സ്വന്തം ലേഖകൻ: യുഎഇയിലെ സ്വകാര്യമേഖലയിൽ തൊഴിലാളി ക്ഷേമം ഉറപ്പുവരുത്തുന്നതിനായി പ്രഖ്യാപിച്ച പുതിയ നിയമഭേദഗതി ബുധനാഴ്ച മുതൽ പ്രാബല്യത്തിൽ വരും. തൊഴിലാളികൾക്ക് അതിക്രമങ്ങളിൽ നിന്നും ചൂഷണത്തിൽ നിന്നും സംരക്ഷണം നൽകുന്നതാണ് ഭേദഗതി. യുഎഇ പ്രസിഡൻറ്ശൈഖ്ഖലീഫ ബിൻ സായിദ് ആൽ നെഹ്യാനാണ് നിയമം പുറപ്പെടുവിച്ചത്.
വിവിധതൊഴിൽ വിഭാഗങ്ങളിലെ ജീവനക്കാർക്ക് സംരക്ഷണമൊരുക്കുന്നതും തൊഴിൽമേഖലയെ അയവുള്ള സമീപനത്തിലേക്ക് നയിക്കുന്നതുമാണ്നിയമം. യുഎഇ തൊഴിൽ നിയമത്തിൽ സമീപ കാലത്തുണ്ടാകുന്ന ഏറ്റവും സുപ്രധാന ഭേദഗതി കൂടിയാണിത്. . ഫുൾടൈം, പാർടൈം, താൽകാലിക ജോലികൾക്കെല്ലാം സഹായകമാകുന്നതാണ് നിയമം.
എല്ലാതൊഴിൽ കരാറുകളും നിശ്ചിത കാലത്തേക്ക് മാത്രമായിരിക്കണമെന്ന്പുതിയ നിയമം പറയുന്നു. മുമ്പ് അനിശ്ചിത കാലത്തേക്ക്തൊഴിൽ കരാറുകളിൽ ഏർപ്പെടുത്തുന്നതിന് അനുമതിയുണ്ടായിരുന്നു. ഇത്തരം കരാറുകളിൽ ഏർപ്പെട്ടിരിക്കുന്നവർ പുതിയ നിയമപ്രകാരം ഒരു വർഷത്തിനകം നിശ്ചിത കാലത്തേക്കുള്ള കരാറുകളിലേക്ക് മാറണം.
ഗ്രാറ്റുവിറ്റി നൽകുന്നതിലും സുപ്രധാന മാറ്റം പുതിയ നിയമത്തിലുണ്ട്. വർഷത്തിൽ 30ദിവസത്തെ അടിസ്ഥാന ശമ്പളം ഗ്രാറ്റുവിറ്റിയായി നൽകണമെന്നാണ്പുതിയ നിയമം. നേരത്തെ ആദ്യ അഞ്ചുവർഷം ഗ്രാറ്റുവിറ്റി 21ദിവസത്തെ അടിസ്ഥാന ശമ്പളമായിരുന്നു.
പാർട്ടൈം ജോലികൾ ചെയ്യാനുള്ള അനുമതിയും നാളെ മുതൽ പ്രാബല്യത്തിൽ വരും. പ്രൊബേഷൻ ആറുമാസത്തിൽ കൂടരുതെന്ന് നിയമം വ്യവസ്ഥ ചെയ്യുന്നു. പ്രൊബേഷൻ കാലത്തും പിരിച്ചുവിടുന്നതിന് 14ദിവസത്തെ നോട്ടീസ്നൽകണമെന്ന് നിഷ്കർഷിച്ചിട്ടുണ്ട്. വിവേചനങ്ങൾഇല്ലാതാക്കാൻ നിരവധി വ്യവസ്ഥകളാണ് പുതിയ നിയമത്തിലുള്ളത്.
ജീവനക്കാരുടെസമ്മതമില്ലാതെ അവര്‍ക്ക് ടാര്‍ഗറ്റ് വെക്കാനോ, അത് കൈവരിക്കാനാവാതെ വന്നാല്‍ ഫൈൻ ചുമത്തുമെന്ന് ഭീഷണിപ്പെടുത്താനോ പാടില്ലെന്നും നിയമഭേദഗതി വ്യക്തമാക്കുന്നു. സ്ത്രീകൾക്ക്വലിയ പരിഗണന നിയമം നൽകുന്നു. നേരത്തെ 45ദിവസമായിരുന്ന പ്രസവാവധി അറുപത് ദിവസത്തേക്കാണ് ദീര്‍ഘിപ്പിച്ചിരിക്കുന്നത്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല