1 $ = 0 INR
1 € = 0  INR
AssociationSpiritualEntertainmentFamily & KidsHealth & Life StyleArts & LteratureImmigrationGreetingsCookeryClassifieds
Posted By: Nri Malayalee August 26, 2019

സ്വന്തം ലേഖകന്‍: ബഹിരാകാശ യാത്രിക ആന്‍ മക്ലെയിന്‍(40) ബഹിരാകാശത്തെ ആദ്യ ക്രൈം കേസില്‍ പ്രതി. മുന്‍ ഇന്റലിജന്‍സ് ഓഫിസര്‍ സമ്മര്‍ വോര്‍ഡനുമായുള്ള സ്വവര്‍ഗ വിവാഹത്തിലൂടെ വാര്‍ത്തകളില്‍ നിറഞ്ഞ ആന്‍ മക്ലെയിന്‍ ഈ ബന്ധത്തിലുണ്ടായ വിള്ളലുകളിലൂടെയാണു വീണ്ടും രാജ്യാന്തര ശ്രദ്ധ നേടുന്നത്. ബഹിരാകാശത്തെ ആദ്യ കുറ്റകൃത്യം അന്വേഷിക്കാനൊരുങ്ങുകയാണ് നാസ.

വേര്‍പിരിഞ്ഞു കഴിയുന്ന ജീവിത പങ്കാളിയുടെ ബാങ്ക് അക്കൗണ്ട് ബഹിരാകാശ നിലയത്തില്‍ ഇരുന്നുകൊണ്ട് തന്നെ ആന്‍ മക്ലെയിന്‍ ഉപയോഗിച്ചുവെന്ന സമ്മര്‍ വോര്‍ഡന്റെ പരാതിയില്‍ മേലാണ് അന്വേഷണം. ബഹിരാകാശ യാത്രയുടെ ഭാഗമായി രാജ്യാന്തര ബഹിരാകാശ നിലയത്തില്‍ ആയിരുന്ന സമയത്ത് സമ്മര്‍ വോര്‍ഡന്റെ യൂസര്‍നെയിമും പാസ്!വേര്‍ഡും ഉപയോഗിച്ച് ബാങ്ക് അക്കൗണ്ടില്‍നിന്ന് അനുവാദമില്ലാതെ പണം പിന്‍വലിച്ചുവെന്നാണ് ആരോപണം. ഫെഡറല്‍ ട്രേഡ് കമ്മിഷനും നാസയ്ക്കുമാണ് വോര്‍ഡന്‍ രേഖാമൂലം പരാതി നല്‍കിയത്.

വിവാഹത്തിനു ശേഷം രണ്ട് പേരും ഉപയോഗിച്ചു കൊണ്ടിരുന്ന ജോയിന്റ് അക്കൗണ്ടാണ് ഇതെന്നും നിയമവിരുദ്ധമായി ഒന്നും ചെയ്തിട്ടില്ലെന്നും ആന്‍ മക്ലെയിന്‍ അഭിഭാഷകന്‍ വഴി അറിയിച്ചു. മകന്റെ ചെലവിലേക്കായി താനും വോര്‍ഡനും ചേര്‍ന്ന് നിക്ഷേപിച്ച പണം അതേ ആവശ്യങ്ങള്‍ക്കായാണോ ഉപയോഗിക്കുന്നതെന്നു പരിശോധിക്കുക മാത്രമാണ് താന്‍ ചെയ്തതെന്നും ആന്‍ മക്ലെയിന്‍ വിശദീകരിച്ചു.

 

 

 

 

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല