സ്വന്തം ലേഖകൻ: യാത്രക്കാര്‍ക്കായി ‘എക്സ്പ്രസ് എഹെഡ്’ എന്ന പേരില്‍ പുതിയ സര്‍വീസ് ആരംഭിച്ച് എയര്‍ ഇന്ത്യ. യാത്രക്കാര്‍ക്ക് ചെറിയ തുക നല്‍കി ചെക്ക് -ഇന്‍ കൗണ്ടറില്‍ നീണ്ട ക്യൂ നില്‍ക്കുന്നതും ബാഗേജിനായി കാത്തുനില്‍ക്കുന്നതും ഒഴിവാക്കാന്‍ സാധിക്കുന്ന ഒരു സേവനമാണ് ‘എക്സ്പ്രസ് എഹെഡ്’. എയര്‍പോര്‍ട്ടില്‍ ചെക്ക് ഇന്‍ ചെയ്യുന്നത് മുതല്‍ വിമാനം ലാന്‍ഡ് ചെയ്യുന്നതുവരെ യാത്രക്കാരന് സുഖമായ ഒരു യാത്രയാണ് ഈ പദ്ധതിയിലൂടെ ലക്ഷ്യം വെക്കുന്നത്.
യാത്രക്കാര്‍ക്കാണ് ഇവിടെ മുന്‍ഗണന നൽകുന്നത്. മികച്ച സേവനങ്ങൾ അവർക്ക് നൽകുക. എക്സ്പ്രസ് എഹെഡ് യാത്രക്കാര്‍ക്കായി പ്രത്യേക ചെക്ക് ഇന്‍ കൗണ്ടറുകളായിരിക്കും ഉണ്ടാകുക. ബാഗേജുകള്‍ കയറ്റുന്ന കാര്യത്തിലും ഇറക്കുന്ന കാര്യത്തിലും ഇവര്‍ക്ക് പ്രത്യേക പരിഗണന ലഭിക്കും. വിമാനം ലാന്‍ഡ് ചെയ്യുന്ന സമയത്തും ലഗേജ് എടുക്കുന്ന കാര്യത്തില്‍ ഇവർക്ക് തന്നെയായിരിക്കും മുൻഗണന
അന്താരാഷ്ട്ര യാത്രക്കും, ആഭ്യന്തരയാത്രക്കും എക്സ്പ്രസ് എഹെഡ് സേവനത്തില്‍ പേരുനല്‍കാം. എയര്‍ ഇന്ത്യ എക്സ്പ്രസ് ഓണ്‍ലൈന്‍ പ്രീ ബുക്കിങ് സൗകര്യം ഇതിനായി നൽകുന്നുണ്ട്. airindiaexpress.com എന്ന വെബ്സെെറ്റ് സന്ദർശിച്ചാൽ മതിയാകും. ഓണ്‍ലൈനായി ബുക്ക് ചെയ്യുന്നതിന് പുറമേ വിമാനത്താവളത്തില്‍ വന്ന് മുന്‍കൂട്ടി ബുക്ക്ചെയ്യാനുള്ള സംവിധാനവും ഒരുക്കിയിട്ടുണ്ട്.
യാത്രക്കാര്‍ക്ക് സൗജന്യമായി നല്‍കിയിരുന്ന ലഘു ഭക്ഷണ കിറ്റ് എയർ ഇന്ത്യ നിർത്തലാക്കിയിരുന്നു. ഇതിന് പിന്നാലെയാണ് യാത്രക്കാര്‍ക്കായി ‘എക്സ്പ്രസ് എഹെഡ്’ എന്ന സംവിധാനം ഒരുക്കിയിരിക്കുന്നത്. വരുമാനം വര്‍ധിപ്പിക്കുന്നതിന്റെ ഭാഗമായാണ് ഇത്തരത്തിലുള്ള സംവിധാനം എയർഇന്ത്യ എക്സ്പ്രസ് ഒരുക്കിയിരിക്കുന്നത്. ലഘുഭക്ഷണത്തിനായി യാത്രക്കാരില്‍ നിന്ന് പണം ഈടാക്കും.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല