സ്വന്തം ലേഖകൻ: തൃശ്ശൂരിൽ എടിഎം തകർത്ത് കവർച്ച നടത്തിയ സംഭവം സംസ്ഥാനത്ത് ഞെട്ടൽ ഉണ്ടാക്കിയിരിക്കുകയാണ്. സംഭവത്തിലെ ആസൂത്രകൻ മേവാത്തി ഗ്യാങ് തലവനായ എ.മുഹമ്മദ് ഇക്രാം എന്ന് പോലീസ് വ്യക്തമാക്കിയിരുന്നു. സൈബർ തട്ടിപ്പിന് കുപ്രസിദ്ധമായ മേഖലയാണ് മേവാത്ത്. ഹരിയാന,യുപി, രാജസ്ഥാൻ എന്നീ സംസ്ഥാനങ്ങളുടെ അതിർത്തി മേഖലയാണിത്.
രാജസ്ഥാനിലെ ഡീഗ് ജില്ലയിലെ മേവാത് മേഖല സൈബർ തട്ടിപ്പിൻ്റെ പ്രധാന കേന്ദ്രമായി മാറിയിരിക്കുകയാണ്. 3 വർഷത്തിനിടെ 74 സംഘങ്ങൾ ചേർന്ന് 336 ബില്യൺ രൂപയുടെ തട്ടിപ്പ് നടത്തിയതായി റിപ്പോർട്ട്.
ജാർഖണ്ഡിലെ ജംതാരയ്ക്കു ശേഷം സൈബർ കുറ്റകൃത്യങ്ങളിൽ വളർന്നുവരുന്ന മേഖലയായി മേവാത്ത് മാറിയെന്നും പോലീസ് പറയുന്നു. ഈ മേഖലകളിൽ പ്രവർത്തിക്കുന്ന വിവിധ സംഘങ്ങൾ ചേർന്ന് വലിയ തട്ടിപ്പുകളാണ് നടത്തിയത്. ആഡംബര കാറുകൾ, ഉയർന്ന നിലവാരമുള്ള ബൈക്കുകൾ, വിലയേറിയ ഫോണുകൾ എന്നിവ സോഷ്യൽ മീഡിയയിൽ കുറഞ്ഞ നിരക്കിൽ വാഗ്ദാനം ചെയ്യുന്നതാണ് ഇതിൽ പ്രധാനം.
കൂടാതെ, വാട്ട്‌സ്ആപ്പ് വഴിയും ഓൺലൈൻ ഷോപ്പിംഗ് സ്കീമുകളിലൂടെയും വ്യാജ ലോട്ടറി സന്ദേശങ്ങൾ ഉപയോഗിച്ച് തട്ടിപ്പുകാർ ഇരകളെ ആകർഷിക്കുന്നു. ഇന്ത്യയിലെ ഓൺലൈൻ തട്ടിപ്പുകളുടെ 18 ശതമാനവും നടക്കുന്നത് ഭരത്പൂരിൽ ആണെന്നും 2020നും 2023നും ഇടയിൽ 76 സംഘങ്ങൾ ചേർന്ന് 336 കോടി രൂപയുടെ തട്ടിപ്പ് നടത്തി എന്നും പോലീസ് പറയുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല