സ്വന്തം ലേഖകൻ: സൗദി അറേബ്യയില്‍ പ്രവേശിക്കാന്‍ 48 മണിക്കൂറിനുള്ളിലെടുത്ത കോവിഡ് പിസിആര്‍, ആന്‍റിജന്‍ നെഗറ്റീവ് പരിശോധനാ ഫലം നിര്‍ബന്ധം. സൗദിയില്‍ നിന്ന് പുറത്തുപോകുന്നവര്‍ക്കും ഈ നിബന്ധന ബാധകമാണ്. സൗദി ആഭ്യന്തര മന്ത്രാലയമാണ് പുതിയ നിബന്ധന പുറപ്പെടുവിച്ചത്.
സൗദി പൗരന്മാരും വിദേശികളും രാജ്യത്തേക്ക് വരാന്‍ പിസിആര്‍ നെഗറ്റീവ് സര്‍ട്ടിഫിക്കറ്റ് കരുതണം. ഫെബ്രുവരി 9 ബുധനാഴ്ച പുലര്‍ച്ചെ ഒരു മണി മുതല്‍ ഈ നിബന്ധന പ്രാബല്യത്തില്‍ വരും. 8 വയസ്സിന് മുകളില്‍ പ്രായമുള്ള യാത്രക്കാരെല്ലാം 48 മണിക്കൂറിനുള്ളിലെടുത്ത പിസിആര്‍ പരിശോധന അല്ലെങ്കില്‍ അംഗീകൃത ആന്റിജന്റ് പരിശോധന നടത്തി നെഗറ്റീവ് ഫലം ഹാജരാക്കണം.
16 വയസിന് മുകളില്‍ പ്രായമുള്ള സ്വദേശികള്‍ രണ്ടാമത്തെ ഡോസ് എടുത്ത് മൂന്ന് മാസം കഴിഞ്ഞെങ്കില്‍ നിര്‍ബന്ധമായും ബൂസ്റ്റര്‍ ഡോസ് സ്വീകരിച്ചവരായിരിക്കണം. അത്തരത്തിലുള്ള സൗദികളെ മാത്രമേ സൗദിക്ക് പുറത്തേക്ക് പോകാന്‍ അനുവദിക്കുകയുള്ളൂ. സൗദി പൗരന്മാര്‍ക്ക് പരിശോധനാ ഫലം പോസിറ്റീവ് ആണെങ്കിലും നിബന്ധനകളോടെ മാത്രമേ സൗദിയില്‍ പ്രവേശിക്കാന്‍ അനുവദിക്കുകയുള്ളു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല