1 $ = 0 INR
1 € = 0  INR
AssociationSpiritualEntertainmentFamily & KidsHealth & Life StyleArts & LteratureImmigrationGreetingsCookeryClassifieds
Posted By: Nri Malayalee June 17, 2019

സ്വന്തം ലേഖകന്‍: ചൈനയുമായി കുറ്റവാളി കൈമാറ്റക്കരാര്‍ ഉണ്ടാക്കുന്നതിനുള്ള ബില്‍ തത്കാലത്തേക്ക് ഉപേക്ഷിച്ചിട്ടും ഹോങ്കോംഗില്‍ പ്രതിഷേധം അവസാനിക്കുന്നില്ല. ബില്‍ പൂര്‍ണമായി ഉപേക്ഷിക്കണമെന്നും ചീഫ് എക്‌സിക്യൂട്ടീവ് കാരി ലാം രാജിവയ്ക്കണമെന്നും ആവശ്യപ്പെട്ട് ഇന്നലെ നടന്ന പ്രകടനം അക്ഷരാര്‍ഥത്തില്‍ ഹോങ്കോംഗിലെ ജനജീവിതം സ്തംഭിപ്പിച്ചു.

വിക്ടോറിയ പാര്‍ക്കില്‍നിന്നു രണ്ടു മൈല്‍ അകലെയുള്ള ഭരണ സിരാകേന്ദ്രമായ അഡ്മിറാലിറ്റി ഡിസ്ട്രിക്ടിലേക്കുള്ള പ്രകടനത്തില്‍ ഇരുപതു ലക്ഷം പേര്‍ പങ്കെടുത്തെന്നാണ് ആദ്യറിപ്പോര്‍ട്ടുകള്‍ സൂചിപ്പിക്കുന്നത്. പ്രകടനം ആരംഭിച്ച് ഏഴു മണിക്കൂര്‍ പിന്നിട്ടിട്ടും വിക്ടോറിയ പാര്‍ക്കിലേക്ക് ജനം എത്തിക്കൊണ്ടിരുന്നു. കഴിഞ്ഞ! ഞായറാഴ്ച നടന്ന പ്രകടനത്തില്‍ പത്തുലക്ഷം പേരാണു പങ്കെടുത്തത്.

മുന്‍ പ്രകടനങ്ങളില്‍ പോലീസ് അക്രമം കാണിച്ചതിനു ഖേദം പ്രകടിപ്പിച്ച് കാരിലാമിന്റെ ഓഫീസ് ഇന്നലെ പ്രസ്താവന പുറപ്പെടുവിച്ചു. എന്നാല്‍ ബെയ്ജിംഗിന്റെ പാവയായ ഭരണാധിപ കാരി ലാം രാജിവയ്ക്കാതെ സമരം നിര്‍ത്തില്ലെന്നാണു പ്രക്ഷോഭകരുടെ നിലപാട്.

ചൈനീസ് അനുകൂലിയായ കാരി ലാം ശനിയാഴ്ച അപ്രതീക്ഷിതമായി നിലപാടു മാറ്റി, ബില്‍ തത്കാലത്തേക്ക് ഉപേക്ഷിക്കുകയാണെന്നു പ്രഖ്യാപിക്കുകയായിരുന്നു. എന്നാല്‍ പൂര്‍ണമായി ഉപേക്ഷിക്കാതെ പ്രതിഷേധം അവസാനിപ്പിക്കില്ലെന്നാണ് ജനാധിപത്യവാദികളുടെ നിലപാട്. പ്രതിഷേധം കെട്ടടങ്ങുന്‌പോള്‍ ബില്‍ വീണ്ടും പരിഗണനയ്ക്ക് എടുത്തേക്കാമെന്ന് ഇവര്‍ ചൂണ്ടിക്കാട്ടുന്നു.

കഴിഞ്ഞ ഞായറാഴ്ചയും ബുധനാഴ്ചയും വന്‍ പ്രകടനങ്ങള്‍ ഹോങ്കോംഗില്‍ നടന്നിരുന്നു. ഹോങ്കോംഗിന്റെ സ്വാതന്ത്ര്യം ചൈനയ്ക്ക് അടിയറ വയ്ക്കുന്ന നിയമമാണിതെന്ന് ഹോങ്കോംഗുകാര്‍ ചൂണ്ടിക്കാട്ടുന്നു. ഹോങ്കോംഗിലെ ബിസിനസുകാരും മതനേതാക്കളും നിയമത്തെ എതിര്‍ക്കുന്നു.

 

 

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല

Comments are Closed.