1 $ = 0 INR
1 € = 0  INR
AssociationSpiritualEntertainmentFamily & KidsHealth & Life StyleArts & LteratureImmigrationGreetingsCookeryClassifieds
Posted By: Nri Malayalee August 20, 2019

സ്വന്തം ലേഖകന്‍: വിദ്വേഷ പ്രസംഗം നടത്തിയ മതപ്രസംഗകന്‍ സാക്കിര്‍ നായിക്കിന്റെ പ്രസംഗങ്ങള്‍ക്ക് വിലക്കേര്‍പ്പെടുത്തി മലേഷ്യ. രാജ്യത്ത് ഒരിടത്തും സാക്കിര്‍ നായിക്കിന്റെ പ്രസംഗം അനുവദിക്കാനാകില്ലെന്നാണ് മലേഷ്യന്‍ പോലീസ് അറിയിച്ചത്.

രാജ്യസുരക്ഷ കണക്കിലെടുത്തും, വംശീയ ഐക്യം സംരക്ഷിക്കാനുമാണ് സാക്കിര്‍ നായിക്കിന്റെ പ്രസംഗങ്ങള്‍ക്ക് വിലക്കേര്‍പ്പെടുത്തിയതെന്ന് റോയല്‍ മലേഷ്യ പോലീസ് കോര്‍പറേറ്റ് കമ്മ്യൂണിക്കേഷന്‍ മേധാവി പ്രാദേശിക മാധ്യമങ്ങളോട് പ്രതികരിച്ചു. ഇക്കാര്യം എല്ലാ മേഖലകളിലെയും പോലീസിനെ അറിയിച്ചിട്ടുണ്ടെന്നും അവര്‍ കൂട്ടിച്ചേര്‍ത്തു.

സാക്കിര്‍ നായിക്കിന്റെ പ്രസംഗം വിവാദമായതോടെ മലേഷ്യയിലെ ഏഴുസംസ്ഥാനങ്ങളില്‍ കഴിഞ്ഞദിവസം തന്നെ അദ്ദേഹത്തിന്റെ പ്രസംഗങ്ങള്‍ നിരോധിച്ചിരുന്നു. സാക്കിര്‍ നായിക്കിനെതിരെ മലേഷ്യന്‍ പ്രധാനമന്ത്രി മഹാതിര്‍ മുഹമ്മദും രംഗത്തെത്തിയിരുന്നു. ഓഗസ്റ്റ് മൂന്നിന് മലേഷ്യയിലെ കോട്ട ബാരുവില്‍ നടത്തിയ പ്രഭാഷണത്തിനിടെയാണ് ഹിന്ദുക്കള്‍ക്കും ചൈനീസ് വംശജര്‍ക്കുമെതിരേ സാക്കിര്‍ നായിക്ക് വംശീയ പരാമര്‍ശം നടത്തിയത്.

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല