രാവിലെയുമായി മൃതദേഹങ്ങള്‍ നാട്ടിലെത്തും. ഒരാളുടെ മൃതദേഹം ദുബൈയില്‍ സംസ്‌കരിക്കും.

അപകടത്തില്‍ മരിച്ച മലയാളികളില്‍ നാലു പേരുടെ മൃതദേഹങ്ങള്‍ ഇന്ന് രാത്രിയും ഞായറാഴ്ച രാവിലെയുമായി കോഴിക്കോട് വിമാനത്താവളത്തില്‍ എത്തും. രണ്ടുപേരുടെ മൃതദേഹം തിരുവനന്തപുരം വിമാനത്താവളത്തില്‍ എത്തിക്കും. തൃശൂര്‍ തളിക്കുളം സ്വദേശി ജമാലുദ്ദീന്റെ മൃതദേഹം ഇന്ന് രാവിലെ കൊച്ചിയില്‍ എത്തിച്ചിരുന്നു. തലശ്ശേരി സ്വദേശികളായ ഉമര്‍, നബില്‍ ഉമര്‍, തൃശൂര്‍ സ്വദേശി കിരണ്‍, കണ്ണൂര്‍ സ്വദേശി രാജന്‍ എന്നിവരുടെ മൃതദേഹങ്ങളാണ് കോഴിക്കോട്ടേക്ക് അയച്ചത്.

തിരുവനന്തപുരം സ്വദേശി ദീപ കുമാര്‍, കോട്ടയം സ്വദേശി വിമല്‍കുമാര്‍ എന്നിവരുടെ മൃതദേഹങ്ങള്‍ തിരുവനന്തപുരത്തും എത്തിക്കും. ഇന്ത്യക്കാരി റോഷ്‌നി മുല്‍ചന്ദനായിയുടെ മൃതദേഹം ദുബൈയില്‍ സംസ്‌കരിക്കും.

 

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല

Comments are Closed.