പ്രവേശന വിലക്ക്: സൗ​ദി​യി​ലേ​ക്ക്​ പോ​കാ​ൻ ഒ​മാ​ൻ ഇ​ട​ത്താ​വ​ള​മാ​ക്കി പ്രവാസികൾ; ടിക്കറ്റ് നിരക്ക് കൂടുന്നു

സ്വന്തം ലേഖകൻ: യുഎഇ, ഇ​ന്ത്യ അ​ട​ക്കം 20 രാ​ജ്യ​ങ്ങ​ളി​ൽ നി​ന്നു​ള്ള​വ​ർ​ക്ക്​ സൗ​ദി അ​റേ​ബ്യ​യി​ലേ​ക്ക് പ്ര​വേ​ശ​നം നി​രോ​ധി​ച്ച​തോ​ടെ യുഎഇ, ഇ​ന്ത്യ തു​ട​ങ്ങി​യ രാ​ജ്യ​ങ്ങ​ളി​ൽ​നി​ന്ന് ഒ​മാ​നി​ലേ​ക്കും ഒ​മാ​നി​ൽ​നി​ന്ന് സൗ​ദി അ​റേ​ബ്യ​യി​ലേ​ക്കു​മു​ള്ള ടി​ക്ക​റ്റ് നി​ര​ക്കു​ക​ൾ കു​ത്ത​നെ ഉ​യ​ർ​ന്നു. നി​രോ​ധ​നം കാ​ര​ണം ജോ​ലി ആ​വ​ശ്യ​വും മ​റ്റു​മാ​യി അ​ടി​യ​ന്ത​ര​മാ​യി സൗ​ദി​യി​ൽ എ​ത്തേ​ണ്ട നി​ര​വ​ധി പേ​ർ ഒ​മാ​ൻ ട്രൻസിറ്റിനായി ഉപയോഗിക്കുന്നതോടെയാണ് ഇത്.

ഇ​ത്ത​ര​ക്കാ​ർ വി​സി​റ്റ് വി​സ​യി​ൽ എ​ത്തി 14 ദി​വ​സം ഒ​മാ​നി​ൽ ത​ങ്ങി​യാ​ണ് സൗ​ദി അ​റേ​ബ്യ​യി​ലേ​ക്ക് പോ​കു​ന്ന​ത്. 14 ദി​വ​സ​ത്തി​നു​ള്ളി​ൽ യുഎഇ, ഇ​ന്ത്യ അ​ട​ക്ക​മു​ള്ള രാ​ജ്യ​ങ്ങ​ൾ സ​ന്ദ​ർ​ശി​ച്ച​വ​ർ​ക്കും സൗ​ദി​യി​ലേ​ക്ക് പ്ര​വേ​ശ​ന വി​ല​ക്കു​ള്ള​തി​നാ​ലാ​ണ്​ 14 ദി​വ​സം ഒ​മാ​നി​ൽ ത​േ​ങ്ങ​ണ്ടി​വ​രു​ന്ന​ത്. ഇ​ന്ത്യ​യി​ൽ​നി​ന്ന്​ നേ​രി​ട്ടും യുഎഇ​യി​ൽ നി​ന്നു​മാ​ണ്​ ആ​ളു​ക​ൾ എ​ത്തു​ന്ന​ത്.

ഇ​ന്ത്യ​യി​ൽ നി​ന്നു​ള്ള സൗ​ദി യാ​ത്ര​ക്കാ​ർ ഒ​മാ​ൻ വ​ഴി ക​ട​ന്നു​പോ​വു​ന്ന​തി​നാ​ൽ ഇ​ന്ത്യ​ൻ സെ​ക്ട​റി​ൽ​നി​ന്ന് ഒ​മാ​നിേ​ല​ക്കു​ള്ള നി​ര​ക്കു​ക​ളും കു​ത്ത​നെ ഉ​യ​ർ​ന്നി​ട്ടു​ണ്ട്. കേ​ര​ള​ത്തി​ല​ട​ക്ക​മു​ള്ള വി​മാ​ന​ത്താ​വ​ള​ങ്ങ​ളി​ൽ​നി​ന്ന് ഒ​മാ​നിേ​ല​ക്ക് വ​ൺേ​വ​ക്ക് 120 റി​യാ​ലി​നു മു​ക​ളി​ലാ​ണ് വി​മാ​ന ക​മ്പ​നി​ക​ൾ ഇൗ​ടാ​ക്കു​ന്ന​ത്.

