1 $ = 0 INR
1 € = 0  INR
AssociationSpiritualEntertainmentFamily & KidsHealth & Life StyleArts & LteratureImmigrationGreetingsCookeryClassifieds
Posted By: Nri Malayalee June 25, 2019

സ്വന്തം ലേഖകന്‍: സൂപ്പര്‍ ഹിറ്റ് ചിത്രം സാള്‍ട്ട് ആന്‍ഡ് പെപ്പറിനു രണ്ടാം ഭാഗം വരുന്നു. ‘ബ്ലാക്ക് കോഫി’ എന്നു പേരിട്ടിരിക്കുന്ന ചിത്രത്തിന്റെ സംവിധായകന്‍ ബാബുരാജ് എന്നതാണ് പ്രത്യേകത. സാള്‍ട്ട് ആന്‍ഡ് പെപ്പറില്‍ ‘കുക്ക് ബാബു’ എന്ന കഥാപാത്രം അവതരിപ്പിച്ച് ബാബുരാജ് ശ്രദ്ധേയനായിരുന്നു. ‘ബ്ലാക്ക് കോഫി’യില്‍ അതേ കഥാപാത്രമായി ബാബുരാജ് അഭിനയിക്കുന്നുമുണ്ട്. ചിത്രത്തിന്റെ തിരക്കഥയും ബാബുരാജിന്റേതാണ്.

ഒരു പ്രേമം ഉണ്ടാക്കിയ കഥ എന്നതാണ് ‘ബ്ലാക്ക് കോഫി’ സിനിമയുടെ ടാഗ്!ലൈന്‍. സോള്‍ട്ട് ആന്‍ഡ് പെപ്പര്‍ ഒരുക്കിയ ആഷിഖ് അബു ചിത്രത്തില്‍ അതിഥിതാരമായി എത്തുന്നുണ്ട്. കാളിദാസനായി ലാലും മായയായി ശ്വേത മേനോനും എത്തും. രചന നാരായണന്‍ കുട്ടി, ഒവിയ, ലെന, മൈഥിലി, ഓര്‍മ തുടങ്ങി നായികമാരുടെ നിരയും സിനിമയിലുണ്ട്.

കാളിദാസനുമായി തെറ്റിയ കുക്ക് ബാബു നാല് പെണ്‍കുട്ടികളുള്ള ഫ്‌ലാറ്റിലെ പാചകക്കാരനായി എത്തുന്നതോടെയാണ് ബ്ലാക്ക് കോഫി തുടങ്ങുന്നത്. വിശ്വദീപ്തി ഫിലിംസ് ആന്റണി ബിനോയ് അവതരിപ്പിക്കുന്ന ചിത്രത്തിന്റെ നിര്‍മ്മാതാവ് സജീഷ് മഞ്ചേരി ആണ്. എഡിറ്റര്‍ ഡോണ്‍മാക്‌സ്, സംഗീതം ബിജിബാലിന്റേതാണ്. 2011 ലാണ് ആഷിഖ് അബുവിന്റെ സംവിധാനത്തില്‍ സാള്‍ട്ട് ആന്‍ഡ് പെപ്പര്‍ സിനിമ റിലീസായത്.

 

 

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല