1 $ = 0 INR
1 € = 0  INR
AssociationSpiritualEntertainmentFamily & KidsHealth & Life StyleArts & LteratureImmigrationGreetingsCookeryClassifieds
Posted By: Nri Malayalee August 20, 2019

സ്വന്തം ലേഖകന്‍: ജമ്മു കശ്മീര്‍ ആഭ്യന്തര കാര്യമാണെന്ന ഇന്ത്യന്‍ നിലപാടിനു പിന്തുണ അറിയിച്ച് അമേരിക്ക. കേന്ദ്ര പ്രതിരോധ മന്ത്രി രാജ്‌നാഥ് സിങ്ങുമായി നടത്തിയ ഫോണ്‍ സംഭാഷണത്തില്‍ യുഎസ് പ്രതിരോധ സെക്രട്ടറി മാര്‍ക്ക് എസ്പറാണ് ഇന്ത്യയുടെ നിലപാടിന് പിന്തുണ അറിയിച്ചത്.

കശ്മീര്‍ വിഷയത്തില്‍ അമേരിക്ക ഇടപെടില്ലെന്നു മാര്‍ക്ക് എസ്പര്‍ അറിയിച്ചു. കശ്മീര്‍ പ്രശ്‌നം ഇരു രാജ്യങ്ങളും ഉഭയകക്ഷി ചര്‍ച്ചയിലൂടെ പരിഹരിക്കണമെന്ന് അദ്ദേഹം ആവശ്യപ്പെട്ടു. അതിര്‍ത്തി കടന്നുള്ള ഭീകരപ്രവര്‍ത്തനം സംബന്ധിച്ച പ്രശ്‌നങ്ങള്‍ രാജ്‌നാഥ് സിങ് ഉന്നയിച്ചു. മേഖലയില്‍ സമാധാനവും സ്ഥിരതയും നിലനിര്‍ത്താനുള്ള ശ്രമങ്ങളില്‍ അമേരിക്ക നല്‍കുന്ന പിന്തുണയെ രാജ്‌നാഥ് സിങ് പ്രകീര്‍ത്തിച്ചു.

370–ാം വകുപ്പ് സംബന്ധിച്ച പ്രശ്‌നം ഇന്ത്യയുടെ ആഭ്യന്തര വിഷയമാണെന്നും ജമ്മുകശ്മീര്‍ ജനതയുടെ സാമ്പത്തിക വികസനും ഉന്നമനവും ലക്ഷ്യമിട്ടാണ് നടപടിയെന്നും മാര്‍ക്ക് എസ്പറിനെ രാജ്‌നാഥ് സിങ് അറിയിച്ചു. യുഎസ് പ്രതിരോധ സെക്രട്ടറിയായി ചുമതലയേറ്റ മാര്‍ക്ക് എസ്പറിനെ പ്രതിരോധ മന്ത്രി അഭിനന്ദിക്കുകയും ചെയ്തു.

അതേസമയം, ജമ്മു കശ്മീര്‍ വിഷയത്തില്‍ പാക്കിസ്ഥാന്‍ രാജ്യാന്തര കോടതിയെ സമീപിക്കുമെന്നു വാര്‍ത്താ ഏജന്‍സിയായ റോയിട്ടേഴ്‌സ് റിപ്പോര്‍ട്ട് ചെയ്തു. എല്ലാം നിയമവശങ്ങളും ചര്‍ച്ചചെയ്ത ശേഷമാണ് നീക്കമെന്നു പാക്ക് വിദേശകാര്യ മന്ത്രി ഷാ മെഹ്മൂജ് ഖുറേഷി പറഞ്ഞതായും ഏജന്‍സി റിപ്പോര്‍ട്ട് ചെയ്തു.

 

 

 

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല