TEL.07906415736

1 $ = 0 INR
1 € = 0  INR
AssociationSpiritualEntertainmentFamily & KidsHealth & Life StyleArts & LiteratureImmigrationGreetingsCookeryClassifieds
Posted By: Nri Malayalee September 13, 2017

സ്വന്തം ലേഖകന്‍: യെമനില്‍ ഭീകരര്‍ ബന്ദിയാക്കിയ മലയാളി വൈദികന്‍ ഫാദര്‍ ടോം ഉഴുന്നാലില്‍ മോചിതനായി, വത്തിക്കാനില്‍ മാര്‍പാപ്പയെ സന്ദര്‍ശിച്ചതിനു ശേഷം നാട്ടിലേക്ക് തിരിക്കും. വത്തിക്കാന്റെ പ്രത്യേക അഭ്യര്‍ഥന പ്രകാരം ഒമാന്‍ സര്‍ക്കാരിന്റെ ഇടപെടലിനെ തുടര്‍ന്ന് ഫാദര്‍ ഉഴുന്നാലിനെ ഭീകരര്‍ വിട്ടയച്ചതായി ഒമാന്‍ മാധ്യമങ്ങള്‍ വാര്‍ത്ത പുറത്തുവിട്ടത്. തുടര്‍ന്ന് ഫാദര്‍ ടോം മോചിതനായ വിവരം സ്ഥിരീകരിച്ച് ഇന്ത്യന്‍ വിദേശകാര്യ മന്ത്രി സുഷമ സ്വരാജ് ട്വീറ്റ് ചെയ്തു.

ഭീകരരുടെ പിടിയില്‍ നിന്ന് മോചിതനായ ഫാദര്‍ ടോം ഉഴുന്നാലിനെ ഒമാന്‍ തലസ്ഥാനമായ മസ്‌കറ്റിലെ ഒരു കേന്ദ്രത്തിലേക്ക് മാറ്റിയതായി ‘ഒമാന്‍ ഒബ്‌സര്‍വര്‍’ പത്രം പറയുന്നു. ഒരു വലിയ മുറിയില്‍ ഫാദര്‍ ടോം നില്‍ക്കുന്ന ചിത്രവും പത്രം പുറത്തുവിട്ടു. കറുത്തവസ്ത്രം ധരിച്ച ഫാദര്‍ ടോം പ്രസന്നവദനനായി നില്‍ക്കുന്നതാണ് ചിത്രം. ദൈവത്തിനും തന്റെ മോചനത്തിനായി ശ്രമിച്ച സഹപ്രവര്‍ത്തകര്‍ക്കും സഹോദരങ്ങള്‍ക്കും ബന്ധുക്കള്‍ക്കും ഒമാന്‍ ഭരണാധികാരി സുല്‍ത്താന്‍ ഖ്വാബൂസിനും നന്ദി അറിയിക്കുന്നതായി ഫാദര്‍ ടോം പ്രതികരിച്ചു.

ഒമാനില്‍ എത്തിച്ച ഫാദര്‍ ഉഴുന്നാലിന് വിദഗ്ധ ചികിത്സ നല്‍കി. അദ്ദേഹം വത്തിക്കാനിലേക്ക് തിരിച്ചതായാണ് ഏറ്റവും ഒടുവിലത്തെ വിവരങ്ങള്‍. മാര്‍പാപ്പയെ കണ്ടശേഷം ഇന്ത്യയിലെത്തും. ഫാദര്‍ ടോം ഉഴുന്നാലിന്റെ മോചനത്തിന് ഒമാന്‍ നിര്‍ണായകമായ ഇടപെടലാണ് നടത്തിയതെന്ന് സീറോ മലബാര്‍ കത്തോലിക്കാ സഭാധ്യക്ഷന്‍ കര്‍ദ്ദിനാള്‍ മാര്‍ മാര്‍ ആലഞ്ചേരി വ്യക്തമാക്കി. ഫാദര്‍ ടോമിന്റെ മോചനത്തിനായി കേന്ദ്ര സര്‍ക്കാര്‍ നടത്തിയ ഇടപെടലില്‍ നന്ദിപറയുന്നതായും അദ്ദേഹം അറിയിച്ചു.

