സ്വന്തം ലേഖകൻ: ബ്രിട്ടനിൽ ആദ്യമായി കണ്ടെത്തിയ കൊറോണ വൈറസ് വകഭേദത്തെ ഇപ്പോള്‍ പുറത്തിറക്കിയിരിക്കുന്ന വാക്‌സീനുകള്‍ ഉപയോഗിച്ച് നിയന്ത്രിക്കുന്നത് പ്രായോഗികമല്ലെന്ന് പബ്ലിക് ഹെല്‍ത്ത് ഇംഗ്ലണ്ട്. ലോകമെമ്പാടും വൈറസ് ആശങ്കാജനകമായ പരിണാമത്തിന് വിധേയമായിരിക്കുന്നു. ബി.1.1.7 എന്നറിയപ്പെടുന്ന ഈ വകഭേദം ആദ്യമായി ഡിസംബറിലാണ് പുറത്തുവന്നത്.
ഏതാനും മാസങ്ങള്‍ക്കുള്ളില്‍ ഈ വകഭേദം ബ്രിട്ടനിൽ മുഴുവൻ വ്യാപിച്ചു. ഈ വൈറസിൻ്റെ സാന്നിധ്യം അമേരിക്കയിലും ഇപ്പോള്‍ കണ്ടെത്തിയിട്ടുണ്ട്. കഴിഞ്ഞ ആഴ്ച, ബ്രിട്ടനില്‍ ക്രമീകരിച്ച എല്ലാ കൊറോണ വൈറസ് ജീനോമുകളും അവലോകനം ചെയ്ത ശാസ്ത്രജ്ഞര്‍ ബി.1.1.7 വംശത്തില്‍ പെടുന്ന 11 കൊറോണ വൈറസ് വകഭേദങ്ങളാണ് കണ്ടെത്തിയത്.
ബ്രിട്ടനില്‍ ബി.1.1.7 കണ്ടെത്തിയതിനുശേഷം, മറ്റ് 72 രാജ്യങ്ങളില്‍ കൂടി ഈ വകഭേദം റിപ്പോര്‍ട്ടുചെയ്തു. ഡിസംബര്‍ 29 നാണ് അമേരിക്കയില്‍ ബി .1.1.7 ന്റെ ആദ്യ കേസ് സ്ഥിരീകരിച്ചത്. അതിനുശേഷം, 32 സംസ്ഥാനങ്ങളിലായി 467 സാമ്പിളുകളുടെ സാന്നിധ്യം രോഗ നിയന്ത്രണ നിയന്ത്രണ കേന്ദ്രങ്ങള്‍ രേഖപ്പെടുത്തിയിട്ടുണ്ട്. വകഭേദത്തിൻ്റെ വ്യാപനനിരക്ക് മറ്റ് കൊറോണ വൈറസുകളേക്കാള്‍ 25 ശതമാനം മുതല്‍ 40 ശതമാനം വരെ കൂടുതലാണെന്നാണ് ഏറ്റവും പുതിയ വിശകലനത്തില്‍, പബ്ലിക് ഹെല്‍ത്ത് ഇംഗ്ലണ്ട് കണക്കാക്കുന്നത്.
ഇത് കൂടുതല്‍ മരണങ്ങള്‍ക്ക് കാരണമായേക്കാമെന്നും ചില പ്രാഥമിക തെളിവുകള്‍ സൂചിപ്പിക്കുന്നു. വാക്‌സീനുകള്‍ ബി.1.1.7 നെതിരെ പ്രവര്‍ത്തിക്കുമെന്ന് ശാസ്ത്രീയമായി തെളിയിക്കപ്പെട്ടിട്ടില്ല. വാക്‌സീന്‍ നിര്‍മാതാക്കളായ നോവാവാക്‌സ് വ്യാഴാഴ്ച പ്രഖ്യാപിച്ചത് പുതിയ വകഭേദത്തെ തളയ്ക്കാന്‍ തങ്ങളുടെ വാക്‌സീനു കഴിയുമെന്നാണ്. എന്നാല്‍ ദക്ഷിണാഫ്രിക്കയില്‍ ബി.1.351 എന്ന വകഭേദം വ്യാപനം തുടങ്ങിയപ്പോൾ നോവവാക്‌സ്, ജോണ്‍സണ്‍ ആന്‍ഡ് ജോണ്‍സണ്‍ വാക്‌സീനുകള്‍ ഫലപ്രദമായിരുന്നില്ല.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല