സ്വന്തം ലേഖകൻ: യൂറോപ്യൻ യൂണിയന് പുറത്തുള്ള വിദഗ്ധ തൊഴിലാളികളെ ആകർഷിക്കാൻ പ്രത്യേകം രൂപകൽപ്പന ചെയ്ത ‘ഓപ്പർച്യുണിറ്റി കാർഡുമായി’ ജർമ്മനി. ജൂണ്‍ മുതല്‍ ഇത് പ്രാബല്യത്തില്‍ വരുന്നത്. ഇതിലൂടെ ഇന്ത്യക്കാർ ഉൾപ്പെടെയുള്ളവർക്ക് നേട്ടമുണ്ടാകുമെന്നാണ് കരുതപ്പെടുന്നത്. ഓപ്പർച്യുനിറ്റി കാർഡിന് യോഗ്യത നേടുന്നതിന്, നിങ്ങൾ നിർദ്ദിഷ്ട മാനദണ്ഡങ്ങൾ പാലിക്കേണ്ടതുണ്ട്.
ജർമ്മനിയിൽ ഡിമാൻഡുള്ള ഒരു മേഖലയുമായി ബന്ധപ്പെട്ട അംഗീകൃത പ്രഫഷനൽ യോഗ്യത അപേക്ഷകന് ഉണ്ടായിരിക്കണം. യൂണിവേഴ്സിറ്റി ബിരുദമോ തൊഴിലധിഷ്ഠിത പരിശീലന സർട്ടിഫിക്കറ്റോ തത്തുല്യമായ യോഗ്യതയോ ആകാം. റജിസ്റ്റർ ചെയ്ത ജർമൻ കമ്പനിയിൽ നിന്ന് ഒരു ജോബ് ഓഫർ’ ഓപ്പർച്യുണിറ്റി കാർഡിന് ആവശ്യമാണ്.
ജർമൻ ഭാഷാ വൈദഗ്ദ്ധ്യം എല്ലായ്പ്പോഴും നിർബന്ധമല്ലെങ്കിലും, ജർമൻ ഭാഷയിലേക്കുള്ള അടിസ്ഥാന അറിവ് മുതൽ ഇന്‍റർമീഡിയറ്റ് പരിജ്ഞാനം വരെ തൊഴിൽ ലഭിക്കുന്നതിനുള്ള സാധ്യത മെച്ചപ്പെടുത്തും . എന്നിരുന്നാലും, ചില തൊഴിലുകൾക്ക് കർശനമായ ഭാഷാ നിബന്ധനകൾ ഉണ്ടായിരിക്കാം. ജര്‍മന്‍ (എവണ്‍ സി.ഇ.എഫ്.ആര്‍) അല്ലെങ്കില്‍ ഇംഗ്ലിഷ് (ലെവല്‍ ബി2 സി.ഇ.എഫ്.ആര്‍) വേണമെന്ന മാനദണ്ഡം പാലിക്കേണ്ടി വരും.
ഓഫർ ചെയ്യുന്ന ശമ്പളം ഫെഡറൽ എംപ്ലോയ്‌മെന്‍റ് ഏജൻസി (ബുണ്ടെസാഗന്‍റൂർ ഫർ അർബെയ്റ്റ്) നിശ്ചയിച്ചിട്ടുള്ള നിശ്ചിത പരിധി പാലിക്കണമെന്ന വ്യവസ്ഥയുണ്ട്. ഇത് യോഗ്യതകളും അനുഭവപരിചയവും പരിഗണിച്ചയായിരിക്കും. സാധാരണ തൊഴിൽ വീസ അപേക്ഷകളുമായി താരതമ്യപ്പെടുത്തുമ്പോൾ, ഓപ്പർച്യുനിറ്റി കാർഡ് വേഗത്തിലുള്ള പ്രോസസ്സിങിന് സഹായിക്കും.
അപേക്ഷന്‍റെ യോഗ്യതകളുമായി പൊരുത്തപ്പെടുന്ന ജോലി കണ്ടെത്താൻ ഒരു വർഷ കാലയളവ് അനുവദിക്കും. ഇത് മൂന്ന് വർഷം വരെ നീട്ടാൻ നിബന്ധനകളുടെ അടിസ്ഥാനത്തിൽ അനുവദിക്കും. ചില വ്യവസ്ഥകൾക്ക് വിധേയമായി പങ്കാളിയെയും ആശ്രിതരായ കുട്ടികളെയും ജർമ്മനിയിലേക്ക് കൊണ്ടുവരാൻ ‘ഓപ്പർച്യുണിറ്റി കാർഡ് അനുവദിക്കുന്നു.
കാലാവധിക്കുള്ളിൽ വിജയകരമായി ജോലി കണ്ടെത്തിയാൽ ജർമ്മനിയിൽ സ്ഥിര താമസാനുമതി ലഭിക്കുന്നതിന് വഴിയൊരുക്കുന്നു.
രണ്ട് പ്രധാന തരം ഓപ്പർച്യുണിറ്റി കാർഡുകൾ:
അംഗീകൃത തൊഴിലുകൾക്കായുള്ള കാർഡ്: വിദഗ്ധ തൊഴിലാളികളുടെ ഗണ്യമായ കുറവ് അനുഭവപ്പെടുന്നതിനാൽ ഫെഡറൽ എംപ്ലോയ്‌മെന്‍റ് ഏജൻസി ലിസ്‌റ്റ് ചെയ്ത പ്രഫഷനുകൾക്ക് ഇത് ബാധകമാണ്. ഈ ലിസ്‌റ്റ് പതിവായി അപ്‌ഡേറ്റ് ചെയ്യപ്പെടുന്നു,
ഉയർന്ന യോഗ്യതയുള്ള പ്രഫഷനലുകൾക്കുള്ള കാർഡ്: എൻജിനീയറിങ്, ഐടി അല്ലെങ്കിൽ നാച്ചുറൽ സയൻസസ് പോലുള്ള മേഖലകളിൽ മികച്ച യോഗ്യതകളും അനുഭവപരിചയമുള്ള വ്യക്തിക്കൾക്കാണ് ഈ കാർഡ് നൽകുന്നത്.
ഓപ്പർച്യുനിറ്റി അപേക്ഷിക്കുന്നതിന് മുൻപ് സമഗ്രമായ അന്വേഷണം അത്യാവശ്യമാണ്: ഡിമാൻഡുള്ള പ്രഫഷനുകൾ തിരിച്ചറിയുകയും അപേക്ഷകന്‍റെ കഴിവുകൾ തൊഴിൽ ആവശ്യങ്ങളുമായി പൊരുത്തപ്പെടുന്നുണ്ടെന്ന് ഉറപ്പാക്കുകയും ചെയ്യുക. സാധ്യതയുള്ള തൊഴിലുടമകളെ സമീപിക്കുക അല്ലെങ്കിൽ വിദേശ തൊഴിലാളികളെ നിയമിക്കുന്നതിന് നിയോഗിക്കപ്പെട്ട റിക്രൂട്ട്മെന്‍റ് ഏജൻസികളുടെ സേവനം പ്രയോജനപ്പെടുത്തുകയും വേണം.
എല്ലായ്പ്പോഴും നിർബന്ധമല്ലെങ്കിലും, ഭാഷാ വൈദഗ്ദ്ധ്യം നിങ്ങളുടെ തൊഴിലവസരം വർധിപ്പിക്കുകയും ജർമൻ സമൂഹവുമായി നിങ്ങളെ മികച്ച രീതിയിൽ സമന്വയിപ്പിക്കുന്നതിന് സഹായിക്കുകയും ചെയ്യും.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല