വിമാനത്താവളങ്ങൾ അടച്ചിടൽ; ഇടത്താവളങ്ങളിൽ കുടുങ്ങി എന്തു ചെയ്യണം എന്നറിയാതെ പ്രവാസികൾ

സ്വന്തം ലേഖകൻ: ജ​നി​ത​ക​മാ​റ്റം സം​ഭ​വി​ച്ച പു​തി​യ​ത​രം കോ​വി​ഡ്​ വ്യാ​പി​ക്കു​ന്നു​വെ​ന്ന റി​പ്പോ​ർ​ട്ടു​ക​ളു​ടെ അ​ടി​സ്ഥാ​ന​ത്തി​ൽ സൗ​ദി​യി​ലേ​ക്കും കു​വൈ​ത്തി​ലേ​ക്കു​മു​ള്ള അ​ന്താ​രാ​ഷ്​​ട്ര വി​മാ​ന സ​ർ​വി​സു​ക​ൾ നി​ർ​ത്തി​വെ​ച്ച​തോ​ടെ നിരവധി പ്രവാസികൾ കുടുങ്ങി. ഇ​ന്ത്യ​യി​ൽ​നി​ന്ന് നേ​രി​ട്ട് വി​മാ​ന സ​ർ​വി​സ് ഇ​ല്ലാ​ത്ത​തി​നാ​ൽ അ​വ​ധി​ക്ക് നാ​ട്ടി​ലെ​ത്തി​യ​ശേ​ഷം തി​രി​ച്ചു​വ​രു​ന്ന​തി​നാ​യി ര​ണ്ടാ​ഴ്ച യു.​എ.​ഇ​യി​ൽ ത​ങ്ങി​യ ശേ​ഷ​മാ​യി​രു​ന്നു സൗ​ദി​യി​ലേ​ക്ക് മ​ട​ങ്ങി​യി​രു​ന്ന​ത്.

കു​വൈ​ത്തി​ലേ​ക്ക്​ നേ​രി​ട്ട്​ വി​മാ​ന സ​ർ​വി​സ്​ ഇ​ല്ലാ​ത്ത​തി​നാ​ൽ ഇ​ട​ത്താ​വ​ള​മാ​യ യു.​എ.​ഇ, തു​ർ​ക്കി, ബ​ഹ്​​റൈ​ൻ, ഇ​ത്യോ​പ്യ തു​ട​ങ്ങി​യ രാ​ജ്യ​ങ്ങ​ളി​ൽ എത്തിയ നി​ര​വ​ധി പേ​രു​ണ്ട്. ര​ണ്ടാ​ഴ്​​ച ഇ​വി​ട​ങ്ങ​ളി​ൽ താ​മ​സി​ച്ച ശേ​ഷം കു​വൈ​ത്തി​ലേ​ക്ക്​ വ​രാ​മെ​ന്ന്​ ക​രു​തി​യി​രു​ന്ന​വ​ർ​ക്ക്​ അ​ധി​ക ദി​വ​സ​ങ്ങ​ൾ​ക്ക്​ ഭ​ക്ഷ​ണ​ത്തി​നും താ​മ​സ​ത്തി​നും വ​ക ക​ണ്ടെ​ത്താ​ൻ പ്ര​യാ​സ​പ്പെ​ടും.

യാ​ത്ര​ക്കാ​രി​ൽ പ​ല​രും 15 ദി​വ​സ​ത്തെ പാ​ക്കേ​ജി​ലാ​ണ് യു.​എ.​ഇ​യി​ൽ എ​ത്തി​യ​ത്. അ​ത് ക​ഴി​യു​ന്ന​തോ​ടെ പ​ല​ർ​ക്കും അ​ത്യാ​വ​ശ്യ കാ​ര്യ​ങ്ങ​ൾ​ക്ക് ബു​ദ്ധി​മു​ട്ട് നേ​രി​ടു​ക​യാ​ണ്. ഐ.​സി.​എ​ഫി​െൻറ കീ​ഴി​ൽ ആ​രം​ഭി​ച്ച ഹെ​ൽ​പ് ഡെ​സ്‌​ക്കി​ൽ 24 മ​ണി​ക്കൂ​റി​ന​കം 400ൽ​പ​രം അ​ന്വേ​ഷ​ണ​ങ്ങ​ളാ​ണ് ല​ഭി​ച്ചി​രി​ക്കു​ന്ന​ത്. ഇ​ത് വി​ഷ​യ​ത്തി​െൻറ ഗൗ​ര​വാ​വ​സ്ഥ ബോ​ധ്യ​പ്പെ​ടു​ത്തു​ന്നു​ണ്ട്. താ​മ​സ സൗ​ക​ര്യം, ഭ​ക്ഷ​ണം, മ​രു​ന്ന് എ​ന്നി​വ​ക്ക് പ​ല​രും ബു​ദ്ധി​മു​ട്ട് അ​നു​ഭ​വ​പ്പെ​ടു​ന്നു. നി​ല​വി​ൽ ഒ​രാ​ഴ്ച​ത്തേ​ക്കാ​ണ് നി​രോ​ധ​നം ഏ​ർ​പ്പെ​ടു​ത്തി​യ​തെ​ങ്കി​ലും വീ​ണ്ടും ദീ​ർ​ഘി​പ്പി​ക്കാ​ൻ സാ​ധ്യ​ത ഉ​ള്ള​തി​നാ​ൽ കേന്ദ്ര, സംസ്ഥാന സർക്കാരുകൾ അടിയന്തിരമായി പ്രശ്നത്തിൽ ഇടപെടണമെന്നാണ് പ്രവാസികളുടെ ആവശ്യം.

