സ്വന്തം ലേഖകന്: ഒമാനില് കൊല്ലപ്പെട്ട മലയാളി നഴ്സ് ചിക്കു റോബര്ട്ടിന്റെ മൃതദേഹം തിങ്കളാഴ്ച നാട്ടിലെത്തിക്കും. വിദേശകാര്യ മന്ത്രി സുഷമ സ്വരാജിന്റെയും മുഖ്യമന്ത്രി ഉമ്മന്ചാണ്ടിയുടെയും ഇടപെടലുകളെ തുടര്ന്നാണ് മൃതദേഹം വിട്ടു കിട്ടുന്നതിനുള്ള നടപടികള് വേഗത്തിലായത്.
സലാലയില് നിന്ന് രാത്രി മസ്കറ്റിലെത്തിക്കുന്ന മൃതദേഹം ഒരു മണിക്കുള്ള ഒമാന് എയര് വിമാനത്തിലായിരിക്കും നാട്ടിലെത്തിക്കുക. പുലര്ച്ചെ ആറു മണിയോടെ നെടുമ്പാശേരി വിമാനത്താവളത്തിലെത്തിക്കുന്ന മൃതദേഹം 10 മണിയോടെ അങ്കമാലി കറുകുറ്റിയിലെ വീട്ടില് പൊതുദര്ശനത്തിന് വെക്കും. വൈകിട്ട് മൂന്ന് മണിക്ക് കറുകുറ്റി ക്രിസ്തുരാജ ആശ്രമം പളളിയിലാണ് സംസ്കാര ചടങ്ങുകള്.
അന്വേഷണത്തിന്റെ ഭാഗമായുള്ള നടപടിക്രമങ്ങള് പൂര്ത്തിയാകാത്തതിനാല് ചിക്കുവിന്റെ ഭര്ത്താവ് ലിന്സന് മൃതദേഹത്തെ അനുഗമിക്കാന് കഴിഞ്ഞില്ല. പകരരം ലിന്സന്റെ സഹോദരനും ബന്ധുക്കളുമാണ് ചിക്കുവിന്റെ മൃതദേഹത്തെ അനുഗമിക്കുക. സലാല ബദര് അല് സമ ആശുപത്രിയില് നഴ്സായിരുന്ന ചിക്കു റോബര്ട്ടിനെ ഏപ്രില് 20 നാണ് വീട്ടിലെ മുറിയില് കുത്തേറ്റ് മരിച്ച നിലയില് കണ്ടെത്തിയത്.
നിങ്ങളുടെ അഭിപ്രായങ്ങള് ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള് എന് ആര് ഐ മലയാളിയുടെ അഭിപ്രായമാവണമെന്നില്ല