യുഎഇ​യി​ൽ​നി​ന്ന് ഒ​മാ​നി​ലേ​ക്കു​ള്ള നി​ര​ക്കു​ക​ളും ഇ​തു​വ​രെ 100 റി​യാ​ലി​നു മു​ക​ളി​ലാ​ണ്. സ​ലാം എ​യ​ർ അ​ടു​ത്തി​ടെ നി​ര​ക്ക് കു​റ​ച്ച​തൊ​ഴി​ച്ചാ​ൽ മ​റ്റ് വി​മാ​ന ക​മ്പ​നി​ക​െ​ള​ല്ലാം ഉ​യ​ർ​ന്ന നി​ര​ക്കാ​ണ്​ യുഎഇ​യി​ൽ​നി​ന്ന് ഒ​മാ​നി​ലേ​ക്ക് ഇൗ​ടാ​ക്കു​ന്ന​ത്. ഒ​മാ​നി​ൽ​നി​ന്ന് സൗ​ദി​യി​ലേ​ക്കും ഉ​യ​ർ​ന്ന ടി​ക്ക​റ്റ് നി​ര​ക്കാ​ണു​ള്ള​ത്. 190 റി​യാ​ലി​നു​ മു​ക​ളി​ലാ​ണ് നി​ല​വി​ൽ ടി​ക്ക​റ്റ് നി​ര​ക്കു​ക​ൾ.

യുഎഇ​യി​ൽ​നി​ന്നോ ഇ​ന്ത്യ​യി​ൽ​നി​ന്നോ ഒ​മാ​നി​ലേ​ക്ക് വ​രു​ന്ന​തി​നു മു​മ്പു​ള്ള പി.​സി.​ആ​ർ, ഒ​മാ​നി​ൽ ഇ​റ​ങ്ങുേ​മ്പാ​ഴു​ള്ള പി.​സി.​ആ​ർ ടെ​സ്​​റ്റ്, ക്വാ​റ​​ൻ​റീ​ൻ അ​വ​സാ​നി​പ്പി​ച്ച്​ സൗ​ദി​യി​ലേ​ക്ക് പു​റ​പ്പെ​ടുേ​മ്പാ​ഴു​ള്ള പി.​സി.​ആ​ർ ടെ​സ്​​റ്റ്, സൗ​ദി-​ഒ​മാ​ൻ വി​സ ചാ​ർ​ജ്, ഒ​മാ​നി​ലെ താ​മ​സ, ഭ​ക്ഷ​ണ ചെ​ല​വ്, വി​മാ​ന​ത്താ​വ​ള​ത്തി​ൽ പോ​കാ​നും വ​രാ​നു​മു​ള്ള ടാ​ക്സി ചെ​ല​വു​ക​ൾ, വി​മാ​ന ടി​ക്ക​റ്റ് നി​ര​ക്കു​ക​ൾ എ​ന്നി​വ ക​ണ​ക്കാ​ക്കി​യാ​ൽ ചെ​ല​വ് 500 റി​യാ​ൽ ക​ട​ക്കും.

സൗ​ദി നി​യ​ന്ത്ര​ണ​ങ്ങ​ൾ പ്ര​ഖ്യാ​പി​ച്ച​തോ​ടെ ഒ​മാ​നി​ലെ ട്രാ​വ​ൽ ഏ​ജ​ൻ​റു​ക​ളും ഹോ​ട്ട​ലു​ക​ളും ഒ​മാ​നി​ൽ കൂ​ടി ക​ട​ന്നു​പോ​വു​ന്ന യാ​ത്ര​ക്കാ​ർ​ക്ക് പാ​ക്കേ​ജു​ക​ൾ പ്ര​ഖ്യാ​പി​ച്ചി​രു​ന്നു. 15 ദി​വ​സ​ത്തെ ഭ​ക്ഷ​ണ​വും താ​മ​സ​വു​മാ​ണ്​ വി​വി​ധ ഹോ​ട്ട​ലു​ക​ൾ പാ​ക്കേ​ജി​ൽ ന​ൽ​കു​ന്ന​ത്. സൗ​ദി ഏ​ർ​പ്പെ​ടു​ത്തി​യ യാ​ത്ര​നി​രോ​ധ​നം ഒ​മാ​നി​ലെ ട്രാ​വ​ൽ മേ​ഖ​ല​യി​ലു​ള്ള​വ​ർ​ക്കും ഹോ​ട്ട​ൽ മേ​ഖ​ല​ക്കും പു​തി​യ ഉ​ണ​ർ​വ്​ പ​ക​ർ​ന്നതായാണ് റിപ്പോർട്ടുകൾ.