നി​ല​വി​ൽ ജ​നു​വ​രി ഒ​ന്നു ​വ​രെ​യാ​ണ്​ കുവൈത്തിൽ വി​മാ​ന​ത്താ​വ​ളം അടച്ചിടുക. എങ്കിലും അ​പ്പോ​ഴ​ത്തെ സ്ഥി​തി വി​ല​യി​രു​ത്തി നീ​ട്ടാ​നു​ള്ള സാ​ധ്യ​ത ത​ള്ളാ​നാ​വി​ല്ല. ഇ​തി​നി​ട​ക്ക്​ ഇ​ന്ത്യ​യി​ലെ വി​മാ​ന​ത്താ​വ​ള​ങ്ങ​ളും അ​ട​ക്കു​ക​യാ​ണെ​ങ്കി​ൽ തി​രി​ച്ചു​പോ​ക്കും പ്ര​യാ​സ​ത്തി​ലാ​വും. വി​മാ​ന ടി​ക്ക​റ്റ്​ നി​ര​ക്ക്​ വ​ർ​ധ​ന സം​ബ​ന്ധി​ച്ചും ആ​ശ​ങ്ക​യു​ണ്ട്. വി​സ കാ​ലാ​വ​ധി ക​ഴി​യാ​റാ​യ​തി​നാ​ൽ വൈ​കാ​തെ കു​വൈ​ത്തി​ൽ തി​രി​ച്ചെ​ത്ത​ൽ അ​നി​വാ​ര്യ​മാ​യ നി​ര​വ​ധി പേ​രു​ണ്ട്.

അ​ടു​ത്ത ദി​വ​സ​ങ്ങ​ളി​ൽ നാ​ട്ടി​ലേ​ക്ക്​ യാ​ത്ര​ക്ക്​ ത​യാ​റെ​ടു​ത്ത്​ വി​മാ​ന ടി​ക്ക​റ്റ്​ എ​ടു​ത്ത നി​ര​വ​ധി പേ​രും പ്ര​തി​സ​ന്ധി​യി​ലാ​യി.കു​വൈ​ത്തി​ലെ ബി​സി​ന​സും ജോ​ലി​യും പ്ര​തി​സ​ന്ധി​യി​ലാ​യി മ​റ്റു​ള്ള​വ​രു​ടെ സ​ഹാ​യ​ത്താ​ൽ ടി​ക്ക​റ്റ്​ എ​ടു​ത്ത​വ​രും വി​മാ​ന സ​ർ​വി​സ്​ നി​ർ​ത്തി​യ​തോ​ടെ പ്ര​തി​സ​ന്ധി​യി​ലാ​യി​ട്ടു​ണ്ട്. ഫോ​ൺ ക​ണ​ക്​​ഷ​ൻ വ​രെ റ​ദ്ദാ​ക്കി ഇ​വി​ടു​ത്തെ ഇ​ട​പാ​ടു​ക​ളെ​ല്ലാം തീ​ർ​ന്ന്​ തി​ങ്ക​ളാ​ഴ്​​ച രാ​ത്രി യാ​ത്ര​ക്ക്​ ത​യാ​റാ​യ​വ​രും കു​ടു​ങ്ങി.

മു​റി ഒ​ഴി​ഞ്ഞു കൊ​ടു​ത്ത​വ​രു​മു​ണ്ട്. മു​ന്ന​റി​യി​പ്പി​ല്ലാ​തെ​യു​ള്ള വി​മാ​ന​ത്താ​വ​ളം അ​ട​ക്ക​ൽ പ്ര​ഖ്യാ​പ​നം ക​ന​ത്ത പ്ര​തി​സ​ന്ധി​യാ​ണ്​ ഇ​വ​ർ​ക്ക്​ മു​ന്നി​ൽ സൃ​ഷ്​​ടി​ച്ച​ത്. ഇ​നി​യെ​ന്ത്​ ചെ​യ്യു​മെ​ന്ന്​ ഇ​വ​ർ​ക്ക്​ ഒ​രു രൂ​പ​വു​മി​ല്ല. പ​ത്തു​ദി​വ​സം എ​ങ്ങ​നെ​യെ​ങ്കി​ലും പി​ടി​ച്ചു​നി​ന്നാ​ലും ജ​നു​വ​രി ഒ​ന്നി​ന്​ വി​ല​ക്ക്​ നീ​ക്കു​മെ​ന്ന്​ ഉ​റ​പ്പി​ല്ല. അ​ന്താ​രാ​ഷ്​​ട്ര ത​ല​ത്തി​ലെ കോ​വി​ഡ്​ വ്യാ​പ​നം സം​ബ​ന്ധി​ച്ച പു​തി​യ വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ലാ​വും ഭാ​വി തീ​രു​മാ​നം.

