1 $ = 0 INR
1 € = 0  INR
AssociationSpiritualEntertainmentFamily & KidsImmigrationGreetingsCookeryClassifieds
Posted By: Nri Malayalee July 30, 2020

സ്വന്തം ലേഖകൻ: കോവിഡിനെതിരായ പോരാട്ടത്തിൽ ചരിത്രനേട്ടത്തിനൊരുങ്ങി റഷ്യ. ലോകത്ത്​ ആദ്യമായി ​കോവിഡ്​ വാക്​സിൻ ജനങ്ങൾക്കായി ഉടൻ പുറത്തിറക്കുമെന്ന്​ റഷ്യൻ അധികൃതർ വ്യക്തമാക്കി.ഓഗസ്​റ്റ്​ പത്തിനോ അതിനുമു​േമ്പാ വാക്​സിൻ ലഭ്യമാക്കുമെന്ന്​ റഷ്യൻ ഉദ്യോഗസ്ഥരെ ഉദ്ധരിച്ച്​ ‘സി.എൻ.എൻ’ റിപ്പോർട്ട്​ ചെയ്​തു. ലോകത്തിന്റെ വിവിധ ഭാഗങ്ങളിൽ വാക്​സിൻ കണ്ടുപിടിക്കുന്നതിന്​ 20ലധികം ഗവേഷണങ്ങൾ പുരോഗമിക്കുന്നതിനിടെയാണ്​ വാക്​സിൻ തയാറായതായി റഷ്യ ​പ്രഖ്യാപിച്ചത്​.

മോസ്​കോ കേന്ദ്രമായ ഗാമലേയ ഇൻസ്​റ്റിറ്റ്യൂട്ടാണ്​ കണ്ടെത്തിയത്​. റഷ്യയുടെ വാക്​സിൻ ഗ​േവഷണം, പരീക്ഷണം, സുരക്ഷ, കാര്യക്ഷമത എന്നിവ സംബന്ധിച്ചെല്ലാം മറ്റു രാജ്യങ്ങളിലെ ആരോഗ്യവിദഗ്​ധരും ഗവേഷകരും സംശയം ഉന്നയിക്കുന്നതിനിടെയാണ്​ ജനങ്ങളിലേ​ക്കെത്തിക്കാൻ ഒരുങ്ങുന്നത്​. ആദ്യഘട്ടത്തിൽ ആരോഗ്യപ്രവർത്തകർക്കാകും വാക്​സിൻ ലഭ്യമാക്കുകയെന്നും റഷ്യൻ അധികൃതർ വ്യക്തമാക്കി.

വാക്​സി​​ന്റെ ക​ണ്ടെത്തൽ മറ്റൊരു സ്​പുട്​നിക്​​ നിമിഷം എന്നാണ്​ റഷ്യയുടെ സോവറിൻ വെൽത്ത്​ ഫണ്ട്​ മേധാവി കിറിൽ ദിമിത്രേവ്​ വിശേഷിപ്പിച്ചത്​. ലോകത്തിലെ ആദ്യ ഉപഗ്രഹം 1957ൽ സോവിയറ്റ്​ യൂനിയൻ വിജയകരമായി വിക്ഷേപിച്ചത്​ ഒാർമിപ്പിച്ചാണ്​ ദിമിത്രേവ്​ ഇക്കാര്യം വ്യക്തമാക്കിയത്​.

“സ്​പുട്​നിക്കിന്റെ ബീപ്​ ശബ്​ദം കേട്ട്​ അമേരിക്കക്കാർ ആശ്ചര്യപ്പെട്ടു. ഈ വാക്​സിന്റെ കാര്യത്തിലും അതുതന്നെയാണ്​ സംഭവിച്ചത്​. റഷ്യ ആദ്യം കണ്ടുപിടിച്ചിരിക്കുന്നു,” ദിമി​ത്രേവ്​ പറഞ്ഞു.

കോവിഡ്​ മഹാമാരിയെ നേരിടാനാണ്​ അതിവേഗത്തിൽ ഗവേഷണം നടത്തുന്നത്​. ആദ്യമെത്തുക എന്നതിനേക്കാൾ ജനങ്ങളെ സംരക്ഷിക്കുകയാണ്​ ലക്ഷ്യമെന്നും അദ്ദേഹം പറഞ്ഞു. മനുഷ്യരിൽ വാക്​സിൻ പരീക്ഷണം നടത്തുന്നതിൽ റഷ്യൻ സൈനികരും പങ്കാളികളായതായി പ്രതിരോധ മന്ത്രാലയം​ അറിയിച്ചു. വാക്​സിൻ താൻ സ്വയം കുത്തിവെച്ചതായി ഗ​വേഷണപദ്ധതിയു​െട ഡയറക്​ടർ അലക്​സാണ്ടർ ഗിൻസ്​ബർഗ്​ പറഞ്ഞു.

ഓഗസ്​റ്റ്​ ആദ്യത്തോടെ വാക്​സിന്റെ ശാസ്​ത്രീയ വിവരങ്ങൾ പരിശോധനക്കായി ലഭ്യമാക്കുമെന്നും റഷ്യൻ അധികൃതർ വ്യക്തമാക്കി.
അതേസമയം, വാക്​സിൻ ഗവേഷണത്തിന്റെയോ പരീക്ഷണത്തിന്റെയോ ശാസ്ത്രീയ വിവരങ്ങളൊന്നും റഷ്യ പുറത്തുവിട്ടിട്ടില്ല. ഈ വാക്​സിൻ മനുഷ്യരിൽ നടത്തിയ പരീക്ഷണം പൂർണമായിട്ടില്ലെന്നും ആക്ഷേപമുണ്ട്​.

നിലവിലെ വിവരപ്രകാരം റഷ്യൻ വാക്​സിൻ രണ്ടാം ഘട്ട പരീക്ഷണത്തിലാണുള്ളത്​. മനുഷ്യരിൽ നടത്തുന്ന ഈ പരീക്ഷണം ഓഗസ്​റ്റ്​ മൂന്നിനാണ്​ അവസാനിക്കുക. ആരോഗ്യ പ്രവർത്തകർക്കിടയിൽ മൂന്നാം ഘട്ട പരീക്ഷണം സമാന്തരമായി നടത്തിയിട്ടുണ്ടെന്നാണ്​ വിവരം. ശാസ്​ത്ര രംഗത്ത്​ ലോകശക്തിയാകുന്നതിന്​ വാക്​സിൻ ഗവേഷണം അതിവേഗത്തിലാക്കാൻ ശാസ്​ത്രജ്ഞർക്കുമേൽ റഷ്യൻ പ്രസിഡൻറ്​ വ്ലാദിമിർ പുടിന്റെ സമ്മർദവുമുണ്ട്​.

അതേസമയം, ഇന്ത്യ, ബ്രിട്ടൻ, ചൈന, ​അമേരിക്ക എന്നിവിടങ്ങളിലും അതിവേഗം ഗവേഷണം പുരോഗമിക്കുന്നുണ്ട്​. ഒാക്​സ്​ഫഡ്​ സർവകലാശാല വാക്​സിൻ അടക്കം മനുഷ്യരിലും പരീക്ഷണം ആരംഭിച്ചുകഴിഞ്ഞു. ഭൂരിഭാഗം ഗവേഷണ സ്ഥാപനങ്ങളും ഇനിയും നിരവധി കടമ്പകൾ പൂർത്തിയാക്കിയാൽ മാത്രമേ വാക്​സിൻ പൊതുവിതരണത്തിനായി എത്തിക്കാൻ സാധിക്കൂ എന്ന നിലപാടിലാണ്.

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല

Comments are Closed.