1 $ = 0 INR
1 € = 0  INR
AssociationSpiritualEntertainmentFamily & KidsHealth & Life StyleArts & LteratureImmigrationGreetingsCookeryClassifieds
Posted By: Nri Malayalee August 21, 2019

സ്വന്തം ലേഖകന്‍: കശ്മീര്‍ വിഷയത്തില്‍ മധ്യസ്ഥത വഹിക്കാനുള്ള താത്പര്യം വീണ്ടും പ്രകടിപ്പിച്ച് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്. ഇന്ത്യയും പാകിസ്താനും തമ്മിലുള്ള ഉഭയകക്ഷി പ്രശ്‌നമാണ് കശ്മീരെന്നും വിഷയത്തില്‍ മൂന്നാമതൊരു കക്ഷിയുടെ ഇടപെടല്‍ ആവശ്യമില്ലെന്നും ഇന്ത്യ ആവര്‍ത്തിച്ച് വ്യക്തമാക്കിയിട്ടുണ്ട്. എന്നാല്‍, ഫ്രാന്‍സില്‍ നടക്കാനിരിക്കുന്ന ജി 7 ഉച്ചകോടിക്കിടെ പ്രധാനമന്ത്രി നരേന്ദ്രമോദിയുമായി കശ്മീര്‍ വിഷയം ചര്‍ച്ച ചെയ്യുമെന്നും ഇന്ത്യയ്ക്കും പാകിസ്താനും ഇടയില്‍ നിലനില്‍ക്കുന്ന സംഘര്‍ഷാവസ്ഥയ്ക്ക് അയവു വരുത്താന്‍ ശ്രമിക്കുമെന്നും ട്രംപ് പറഞ്ഞു.

വൈറ്റ് ഹൗസില്‍ മാധ്യമങ്ങളോട് സംസാരിക്കവെയാണ് ട്രംപ് ഇക്കാര്യം പറഞ്ഞത്. ജമ്മു കശ്മീരിന്റെ പ്രത്യേക പദവി എടുത്തുകളഞ്ഞ നടപടിക്ക് പിന്നാലെയുണ്ടായ സ്ഥിതിഗതികള്‍ ശാന്തമാക്കുന്നതിന് ഇടപെടുന്നതില്‍ സന്തോഷമാണ് ഉള്ളതെന്ന് ട്രംപ് പറഞ്ഞു. പ്രധാനമന്ത്രി നരേന്ദ്രമോദിയും പാക് പ്രധാനമന്ത്രി ഇമ്രാന്‍ ഖാനും കഴിഞ്ഞ ദിവസങ്ങളില്‍ ട്രംപുമായി ഫോണില്‍ സംസാരിച്ചിരുന്നു. ഇതിന് പിന്നാലെയാണ് കശ്മീര്‍ വിഷയത്തില്‍ മധ്യസ്ഥത വഹിക്കാന്‍ താത്പര്യം പ്രകടിപ്പിച്ച് ട്രംപ് രംഗത്തെത്തിയിട്ടുള്ളത്.

മധ്യസ്ഥത വഹിക്കുക എന്നതാണ് ഇപ്പോള്‍ തനിക്ക് ചെയ്യാന്‍ കഴിയുന്നതെന്ന് ട്രംപ് പറഞ്ഞു. മോദിയും ഇമ്രാന്‍ ഖാനും തമ്മില്‍ തനിക്ക് വളരെ മികച്ച ബന്ധമാണുള്ളത്. എന്നാല്‍ അവര്‍ ഇരുവരും ഇപ്പോള്‍ സുഹൃത്തുക്കളല്ല എന്നതാണ് യാഥാര്‍ഥ്യം. സങ്കീര്‍ണായ സാഹചര്യമാണിത്. ഇന്ത്യയും പാകിസ്താനും തമ്മിലുള്ള പ്രശ്‌നത്തില്‍ മതവും ഒരു ഘടകമാണെന്ന് ട്രംപ് പറഞ്ഞതായി പി.ടി.ഐ വാര്‍ത്താ ഏജന്‍സി റിപ്പോര്‍ട്ടുചെയ്തു.

 

 

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല