1 $ = 0 INR
1 € = 0  INR
AssociationSpiritualEntertainmentFamily & KidsHealth & Life StyleArts & LteratureImmigrationGreetingsCookeryClassifieds
Posted By: Nri Malayalee August 21, 2019

സ്വന്തം ലേഖകന്‍: പ്രിയങ്ക ചോപ്രയെ യൂണിസെഫ് ഗുഡ്‌വില്‍ അംബാസഡര്‍ സ്ഥാനത്തു നിന്നും നീക്കം ചെയ്യണം എന്ന് ആവശ്യപ്പെട്ട് പാക്കിസ്ഥാന്‍ ഐക്യരാഷ്ട്രസഭയ്ക്ക് കത്തയച്ചു. പാക്ക് മനുഷ്യാവകാശ വകുപ്പ് മന്ത്രി ഷിരിന്‍ മസാരിയാണ് കത്തയച്ചിരിക്കുന്നത്. ‘കശ്മീരിലെ ഇന്ത്യന്‍ സര്‍ക്കാര്‍ നിലപാടിനെ പ്രിയങ്ക പരസ്യമായി അംഗീകരിക്കുകയും ഇന്ത്യന്‍ പ്രതിരോധമന്ത്രി പാക്കിസ്ഥാന് നല്‍കിയ ആണവ ഭീഷണിയെ പിന്തുണയ്ക്കുകയും ചെയ്തു. ഇതെല്ലാം ഐക്യരാഷ്ട്രസഭയുടെ ഗുഡ്‌വില്‍ അംബാസഡര്‍ സ്ഥാനത്തു നില്‍ക്കുമ്പോള്‍ പ്രിയങ്ക ഉയര്‍ത്തിപിടിക്കേണ്ട സമാധാനത്തിന്റെയും സൗഹാര്‍ദ്ദത്തിന്റെയും തത്വങ്ങള്‍ക്ക് വിരുദ്ധമായ കാര്യങ്ങളാണ്,’ കത്തില്‍ ഷിരിന്‍ മസാരി പറയുന്നു.

‘സമാധാനത്തിനുള്ള യു എന്‍ ഗുഡ്‌വില്‍ അംബാസിഡറായി നിങ്ങള്‍ നിയമിച്ച ശ്രീമതി പ്രിയങ്ക ചോപ്രയുടെ വിഷയത്തിലേക്ക് ശ്രദ്ധ ക്ഷണിക്കാന്‍ ഞാനാഗ്രഹിക്കുന്നു. ഇന്ത്യന്‍ അധിനിവേശ കാശ്മീരിലെ സമീപകാലത്തെ പ്രതിസന്ധി മോദി സര്‍ക്കാര്‍ എല്ലാ അന്തരാഷ്ട്ര ഉടമ്പടികളെയും ലംഘിച്ചതിന്റെ ഫലമാണ്,’ എന്നു തുടങ്ങുന്ന കത്തില്‍ ബിജെപി സര്‍ക്കാറിന്റെ ഫാസിസ്റ്റ് നയങ്ങളെയും നിഷിധമായി വിമര്‍ശിക്കുന്നുണ്ട്.

‘ബിജെപി സര്‍ക്കാരിന്റെ എല്ലാ നയങ്ങളും വംശീയ ഉന്മൂലനം, വംശീയത, ഫാസിസം, വംശഹത്യ എന്നിവ സംബന്ധിച്ച നാസി സിദ്ധാന്തത്തിന് സമാനമാണ്. ഇന്ത്യന്‍ സര്‍ക്കാര്‍ നിലപാടിനെ പ്രിയങ്ക ചോപ്ര പരസ്യമായി അംഗീകരിക്കുകയും ഇന്ത്യന്‍ പ്രതിരോധ മന്ത്രി പാകിസ്ഥാന് നല്‍കിയ ആണവ ഭീഷണിയെ പിന്തുണയ്ക്കുകയും ചെയ്തു. സമാധാനത്തിനായുള്ള ഐക്യരാഷ്ട്രസഭയുടെ ഗുഡ്‌വില്‍ അംബാസഡര്‍ എന്ന നിലയില്‍ പ്രിയങ്ക ഉയര്‍ത്തിപ്പിടിക്കേണ്ട സമാധാനത്തിന്റെയും സല്‍സ്വഭാവത്തിന്റെയും തത്വങ്ങള്‍ക്ക് വിരുദ്ധമാണ് ഇതെല്ലാം. മോദിസര്‍ക്കാറിന്റെ നയങ്ങളെ അനുകൂലിക്കുകയും യുദ്ധത്തെ, പ്രത്യേകിച്ച് ന്യൂക്ലിയര്‍ യുദ്ധത്തെ അനുകൂലിക്കുകയും ചെയ്യുന്നതുവഴി യൂണിസെഫിന്റെ അംബാസഡര്‍ പദവിയുടെ വിശ്വാസ്യത തന്നെ ചോദ്യം ചെയ്യപ്പെടുകയാണ്. തല്‍സ്ഥാനത്ത് നിന്ന് പ്രിയങ്കയെ നീക്കം ചെയ്തില്ലെങ്കില്‍ അത് സമാധാനത്തിന്റെ ഗുഡ്‌വില്‍ അംബാസഡര്‍ എന്ന ആശയത്തെ ആഗോളതലത്തില്‍ തന്നെ പരിഹാസ്യമാക്കി തീര്‍ക്കും,’ ഷിരിന്‍ മസായി വ്യക്തമാക്കുന്നു.

ഈ ആവശ്യവുമായി ബന്ധപ്പെട്ട് യൂണിസെഫ് ഗുഡ്‌വില്‍ അംബാസഡര്‍ സ്ഥാനത്തു നിന്ന് പ്രിയങ്കയെ നീക്കം ചെയ്യണമെന്നാവശ്യപ്പെട്ട് പാക്കിസ്ഥാനില്‍ മുന്‍പ് ഹര്‍ജിയും ഫയല്‍ ചെയ്യപ്പെട്ടിരുന്നു. ആവാസ് എന്ന ഓണ്‍ലൈന്‍ പ്ലാറ്റ്‌ഫോമിലൂടെ 3519 ഓളം പേരാണ് അന്ന് ഓണ്‍ലൈന്‍ പെറ്റീഷനില്‍ ഒപ്പുവച്ചത്. പുല്‍വാമ ഭീകരാക്രമണത്തിന് തിരിച്ചടിയായി നിയന്ത്രണരേഖ മറികടന്ന് ഇന്ത്യ നടത്തിയ വ്യോമാക്രമണത്തെ അനുമോദിച്ചുകൊണ്ടുള്ള പ്രിയങ്കയുടെ വാക്കുകളാണ് ഹര്‍ജിക്കാരെ പ്രകോപിച്ചത്.

 

 

 

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല