സ്വന്തം ലേഖകൻ: ജനസംഖ്യയുടെ ഒരു ശതമാനം വീതം കുടിയേറ്റക്കാരെ കാനഡ പ്രതിവർഷം സ്വീകരിക്കും. കുടിയേറ്റകാര്യ മന്ത്രി സീൻ ഫ്രേസർ ആണ് പ്രഖ്യാപനം നടത്തിയത്. മൂന്നു വർഷം കൊണ്ട് 1.2 ദശലക്ഷം വിദേശീയരെ സ്വീകരിക്കാനാണ് കാനഡ പദ്ധതി തയാറാക്കിയിരിക്കുന്നത്. ഈ കുടിയേറ്റ നയപ്രഖ്യാപനം ഇന്ത്യക്കാർക്കു കൂടുതൽ ഗുണകരമാകും.
പുതിയ തീരുമാനമനുസരിച്ചു 2022ൽ 4,31,645 സ്ഥിര താമസാനുമതി (പിആർ) ലഭിക്കും. 2023ൽ 4,47,055, 2024ൽ 4,51,000 എന്നിങ്ങനെയും. 2024ൽ 4,75,000 വരെ ഉയർന്നേക്കാം. നിലവിൽ കാനഡയിൽ കുടിയേറ്റക്കാരിൽ 60 ശതമാനവും ഇന്ത്യക്കാരാണ്. 2019ൽ 85,593 ഇന്ത്യക്കാർക്കാണു കാനഡയിൽ പിആർ ലഭിച്ചത്.
കോവിഡ് വ്യാപകമായതിനാൽ 2020ൽ പിആർ കാർഡ് ലഭിച്ചവരുടെ എണ്ണം 1,84,606 ആയി കുറഞ്ഞിരുന്നു. ഇതിൽ 42,876 പേർ (23%) ഇന്ത്യക്കാരാണ്. 16,535 ചൈനക്കാർക്ക് കാനഡയിൽ പിആർ ലഭിച്ചു. ഇന്ത്യൻ വിദ്യാർഥികൾ കൂടുതൽ പഠനത്തിനായി വരുന്നത് കാനഡയിലാണ്. പഠനം പൂർത്തിയാക്കി അവിടെത്തന്നെ ജോലിയും ലഭിക്കുമെന്നത് കൂടുതൽ വിദ്യാർഥികളെ കാനഡയിലേക്കു ആകർഷിക്കുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല