1 $ = 0 INR
1 € = 0  INR
AssociationSpiritualEntertainmentFamily & KidsHealth & Life StyleArts & LteratureImmigrationGreetingsCookeryClassifieds
Posted By: Nri Malayalee May 19, 2019

സ്വന്തം ലേഖകന്‍: മധ്യപൂര്‍വദേശം അശാന്തം; ഗള്‍ഫ്, അറബ് ലീഗ് രാജ്യങ്ങളുടെ അടിയന്തര യോഗം വിളിച്ച് സൗദി രാജാവ്. ഗള്‍ഫ് കോര്‍പ്പറേഷന്‍ കൗണ്‍സില്‍, അറബ് ലീഗ് രാജ്യങ്ങളുടെ അടിയന്തര യോഗം വിളിച്ച് സൗദി രാജാവ് സല്‍മാന്‍. ഗള്‍ഫ് മേഖലയില്‍ അസ്വസ്ഥതകള്‍ പുകയുന്ന സാഹചര്യത്തിലാണ് യോഗം വിളിച്ചത്. സൗദിയുടെ ഔദ്യോഗിക വാര്‍ത്താ ഏജന്‍സിയാണ് ഇക്കാര്യം അറിയിച്ചത്. ഗള്‍ഫ് നേതാക്കളുടെയും അറബ് രാജ്യങ്ങളുടെയും രണ്ട് പ്രത്യേക ഉച്ചകോടികള്‍ മെയ് 30ന് വിളിച്ചുചേര്‍ത്തിട്ടുണ്ടെന്നാണ് സൗദി പ്രസ് ഏജന്‍സി അറിയിച്ചത്.

ഇറാനില്‍ നിന്നും ഭീഷണിയുണ്ടെന്ന് ആരോപിച്ച് യു.എസ് ഗള്‍ഫ് മേഖലയില്‍ വിമാനവാഹിനി വിന്യസിച്ചത് മേഖലയില്‍ സംഘര്‍ഷ സാധ്യത ഉയരാനിടയാക്കിയിരുന്നു. അന്താരാഷ്ട്ര തലത്തില്‍ സംശയം ഉന്നയിക്കുമ്പോഴും ഇറാനില്‍ നിന്ന് ഭീഷണിയുണ്ടെന്ന ആരോപണം യു.എസ് സര്‍ക്കാര്‍ തുടരുകയാണ്. യു.എസ് സഖ്യകക്ഷികളായ സൗദിയുടെയും ഇസ്രഈലിന്റെയും എതിരാളി കൂടിയാണ് ഇറാന്‍.

യുദ്ധം ഒഴിവാക്കാനാണ് സൗദി അറേബ്യ ആഗ്രഹിക്കുന്നതെന്നും അതേസമയം തന്നെ സൗദി എണ്ണ സമ്പത്തിനെതിരെ നടക്കുന്ന ആക്രണങ്ങളെ ചെറുക്കാനുള്ള എല്ലാ കരുത്തുമുണ്ടെന്നുമാണ് സൗദി വിദേഷകാര്യ മന്ത്രി ആദില്‍ അല്‍ ജുബൈര്‍ വാര്‍ത്താ സമ്മേളനത്തില്‍ പറഞ്ഞത്. നേരത്തെ യു.എസ് സ്റ്റേറ്റ് സെക്രട്ടറി മൈക്ക് പോംപിയോയുമായി സൗദി കിരീടാവകാശി മേഖലയിലെ പ്രശ്‌നങ്ങള്‍ സംബന്ധിച്ച് ഫോണിലൂടെ ചര്‍ച്ച നടത്തിയതായി സൗദി മാധ്യമ മന്ത്രിലായം ട്വീറ്റു ചെയ്തിരുന്നു.

 

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല