സ്വന്തം ലേഖകൻ: യാത്രക്കാരുടെ അതിരുകടന്ന പെരുമാറ്റങ്ങള്‍ തുടര്‍ച്ചയായുണ്ടാകുന്ന പശ്ചാത്തലത്തില്‍ ഇന്‍-ഫ്‌ലൈറ്റ് ആല്‍ക്കഹോള്‍ നയത്തില്‍ മാറ്റം വരുത്തി എയര്‍ ഇന്ത്യ. മദ്യം നല്‍കുന്ന കാര്യത്തില്‍ ക്യാബിന്‍ ക്രൂവിന് ഉചിതമായ തീരുമാനം എടുക്കാന്‍ കഴിയുന്നതാണ് പുതിയ മാറ്റം.
രണ്ട് അന്താരാഷ്ട്ര വിമാനങ്ങളിലെ യാത്രക്കാരുടെ ഭാഗത്ത് നിന്നുള്ള മോശം പെരുമാറ്റത്തില്‍ ടാറ്റ ഗ്രൂപ്പിന്റെ ഉടമസ്ഥതയിലുള്ള എയര്‍ലൈന് കുറച്ച് ദിവസങ്ങള്‍ക്ക് മുമ്പ് ഡിജിസിഎ പിഴ ചുമത്തിയിരുന്നു. പുതുക്കിയ നയത്തിലെ കൃത്യമായ മാറ്റങ്ങള്‍ ഉടന്‍ കണ്ടെത്താനായില്ല. പുതുക്കിയ നയമനുസരിച്ച്, ക്യാബിന്‍ ക്രൂ മദ്യം നല്‍കുന്നില്ലെങ്കില്‍ യാത്രക്കാര്‍ക്ക് മദ്യം കഴിക്കാന്‍ അനുവദമില്ല, കൂടാതെ സ്വന്തം നിലയില്‍ മദ്യം കഴിക്കുന്ന യാത്രക്കാരെ തിരിച്ചറിയാനും ക്യാബിന്‍ ക്രൂ ശ്രദ്ധിക്കണം.
”മദ്യപാനീയങ്ങള്‍ നല്‍കുന്നത് ന്യായമായും സുരക്ഷിതമായും ആയിരിക്കണം. നയം അനുസരിച്ച് ഒരു അതിഥി മദ്യം (കൂടുതല്‍) വിളമ്പാന്‍ വിസമ്മതിക്കുന്നതും ഇതില്‍ ഉള്‍പ്പെടുന്നു. മറ്റ് കാരിയറുകളുടെ പ്രവര്‍ത്തനങ്ങളില്‍ നിന്നും യുഎസ് നാഷണല്‍ റെസ്റ്റോറന്റ്‌സ് അസോസിയേഷന്റെ മാര്‍ഗ്ഗനിര്‍ദ്ദേശങ്ങളില്‍ നിന്നും ആവശ്യമായവ എടുത്താണ് എയര്‍ ഇന്ത്യ ഇന്‍-ഫ്‌ലൈറ്റ് മദ്യ സേവന നയം അവലോകനം ചെയ്തതായി ഒരു പ്രസ്താവനയില്‍ എയര്‍ ഇന്ത്യ വക്താവ് പറഞ്ഞു.
ഇവ പ്രധാനമായും എയര്‍ ഇന്ത്യയുടെ നിലവിലുള്ള സമ്പ്രദായത്തിന് അനുസൃതമായിരുന്നു, വ്യക്തതയ്ക്കായി ചില ക്രമീകരണങ്ങള്‍ വരുത്തിയിട്ടുണ്ട്, കൂടാതെ ലഹരിയുടെ സാധ്യമായ കേസുകള്‍ തിരിച്ചറിയാനും നിയന്ത്രിക്കാനും ക്രൂവിനെ സഹായിക്കുന്നതിന് എന്‍ആര്‍എയുടെ ട്രാഫിക് ലൈറ്റ് സിസ്റ്റം ഉള്‍പ്പെടുത്തിയിട്ടുണ്ട്. പുതിയ നയം ക്രൂവിനായി പ്രഖ്യാപിച്ചിട്ടുണ്ട്. യാത്രക്കാരുടെയും ക്യാബിന്‍ ക്രൂവിന്റെയും സുരക്ഷയ്ക്കും ക്ഷേമത്തിനും എയര്‍ ഇന്ത്യ പ്രതിജ്ഞാബദ്ധമാണ്, മദ്യം നല്‍കുന്നത്തില്‍ ഉത്തരവാദിത്തോടെ പെരുമാറുന്നതുള്‍പ്പെടെ നയത്തില്‍ ഉള്‍പ്പെടുന്നതായും വക്താവ് പറഞ്ഞു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല