സര്‍വെ മങ്കിയുടെ ചീഫ് എക്‌സിക്യൂട്ടീവും ഫെയ്‌സ്ബുക്ക് എക്‌സകട്ടീവ് ഷെറില്‍ സാന്‍ഡ്‌ബെര്‍ഗിന്റെ ഭര്‍ത്താവുമായ ഡേവ് ഗോള്‍ഡ്‌ബെര്‍ഗ് വെള്ളിയാഴ്ച്ച രാത്രിയില്‍ അന്തരിച്ചു. 47 വയസ്സായിരുന്നു.
ഫ്രഡ്ഡി ഗ്രെയെ കൊലപ്പെടുത്തിയ പൊലീസുകാര്‍ക്കായി ബാള്‍ട്ട്ിമൊര്‍ പൊലീസ് യൂണിയന്‍ ഗോ ഫണ്ട് മീ പേജ് ആരംഭിച്ചു. എന്നാല്‍ പേജ് ആരംഭിച്ച് ഒരു മണിക്കൂര്‍ തികയുന്നതിന് മുന്‍പ് പേജ് നീക്കം ചെയ്തു.
ഇസ്ലാമിക് സ്റ്റേറ്റ് തലവന്‍ അബൂബക്കര്‍ അല്‍ ബാഗ്ദാദി മരിച്ചിട്ടില്ലെന്ന വെളിപ്പെടുത്തലുമായി ഗാര്‍ഡിയന്‍ പത്രം. നട്ടെല്ലിന് ക്ഷതമേറ്റ ബാഗ്ദാദി അജ്ഞാതകേന്ദ്രത്തില്‍ ചികിത്സയിലാണെന്നും തീവ്രവാദി സംഘത്തിനുള്ളില്‍നിന്നുള്ള സ്രോതസ്സുകളെ ഉദ്ധരിച്ച് ഗാര്‍ഡിയന്‍ പറയുന്നു.
അറ്റ്‌ലാന്‍ഡയില്‍ സ്ത്രീയെ പൊലീസ് വെടിവെച്ച് കൊന്നു. പൊലീസ് അറസ്റ്റ് ചെയ്ത ശേഷം വാഹനത്തിന്റെ പുറകിലിരിക്കുകയായിരുന്ന ഇവര്‍ പൊലീസിന് നേര്‍ക്ക് വെടിവെച്ചെന്നും ഇതേ തുടര്‍ന്നാണ് ഇവര്‍ക്ക് നേരെ തിരിച്ച് വെടിവെച്ചതെന്നുമാണ് പൊലീസ് നല്‍കുന്ന വിശദീകരണം.
പ്രത്യേകതയുള്ള ദിവസങ്ങളെ പ്രത്യേകമായി അടയാളപ്പെടുത്തുന്നതില്‍ ഗൂഗിള്‍ എന്നും ശ്രദ്ധിക്കാറുണ്ട്. അക്കാര്യത്തില്‍ ഇന്നും ഗൂഗിളിന് വ്യത്യാസമേതുമില്ല. ഇന്നത്തെ തൊഴിലാളി ദിനത്തെ അഭിസംബോധന ചെയ്യുന്നതിനായി ഗൂഗിള്‍ തയാറാക്കിയിരിക്കുന്നത് ടൂള്‍സ് കൊണ്ടുള്ളൊരു ഡൂഡിളാണ്.
ഇന്റര്‍നെറ്റ് എക്‌സ്‌പ്ലോററിന് പകരമായി ഉപയോഗിക്കാനുള്ള വെബ് ബ്രൗസറുമായി മൈക്രോസോഫ്റ്റ്. ഇത്രയുംകാലം പ്രോജക്ട് സ്പാര്‍ട്ടാന്‍ എന്ന അപരനാമത്തില്‍ അറിയപ്പെട്ടിരുന്ന പുതിയ ബ്രൗസറിന് എഡ്ജ് എന്നായിരിക്കും പേരെന്ന് മൈക്രോസോഫ്റ്റ് സ്ഥിരീകരിച്ചു
ഇന്ത്യ ഉള്‍പ്പെടെയുള്ള രാജ്യങ്ങള്‍ക്ക് ഇറാനുമായുള്ളത് എണ്ണ വ്യാപാരമാണ്. ഇതിന്റെ തോത്് വര്‍ദ്ധിപ്പിക്കാനുള്ള നീക്കത്തിലാണ് ഈ രാജ്യങ്ങള്‍. ഈ സാഹചര്യത്തിലാണ് നൂക്ലിയര്‍ ഡീല്‍ ചര്‍ച്ചകള്‍ അന്തിമ തീരുമാനത്തിലെത്തുന്നതിന് മുന്‍പെ വ്യാപാര ബന്ധങ്ങള്‍ വര്‍ദ്ധിപ്പിക്കരുതെന്ന് യുഎസ് നിര്‍ദ്ദേശിച്ചിരിക്കുന്നത്.
ഫ്രാന്‍സ്, കാനഡ ഉള്‍പ്പെടെ 31 രാജ്യങ്ങള്‍ക്ക് കൂടി ഇ ടൂറിസ്റ്റ് വിസ പദ്ധതി നടപ്പാക്കുമെന്ന് ഇന്ത്യയുടെ പ്രഖ്യാപനം. ഈ രാജ്യങ്ങളിലെ പൗരന്മാര്‍ക്ക് ഇന്ത്യയിലേക്കുള്ള പ്രവേശനം എളുപ്പത്തിലാക്കാനാണ് ഇ-ടൂറിസ്റ്റ് വിസ പദ്ധതി നടപ്പാക്കുന്നത്.
നയാഗ്രക്കും ഗ്രാന്‍ഡ് കാന്യനും കുറുകെ കയറിലൂടെ നടന്ന് അതിസാഹസികനെന്ന പേര് സ്വന്തമാക്കിയ നിക്ക് വാലെന്‍ഡ പുതിയ സാഹസിക പ്രകടനത്തിലൂടെ കാണികളെ വീണ്ടും വിസ്മയിപ്പിച്ചു. ഇത്തവണ കറങ്ങി കൊണ്ടിരിക്കുന്ന യന്ത്ര ഊഞ്ഞാലിലൂടെ നടന്നാണ് നിക്ക് അത്ഭുതം സൃഷ്ടിച്ചത്.
പ്യൂ റിസര്‍ച്ച് പുറത്തിറക്കിയ പുതിയ സര്‍വെ ഫലം സൂചിപ്പിക്കുന്നത് ഏറ്റവും അധികം ആളുകള്‍ വാര്‍ത്ത വായിക്കുന്നത് മൊബൈല്‍ ഫോണുകളില്‍നിന്നാണെന്നാണ്.