സലേഷ്യന്‍ വൈദികനും പാലാ രാമപുരം സ്വദേശിയുമായ ഫാദര്‍ ടോം, യെമനിലാണ് പ്രവര്‍ത്തിച്ചിരുന്നത്. 2016 മാര്‍ച്ച് നാലിനാണ് ഐഎസ് തീവ്രവാദികള്‍ യെമനിലെ ഏദനിലുള്ള മിഷനറീസ് ഓഫ് ചാരിറ്റീസിന്റെ വൃദ്ധസദനം അക്രമിച്ച ശേഷം നാല് കന്യാസ്ത്രീകളെയും നിരവധി അന്തേവാസികളെയും വധിക്കുകയും ഫാ. ടോമിനെ തട്ടിക്കൊണ്ടുപോവുകയും ചെയ്തത്. തുടര്‍ന്ന് കത്തോലിക്കാ സഭയും ഇന്ത്യന്‍ വിദേശകാര്യവകുപ്പും വിവിധ തലങ്ങളില്‍ ഫാദര്‍ ടോമിന്റെ മോചനത്തിനായി ശ്രമം നടത്തി വരുകയായിരുന്നു.

ഫാദര്‍ ടോമിനെ വിടണമെങ്കില്‍ വന്‍തുക മോചനദ്രവ്യം നല്‍കണമെന്ന് ഭീകര്‍ ഉപാധിവച്ചത് മോചനശ്രമങ്ങള്‍ അനിശ്ചിതത്വത്തിലാക്കി. കൂടാതെ ഇന്ത്യയ്ക്ക് യെമനുമായി നയതന്ത്ര ബന്ധമില്ലാത്തതും മോചന വൈകാന്‍ കാരണമായി. ഇതിനിടെ മൂന്നു തവണ ഫാദര്‍ ഉഴുന്നാലിന്റെ വീഡിയോ ചിത്രങ്ങള്‍ ഭീകരര്‍ പുറത്തുവിട്ടിരുന്നു. ഇന്ത്യന്‍ വിദേശകാര്യമന്ത്രാലയം, സൗദിയുടെ സഹായത്തോടെ നയതന്ത്ര നീക്കങ്ങള്‍ നടത്തിയപ്പോള്‍ കത്തോലിക്ക സഭ ഒമാന്റെ സഹായം തേടി. തുടര്‍ന്ന് ഒമാന്‍ സുല്‍ത്താന്‍ ഫാദറിന്റെ മോചനത്തിനായി അടിയന്തിരമായി ഇടപെടുകയായിരുന്നു.

