1 $ = 0 INR
1 € = 0  INR
AssociationSpiritualEntertainmentFamily & KidsHealth & Life StyleArts & LteratureImmigrationGreetingsCookeryClassifieds
Posted By: Nri Malayalee November 2, 2019

സ്വന്തം ലേഖകൻ: എങ്കില്‍ കിടക്കാന്‍ പോകുന്നതിന് മണിക്കൂറുകള്‍ക്ക് മുന്നേ കയ്യിലുള്ള മൊബൈല്‍ ഫോണ്‍ എടുത്ത് ദൂരെ മാറ്റി വക്കാനാണ് ഫോൺ ഉപയോഗിക്കുന്നതിനെ കുറിച്ചുള്ള പുതിയ പഠനങ്ങൾ മുന്നറിയിപ്പ് നൽകുന്നത്. ഇല്ലെങ്കില്‍ ഇന്‍സോമ്‌നിയ എന്ന അസുഖം പിടിപെടുമെന്നാണ് പഠനങ്ങള്‍ പറയുന്നത്.

നാഷണല്‍ ഇന്‍സ്റ്റിറ്റ്യൂട്ട് ഓഫ് മെന്റല്‍ ഹെല്‍ത്ത് ആന്റ് ന്യൂറോ സയന്‍സസ് നടത്തിയ പഠനത്തിലാണ് ഉറങ്ങുന്നതിന് മുമ്പ് അധികനേരം മൊബൈല്‍ ഫോണ്‍ ഉപയോഗിച്ചാല്‍ അത് നമ്മുടെ ഉറക്കത്തെ കാര്യമായി ബാധിക്കുമെന്ന് പറയുന്നത്. മൊബൈല്‍ ഫോണിന്റ അമിത ഉപയോഗം അതിക്ഷീണത്തിനും ഇന്‍സോമ്‌നിയക്കും കാരണമാവുമെന്നും പഠനം പറയുന്നു.

പഠനം പബ്ലിഷ് ചെയ്തുകൊണ്ട് ഒരു ജേണല്‍ പറഞ്ഞതിങ്ങനെയാണ്. “രാത്രി സമയത്ത് ഒരു തരത്തിലുള്ള നിയന്ത്രണവും ഇല്ലാത്ത ശീലമായി മാറിയിരിക്കുകയാണ് മൊബൈല്‍ ഫോണിന്റെ ഉപയോഗം. ഒരു സ്റ്റാട്ടിങ് പോയിന്റോ സ്റ്റോപ്പിങ് പോയിന്റോ അതിനില്ല.”

18നും 40നും ഇടയില്‍ പ്രായമുള്ള 2000 വ്യക്തികളില്‍ ചോദ്യോത്തര സര്‍വ്വേ നടത്തിയാണ് പഠനം പൂര്‍ത്തിയാക്കിയത്. ഗവണ്‍മെന്റ് ഉദ്യോഗസ്ഥരും പ്രൈവറ്റ് ഉദ്യോഗസ്ഥരും കോളേജ് വിദ്യാര്‍ത്ഥികളുമെല്ലാം ഇക്കൂട്ടത്തില്‍ പെടും. ഉറങ്ങാന്‍ പോകുന്നതിന് മുമ്പ് മൊബൈല്‍ഫോണ്‍ ഉപയോഗിക്കുന്ന 72.4% ആളുകളിലും നല്ല ഉറക്കം കിട്ടാത്തതിന്റെ ലക്ഷണങ്ങള്‍ കണ്ടെത്തിയിട്ടുണ്ടെന്ന് പഠനത്തില്‍ പറയുന്നു. ആളുകളെ ഏഴു ദിവസത്തോളം നിരീക്ഷിച്ചാണ് പഠനം നടത്തിയത്.

പഠനത്തിൽ പങ്കെടുത്ത 65.5% ത്തിൽ കൂടുതലും പുരുഷന്‍മാര്‍ ഉറങ്ങുമ്പോള്‍ അവരുടെ മൊബൈല്‍ ഫോണ്‍ അടുത്തുവെച്ചാണ് കിടക്കുന്നത്. ഇതും അപകടകരമാണെന്ന് പഠനം പറയുന്നു.

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല