സ്വന്തം ലേഖകൻ: : അമേരിക്കൻ പ്രസിഡൻറ് ഡൊണാൾഡ് ട്രംപിെൻറ ‘ദ ലീജിയൻ ഒാഫ് മെറിറ്റ് ഡിഗ്രി ചീഫ് കമാൻഡർ’ ബഹുമതി നേടിയ കുവൈത്ത് അമീർ ശൈഖ് സബാഹ് അൽ അഹ്മദ് അൽ ജാബിർ അസ്സബാഹിന് അഭിനന്ദന പ്രവാഹം. ഡെപ്യൂട്ടി അമീർ ശൈഖ് നവാഫ് അൽ അഹ്മദ് അൽ ജാബിർ അസ്സബാഹ്, പ്രധാനമന്ത്രി ശൈഖ് സബാഹ് ഖാലിദ് അൽ ഹമദ് അസ്സബാഹ്, നാഷനൽ ഗാർഡ് മേധാവി ശൈഖ് സാലിം അൽ അലി അസ്സബാഹ്, ഉപമേധാവി ശൈഖ് മിഷ്അൽ അൽ അഹ്മദ് അസ്സബാഹ്, പാർലമെൻറ് സ്പീക്കർ മർസൂഖ് അൽ ഗാനിം, വിദ്യാഭ്യാസ മന്ത്രി ഡോ. സൗദ് അൽ ഹർബി, കുവൈത്ത് വാർത്ത ഏജൻസി മേധാവി ശൈഖ് മുബാറക് ദുവൈജ് അസ്സബാഹ്, വാർത്ത വിനിമയ മന്ത്രി മുഹമ്മദ് അൽ ജബ്രി, ധനമന്ത്രി ബർറാക് അൽ ഷിത്താൻ തുടങ്ങിയവർ അമീറിനെ അഭിനന്ദിച്ചു.
ചികിത്സയിലുള്ള അമീറിന് പകരമായി ഡെപ്യൂട്ടി അമീർ അമേരിക്കൻ പ്രസിഡൻറ് ഡൊണാൾഡ് ട്രംപിന് നന്ദി അറിയിച്ചു. വൈറ്റ് ഹൗസിൽ നടന്ന ചടങ്ങിൽ കുവൈത്ത് അമീറിെൻറ മൂത്ത മകനും മുൻ ഉപപ്രധാനമന്ത്രിയുമായ ശൈഖ് നാസർ സബാഹ് അൽ അഹ്മദ് അസ്സബാഹ് പുരസ്കാരം ഏറ്റുവാങ്ങി. മേഖലയിലും ലോകത്തിലും അമീർ നടത്തിയ നയതന്ത്ര പരിശ്രമങ്ങൾക്കുള്ള അംഗീകാരമായാണ് വിശിഷ്ട ബഹുമതി നൽകി ആദരിക്കുന്നതെന്ന് അമീരി ദിവാൻ കാര്യ മന്ത്രി ശൈഖ് അലി അൽ ജർറാഹ് അസ്സബാഹ് പറഞ്ഞു. കുവൈത്തും അമേരിക്കയും തമ്മിലുള്ള ചരിത്രപരവും വ്യതിരിക്തവുമായ ബന്ധം വളർത്തുന്നതിൽ വഹിച്ച പങ്കും പരിഗണിച്ചു.
അമേരിക്കന്‍ പ്രസിഡന്റ് ഡോണാള്‍ഡ് ട്രംപ് കുവൈത്ത് അമീര്‍ ഷേഖ് സബാഹിന് രാജ്യത്തിന്റെ പരമോന്നത സൈനിക ബഹുമതി നല്‍കി ആദരിക്കുന്നു എന്ന വാര്‍ത്ത അത്യധികം അഭിമാനത്തോടെ കാണുന്നതായി കുവൈത്ത് ഡെപ്യൂട്ടി അമീര്‍ ഷേയ്ഖ് നവാഫ് അല്‍ അഹ്മദ് അല്‍ ജാബര്‍ അല്‍ സബാഹ് അഭിപ്രായപെട്ടു.
ലോകത്തിന് മാതൃകയായി അമീര്‍ നിര്‍വഹിച്ച നയതന്ത്ര ഇടപെടലുകളും, ഗള്‍ഫ് മേഖലയുടെ സമാധാനത്തിനു അമീര്‍ നടത്തിയ മധ്യസ്ഥ ഇടപെടലുകളും കണക്കിലെടുത്താണ് അമേരിക്ക പരമോന്നത സൈനിക ബഹുമതി നല്‍കി അമീറിനെ ആദരിക്കുന്നതെന്ന് അമീരി ദിവാന്‍ മന്ത്രി ഷേയ്ഖ് അലി അല്‍ ജെറാഹ് അല്‍ സബാഹ് അറിയിച്ചു.
അതോടൊപ്പം അമേരിക്കന്‍ പ്രസിഡന്റ് ഡോണാള്‍ഡ് ട്രംപ് കുവൈത്ത് അമീര്‍ ഷേയ്ഖ് സബാഹ് അല്‍ അഹ്മദ് അല്‍ ജാബര്‍ അല്‍ സബാഹിന് അമേരിക്കയുടെ പരമോന്നത ബഹുമതി നല്‍കി ആദരിക്കുന്നതില്‍ അത്യധികം അഭിമാനിക്കുന്നതായും കുവൈത്ത് ഡെപ്യൂട്ടി അമീര്‍ ഷേയ്ഖ് നവാഫ് അല്‍ അഹ്മദ് അല്‍ ജാബര്‍ അല്‍ സബാഹ് അഭിപ്രായപെട്ടു.
അതേസമയം കുവൈത്തും അമേരിക്കയും തമ്മിലുള്ള ശക്തമായ നയതന്ത്ര ബന്ധവും, കൂടാതെ ഇരു രാജ്യങ്ങളും തമ്മിലുള്ള ചരിത്രപരവും, അമേരിക്കയുടെ ഉറ്റ സുഹൃത്ത് രാഷ്ട്രവുമാണ് കുവൈത്ത് എന്നും വൈറ്റ്ഹൗസ് വാര്‍ത്തകുറിപ്പില്‍ അറിയിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല