സ്വന്തം ലേഖകൻ: മാൻ എയർ മസ്കത്തിൽനിന്ന് കൊച്ചിയിലേക്ക് ഒരു സർവിസ് കൂടി തുടങ്ങും. മൊത്തം 25 ഇടങ്ങളിലേക്ക് ജനുവരിയിൽ പുതിയ സർവിസുകൾ തുടങ്ങുമെന്ന് ദേശീയ വിമാനക്കമ്പനി വാർത്തക്കുറിപ്പിൽ അറിയിച്ചു. മസ്കത്തിൽനിന്ന് ദോഹയിലേക്കുള്ള പ്രതിവാര വിമാനങ്ങൾ രണ്ടിൽനിന്ന് നാലായി ഉയർത്തും.
ദുബൈയിലേക്കുള്ളത് മൂന്നിൽനിന്ന് അഞ്ചായും ലണ്ടനിലേക്കുള്ളത് രണ്ടിൽനിന്ന് മൂന്നായും വർധിപ്പിക്കും. കൊച്ചിക്കു പുറമെ മുംബൈ, കൈറോ, ഡൽഹി, ഹൈദരാബാദ്, ഇസ്ലാമാബാദ്, ലാഹോർ, ചെന്നൈ എന്നിവിടങ്ങളിലേക്ക് ഒാരോ സർവിസുകളുംകൂടി ആരംഭിക്കും.
ഖത്തർ തലസ്ഥാനമായ ദോഹ, ദുബായ് എന്നിവിടങ്ങളിലേക്കും കൂടുതൽ സർവീസ് നടത്തും. മസ്കത്ത്-ദുബായ് സർവീസ് ആഴ്ചയിൽ 5 ആയും ദോഹ സർവീസ് 4 ആയും വർധിപ്പിച്ചു. എല്ലാവിധ കോവിഡ് സുരക്ഷാ നടപടിക്രമങ്ങളും പാലിച്ചാണ് സർവിസുകൾ നടത്തുന്നതെന്ന് ഒമാൻ എയർ അറിയിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല