1 $ = 0 INR
1 € = 0  INR
AssociationSpiritualEntertainmentFamily & KidsImmigrationGreetingsCookeryClassifieds
Posted By: Nri Malayalee August 5, 2018

സ്വന്തം ലേഖകന്‍: പാകിസ്താനില്‍ തരംഗമായി ഇമ്രാന്‍ കേക്ക്; ഓര്‍ഡര്‍ നല്‍കാന്‍ തിക്കും തിരക്കും. നിയുക്ത പ്രധാനമന്ത്രി ഇമ്രാന്‍ ഖാന്റെ മാതൃകയില്‍ നിര്‍മിച്ച കേക്കാണ് ഇപ്പോള്‍ പാകിസ്താനില്‍ വൈറലായിരിക്കുന്നത്. വണ്‍സ് അപ്പോണ്‍ എ കേക്ക് എന്ന ബേക്കറി സ്ഥാപനത്തിന്റെ ഉടമസ്ഥയായ വര്‍ദ സഹീദാണ് ഈ കേക്കിന്റെ നിര്‍മ്മാതാവ്.

ഇമ്രാന്‍ഖാന്റെ പാര്‍ട്ടി പതാകയുടെ നിറമാണ് കേക്കിന് നല്‍കിയിരിക്കുന്നത്. മാത്രമല്ല ചവിട്ടി നില്‍ക്കുന്ന പരവതാനിയും കഴുത്തിലിട്ടിരിക്കുന്ന ഷാളും ഇതേ നിറം തന്നെയാണ്. കഴിഞ്ഞ വര്‍ഷമാണ് താന്‍ ഈ കേക്ക് നിര്‍മ്മിച്ചതെന്ന് ബേക്കറി ഉടമസ്ഥയായ വര്‍ദ സഹീദ് വെളിപ്പെടുത്തുന്നു. ഈ വര്‍ഷം ഇതേ മാതൃകയില്‍ തന്നെ മറ്റൊരു കേക്ക് നിര്‍മ്മിക്കാനായിരുന്നു തീരുമാനം. എന്നാല്‍ കഴിഞ്ഞ വര്‍ഷം നിര്‍മ്മിച്ച ഈ കേക്കാണ് ശ്രദ്ധ നേടിയത്.

ഇത്രയും ശ്രദ്ധ നേടുമെന്ന് താന്‍ സ്വപ്നത്തില്‍ പോലും വിചാരിച്ചിരുന്നില്ലെന്ന് സഹീദ പറയുന്നു. ഫേസ്ബുക്കിലാണ് കേക്കിന്റെ ഫോട്ടോ ആദ്യം പോസ്റ്റ് ചെയ്തത്. അതിനുശേഷം തന്റെ ഇന്‍ബോക്‌സിലേക്ക് കേക്ക് ആവശ്യപ്പെട്ടു കൊണ്ടുള്ള സന്ദേശങ്ങളുടെ പ്രവാഹമായിരുന്നു എന്ന് സഹീദ് പറയുന്നു. ഇമ്രാന്‍ ഖാന്‍ പ്രധാനമന്ത്രിയായി സത്യപ്രതിജ്ഞ ചെയ്യുന്ന അന്നേ ദിവസത്തേയ്ക്കാണ് മിക്കവരും ഓര്‍ഡര്‍ നല്‍കിയിരിക്കുന്നത്. നാല് കിലോഗ്രാമാണ് കേക്കിന്റെ ഭാരം.

 

 

 

 

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല

Comments are Closed.