സ്വന്തം ലേഖകൻ: ഓഗസ്റ്റ് 14 മുതൽ രാജ്യത്തെ സ്‌കൂളുകളുടെ പ്രവർത്തനം പുനരാരംഭിക്കും. മധ്യവേനൽ അവധി കഴിഞ്ഞ് സ്ക്കൂളുകൾ 14ന് തുറക്കുമെങ്കിലും ക്ലാസുകൾ തുടങ്ങുന്നത് 16 മുതൽ ആണ്. സ്ക്കുളുകൾ വിദ്യാർഥികളെ സ്വീകരിക്കാൻ വേണ്ടി തയ്യാറായിരിക്കുകയാണ്. സർക്കാർ സ്‌കൂളുകളിൽ കെട്ടിടങ്ങളുടെ നവീകരണ പരിപാടികൾ, അറ്റകുറ്റപണികൾ എന്നിവയെല്ലാം ഇപ്പോൾ നടക്കുകയാണ്. സ്ക്കൂളുകളുടെ നിർമ്മാണ പ്രവർത്തനങ്ങൾ മാത്രമല്ല. ലബോറട്ടറികൾ, ക്ലാസ് മുറികൾ എന്നിവയുടെ ചെറിയ ജോലികൾ എല്ലാം നടക്കുന്നുണ്ട്.
സ്ക്കൂളികളിലെ എയർകണ്ടീഷണറുകൾ, ഇലക്ട്രോണിക് ഉപകരണങ്ങൾ എന്നിവയുടെ എല്ലാം അറ്റകുറ്റപ്പണികളും ശുചീകരണവും ഇപ്പോൾ സ്ക്കൂളുകളിൽ നടക്കുകയാണ്. 679 സ്വകാര്യ വിദ്യാഭ്യാസ സ്ഥാപനങ്ങളായി 2,15,000 ത്തിലധികം വിദ്യാർഥികളാണ് 2021-2022 അധ്യയന വർഷത്തിൽ പഠിക്കുന്നത്. 679 സ്ഥാപനങ്ങളിൽ 334 സ്വകാര്യ സ്‌കൂളുകളും കിന്റർഗാർട്ടനുകളുമാണ് ഉള്ളത്. 169 എണ്ണം വിദ്യാഭ്യാസ പരിശീലന കേന്ദ്രങ്ങൾ ആണെങ്കിൽ 176 എണ്ണം നഴ്‌സറികൾ ആണ്. 5 വ്യത്യസ്ത പാഠ്യപദ്ധതികളാണ് സ്വകാര്യ മേഖലയിൽ എത്തിയിരിക്കുന്നത്.
രാജ്യത്തെ ദേശീയ പാഠ്യപദ്ധതി പിന്തുടരുന്ന സ്വകാര്യ സ്‌കൂളുകൾളെ കൂടാതെ ജർമൻ, ബ്രിട്ടീഷ്, അമേരിക്കൻ, ഫ്രഞ്ച്, തുടങ്ങി വ്യത്യസ്ത പാഠ്യപദ്ധതികളിലുള്ള സ്‌കൂളുകളും ഖത്തറിൽ ഉണ്ട്. 2022-2023 അധ്യയന വർഷത്തിൽ 5 പുതിയ സ്കൂളുകൾ കൂടി തുറക്കും എന്നാണ് വിദ്യാഭ്യാസ മന്ത്രാലയത്തിന്റെ പ്രഖ്യാപനം. ഖത്തറിൽ പതിനെട്ടോളം ഇന്ത്യൻ സ്‌കൂളുകളാണ് ഉള്ളത്. നവംബർ 21 മുതൽ ഡിസംബർ 18 വരെ ഫിഫ ലോകകപ്പിന് ഖത്തർ ആതിഥേയത്വം വഹിക്കുന്നതിനാൽ രാജ്യത്തെ മുഴുവൻ സ്‌കൂളുകൾക്കും നവംബർ 20 മുതൽ ഡിസംബർ 22 വരെ മധ്യവാർഷിക അവധി ലഭിക്കും. ഒക്‌ടോബർ 13 വരെയും വിദേശങ്ങളിൽ നിന്നുള്ളവർക്ക് 2023 ജനുവരി വരെയുമാണ് രജിസ്ട്രേഷൻ നടക്കുന്നത്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല