1 $ = 0 INR
1 € = 0  INR
AssociationSpiritualEntertainmentFamily & KidsHealth & Life StyleArts & LteratureImmigrationGreetingsCookeryClassifieds
Posted By: Nri Malayalee June 9, 2019

സ്വന്തം ലേഖകന്‍: മനുഷ്യന് എത്രത്തോളം തണുപ്പ് സഹിക്കാന്‍ കഴിയും? സമുദ്രനിരപ്പില്‍നിന്ന് അയ്യായിരത്തിലധികം മീറ്റര്‍ ഉയരത്തില്‍, മൈനസ് 4070 ഡിഗ്രിയോളം വരുന്ന, അസ്ഥിയുറയുന്ന തണുപ്പില്‍ കഴിയേണ്ടിവരുന്ന പട്ടാളക്കാരുടെ അവസ്ഥ ചിന്തിച്ചു നോക്കിയിട്ടുണ്ടോ? കുടിവെള്ളം പോലും തണുത്തുറയുന്ന സിയാച്ചിനില്‍ ജീവിക്കുന്ന ഇന്ത്യന്‍ സൈന്യത്തിലെ ഗൂര്‍ഖാ സൈനികരുടെ വീഡിയോ ആണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്.

കടുത്ത തണുപ്പില്‍ സൈന്യത്തിന്റെ ക്യാമ്പില്‍ അനുഭവിക്കുന്ന പ്രതിസന്ധികള്‍ വ്യക്തമാക്കുന്ന വീഡിയോയാണ് പുറത്തുവന്നിരിക്കുന്നത്. തണുത്തുറഞ്ഞ് കട്ടയായ അവസ്ഥയിലാണ് പാക്ക് ചെയ്ത ജ്യൂസ്, മുട്ട, പച്ചക്കറികള്‍ തുടങ്ങിയവയെല്ലാം. ചുറ്റിക ഉപയോഗിച്ച് ഇടിച്ചാലും പൊട്ടാത്ത രീതിയില്‍ മുട്ടകള്‍ തണുത്തുറഞ്ഞു. ജ്യൂസ് ആകട്ടെ ഇഷ്ടിക പോലെ ഉറഞ്ഞ് കട്ടിയായ അവസ്ഥയിലും. ചുറ്റികയുപയോഗിച്ച് ഇടിക്കുന്നുണ്ടെങ്കിലും പൊട്ടിക്കാനാവാത്തത്ര ഉറപ്പാണ് അതിന്.

തക്കാളി, ഉള്ളി, ഉരുളക്കിഴങ്ങ് തുടങ്ങിയ പച്ചക്കറികളും അസാധാരണമായ വിധത്തില്‍ ഉറഞ്ഞ് കട്ടിയായ അവസ്ഥയിലാണ്. ചുറ്റിക കൊണ്ട് ഇടിച്ചിട്ടും തക്കാളിക്ക് ഒരു കുലുക്കവുമില്ല. അന്തരീക്ഷ താപനില മൈനസ് 70 ഡിഗ്രിവരെ ആവാറുണ്ടെന്നും ഇവിടത്തെ ജീവിതം നരകതുല്യമാണെന്നും വീഡിയോയില്‍ പ്രത്യക്ഷപ്പെടുന്ന പട്ടാളക്കാരിലൊരാള്‍ പറയുന്നു. വിവിധ ദേശീയ മാധ്യമങ്ങളാണ് വീഡിയോ അടക്കമുള്ള റിപ്പോര്‍ട്ട് പുറത്തുവിട്ടിരിക്കുന്നത്.

 

 

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല

Comments are Closed.