ഒമാനാകട്ടെ ചൊ​വ്വാ​ഴ്​​ച പു​ല​ർ​ച്ച ഒ​രു​മ​ണി മു​ത​ലാ​ണ്​ രാ​ജ്യ​ത്തേ​ക്കു​ള്ള ക​ര, വ്യോ​മ, ക​ട​ൽ അ​തി​ർ​ത്തി​ക​ൾ അ​ട​ച്ച​ത്. ഒ​രാ​ഴ്​​ച​ത്തേ​ക്കാ​ണ്​ അ​ട​ച്ചി​ട​ൽ. ഒ​രാ​ഴ്​​ച​ക്ക്​ ശേ​ഷം സ്ഥി​തി​ഗ​തി​ക​ൾ വി​ല​യി​രു​ത്തി​യ ശേ​ഷം തു​ട​ർ ന​ട​പ​ടി​ക​ൾ സ്വീ​ക​രി​ക്കാ​നാ​ണ്​ തി​ങ്ക​ളാ​ഴ്​​ച ന​ട​ന്ന സു​പ്രീം ക​മ്മി​റ്റി യോ​ഗം തീ​രു​മാ​നി​ച്ച​ത്. ച​ര​ക്ക്​ വി​മാ​ന​ങ്ങ​ൾ, ച​ര​ക്ക്​ ക​പ്പ​ലു​ക​ൾ, ട്ര​ക്കു​ക​ൾ തു​ട​ങ്ങി​യ​വ​യെ വി​ല​ക്കി​ൽ​നി​ന്ന്​ ഒ​ഴി​വാ​ക്കി​യി​ട്ടു​ണ്ട്. നേ​ര​ത്തേ കോ​വി​ഡ്​ വ്യാ​പ​ന​ത്തി​െൻറ പ​ശ്ചാ​ത്ത​ല​ത്തി​ൽ മാ​ർ​ച്ച്​ അ​വ​സാ​നം ഒ​മാ​ൻ ക​ര, വ്യോ​മ, നാ​വി​ക അ​തി​ർ​ത്തി​ക​ൾ അ​ട​ച്ചി​രു​ന്നു. തു​ട​ർ​ന്ന്​ മേ​യ്​ മാ​സ​ത്തി​ലാ​ണ്​ വ​ന്ദേ​ഭാ​ര​ത്, ചാ​ർ​േ​ട്ട​ഡ്​ വി​മാ​ന​ങ്ങ​ൾ​ക്കാ​യി വി​മാ​ന​ത്താ​വ​ളം തു​റ​ന്ന​ത്.

നി​ര​വ​ധി പേ​രാ​ണ്​ അ​ത്യാ​വ​ശ്യ കാ​ര്യ​ങ്ങ​ൾ​ക്കും അ​വ​ധി​ക്കു​മാ​യി അ​ടു​ത്ത ദി​വ​സ​ങ്ങ​ളി​ൽ നാ​ട്ടി​ൽ പോ​കാ​ൻ ടി​ക്ക​റ്റ്​ ബു​ക്ക്​ ചെ​യ്​​തി​ട്ടു​ള്ള​ത്. നാ​ട്ടി​ൽ നി​ന്ന്​ നി​ര​വ​ധി പേ​ർ തി​രി​കെ വ​രാ​നു​മു​ണ്ട്. ഇ​വ​ർ യാ​ത്രാ​വി​ല​ക്ക്​ നീ​ളു​മോ​യെ​ന്ന വ​ലി​യ ആ​ശ​ങ്ക​യി​ലാ​ണു​ള്ള​ത്​. ടി​ക്ക​റ്റ്​ നീ​ട്ടു​ന്ന​ത​ട​ക്കം കാ​ര്യ​ങ്ങ​ളു​മാ​യി ബ​ന്ധ​പ്പെ​ട്ട്​ ട്രാ​വ​ൽ ഏ​ജ​ൻ​സി​ക​ളി​ൽ അ​ന്വേ​ഷ​ണ പ്ര​വാ​ഹ​മാ​ണ്. ഒ​മാ​ൻ സ​ർ​ക്കാ​റിെൻറ പൊ​തു​മാ​പ്പി​ൽ അ​പേ​ക്ഷി​ച്ച്​ അ​നു​മ​തി ല​ഭി​ച്ച​വ​രും മ​ട​ങ്ങാ​നു​ണ്ട്. ഇങ്ങനെ അ​ടു​ത്ത ദി​വ​സ​ങ്ങ​ളി​ലെ യാ​ത്ര​ക​ൾ​ക്കാ​യി പി.​സി.​ആ​ർ പ​രി​ശോ​ധ​ന​ക്ക്​ വി​ധേ​യ​രാ​യ​വ​രു​ടെ പ​ണം ന​ഷ്​​ട​മാ​കും.