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല

‘ആരാണ് രാഹുല്‍ ഗാന്ധിക്കൊപ്പം നില്‍ക്കുന്ന ഈ സുന്ദരി,’ സോഷ്യല്‍ മീഡിയ ചോദിക്കുന്നു, കൗതുകമായി രാഹുല്‍ ഗാന്ധിയുടെ യുഎസ് സന്ദര്‍ശനത്തിലെ ചിത്രം
‘ആരാണ് രാഹുല്‍ ഗാന്ധിക്കൊപ്പം നില്‍ക്കുന്ന ഈ സുന്ദരി,’ സോഷ്യല്‍ മീഡിയ ചോദിക്കുന്നു, കൗതുകമായി രാഹുല്‍ ഗാന്ധിയുടെ യുഎസ് സന്ദര്‍ശനത്തിലെ ചിത്രം
രണ്ടേമുക്കാല്‍ ലക്ഷം കോടിയുടെ സ്വത്ത് ബാക്കിയാക്കി ലോകത്തിലെ ഏറ്റവും സമ്പന്നയായ വനിത ലിലിയന്‍ ബെറ്റന്‍കോര്‍ട്ട് ഓര്‍മയായി
രണ്ടേമുക്കാല്‍ ലക്ഷം കോടിയുടെ സ്വത്ത് ബാക്കിയാക്കി ലോകത്തിലെ ഏറ്റവും സമ്പന്നയായ വനിത ലിലിയന്‍ ബെറ്റന്‍കോര്‍ട്ട് ഓര്‍മയായി
ട്രംപ് ഭ്രാന്തനായ കിഴവനാണെന്ന് കിം ജോങ് ഉന്‍, കിമ്മിന് മുഴുവട്ടാണെന്ന് തിരിച്ചടിച്ച് ട്രംപ്, ട്രംപും കിമ്മും കിന്റര്‍ഗാര്‍ട്ടന്‍ കുട്ടികളെപ്പോലെയെന്ന് റഷ്യ
ട്രംപ് ഭ്രാന്തനായ കിഴവനാണെന്ന് കിം ജോങ് ഉന്‍, കിമ്മിന് മുഴുവട്ടാണെന്ന് തിരിച്ചടിച്ച് ട്രംപ്, ട്രംപും കിമ്മും കിന്റര്‍ഗാര്‍ട്ടന്‍ കുട്ടികളെപ്പോലെയെന്ന് റഷ്യ
ബംഗളുരുവില്‍ അരക്കോടി മോചനദ്രവ്യം അവശ്യപ്പെട്ട് തട്ടിക്കൊണ്ടുപോയ മലയാളി വിദ്യാര്‍ഥിയെ കൊന്ന് നഗരത്തിലെ തടാകത്തില്‍ തള്ളി
ബംഗളുരുവില്‍ അരക്കോടി മോചനദ്രവ്യം അവശ്യപ്പെട്ട് തട്ടിക്കൊണ്ടുപോയ മലയാളി വിദ്യാര്‍ഥിയെ കൊന്ന് നഗരത്തിലെ തടാകത്തില്‍ തള്ളി
ഓണ്‍ലൈന്‍ ടാക്‌സി സര്‍വീസായ യൂബറിന് ലണ്ടനില്‍ പ്രവര്‍ത്തിക്കാനുള്ള ലൈസന്‍സ് റദ്ദാക്കി അധികൃതര്‍, നടപടി സുരക്ഷാ കാരണങ്ങള്‍ മൂലം, 40,000 ത്തോളം ഡ്രൈവര്‍മാര്‍ പ്രതിസന്ധിയില്‍
ഓണ്‍ലൈന്‍ ടാക്‌സി സര്‍വീസായ യൂബറിന് ലണ്ടനില്‍ പ്രവര്‍ത്തിക്കാനുള്ള ലൈസന്‍സ് റദ്ദാക്കി അധികൃതര്‍, നടപടി സുരക്ഷാ കാരണങ്ങള്‍ മൂലം, 40,000 ത്തോളം ഡ്രൈവര്‍മാര്‍ പ്രതിസന്ധിയില്‍
മദ്യപിച്ച് വാഹനമോടിച്ച കുറ്റത്തിന് തമിഴ്താരം ജയ് അറസ്റ്റില്‍, താരത്തിന്റെ ലൈസന്‍സ് റദ്ദാക്കിയേക്കും
മദ്യപിച്ച് വാഹനമോടിച്ച കുറ്റത്തിന് തമിഴ്താരം ജയ് അറസ്റ്റില്‍, താരത്തിന്റെ ലൈസന്‍സ് റദ്ദാക്കിയേക്കും
മരിയ ചുഴലിക്കാറ്റ് പ്യൂര്‍ട്ടോറിക്കോയില്‍ അണക്കെട്ട് തകര്‍ത്തു, കരീബിയനില്‍ മരിച്ചവരുടെ എണ്ണം 33 ആയി
മരിയ ചുഴലിക്കാറ്റ് പ്യൂര്‍ട്ടോറിക്കോയില്‍ അണക്കെട്ട് തകര്‍ത്തു, കരീബിയനില്‍ മരിച്ചവരുടെ എണ്ണം 33 ആയി
‘പശുക്കള്‍ മുതല്‍ വിമാനങ്ങള്‍ വരെ: ശാസ്ത്ര ചരിത്രം തിരുത്തിയെഴുതിയ ഇന്ത്യന്‍ മന്ത്രിമാര്‍’, ബിജെപി മന്ത്രിമാരെ നാണംകെടുത്തി ബിബിസി റിപ്പോര്‍ട്ട്
‘പശുക്കള്‍ മുതല്‍ വിമാനങ്ങള്‍ വരെ: ശാസ്ത്ര ചരിത്രം തിരുത്തിയെഴുതിയ ഇന്ത്യന്‍ മന്ത്രിമാര്‍’, ബിജെപി മന്ത്രിമാരെ നാണംകെടുത്തി ബിബിസി റിപ്പോര്‍ട്ട്
ഷാര്‍ജ ഭരണാധികാരിയുടെ കേരള സന്ദര്‍ശനത്തിന് ഞായറാഴ്ച തുടക്കം, യുഎഇ, കേരള ബന്ധത്തില്‍ പുതിയ അധ്യായമെന്ന് യു.എ.ഇ അംബാസഡര്‍
ഷാര്‍ജ ഭരണാധികാരിയുടെ കേരള സന്ദര്‍ശനത്തിന് ഞായറാഴ്ച തുടക്കം, യുഎഇ, കേരള ബന്ധത്തില്‍ പുതിയ അധ്യായമെന്ന് യു.എ.ഇ അംബാസഡര്‍
More Stories..