1 $ = 0 INR
1 € = 0  INR
AssociationSpiritualEntertainmentFamily & KidsHealth & Life StyleArts & LteratureImmigrationGreetingsCookeryClassifieds
Posted By: Nri Malayalee July 14, 2019

സ്വന്തം ലേഖകന്‍: സ്വകാര്യത ലംഘനം സംബന്ധിച്ചു ഫെയ്‌സ്ബുക്കിനെതിരായ കേസ് 5 ബില്യന്‍ യുഎസ് ഡോളര്‍ (34,000 കോടി രൂപയിലേറെ) പിഴ ഈടാക്കി ഒത്തുതീര്‍പ്പാക്കുന്നു. യുഎസിലെ ഉപഭോക്തൃ സംരക്ഷണ – കുത്തക നിയന്ത്രണ ഏജന്‍സിയായ ഫെഡറല്‍ ട്രേഡ് കമ്മിഷനാണ് ഇതിന് അനുമതി നല്‍കിയത്.

കമ്മിഷനില്‍ ഇതു സംബന്ധിച്ച് അഭിപ്രായ വ്യത്യാസമുണ്ടായിരുന്നു. വോട്ടെടുപ്പിലൂടെയാണ് അംഗീകാരം നല്‍കിയത്. 2 ഡമോക്രാറ്റിക് പാര്‍ട്ടി അംഗങ്ങള്‍ ഇതിനെ എതിര്‍ത്തു. 3 റിപ്പബ്ലിക്കന്‍ അംഗങ്ങള്‍ അനുകൂലിച്ചു. നീതിന്യായ വകുപ്പിന്റെ അംഗീകാരം കൂടി ലഭിച്ചാലേ ഒത്തുതീര്‍പ്പ് യാഥാര്‍ഥ്യമാകൂ.

സ്വകാര്യത ലംഘനത്തിന് യുഎസില്‍ ഈടാക്കുന്ന ഏറ്റവും വലിയ പിഴയാണ് ചുമത്തിയിട്ടുള്ളത്. എന്നാല്‍ ഫെയ്‌സ്ബുക്കിന് വന്‍പിഴ വലിയ പ്രശ്‌നമാകില്ല. ഈ വര്‍ഷം ആദ്യത്തെ 3 മാസത്തെ മാത്രം അവരുടെ വരുമാനം 15.1 ബില്യ!ന്‍ യുഎസ് ഡോളറാണ് (ഒരു ലക്ഷം കോടി രൂപയിലേറെ.) പിഴ കുറഞ്ഞുപോയെന്നും കൂടുതല്‍ പിഴയും ശക്തമായ നടപടികളും വേണമെന്നും ആവശ്യമുയര്‍ന്നിട്ടുണ്ട്.

 

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല