സ്വന്തം ലേഖകൻ: രാജ്യത്തെ പണമിടപാടുകൾ നിരീക്ഷിക്കാനും സംശയം തോന്നുന്നവ റിപ്പോര്‍ട്ട് ചെയ്യാനും സ്ഥാപനങ്ങള്‍ക്ക് നിർദേശം നൽകി കുവൈത്ത് സെൻട്രൽ ബാങ്ക്. പണമിടപാട് സ്ഥാപനങ്ങൾക്കാണ് ഇതുമായി ബന്ധപ്പെട്ട നിർദ്ദേശം നൽകിയിരിക്കുന്നത്. രാജ്യത്തെ കള്ളപ്പണം വെളുപ്പിക്കൽ, തീവ്രവാദ ഫണ്ടിങ് എന്നിവക്കെതിയാണ് ഈ നടപടി നടക്കുന്നത്. പണമിടപാട് സ്ഥാപനങ്ങൾ ശക്തമായ ജാഗ്രത പാലിക്കണം. സൂക്ഷ്മത പുലർത്തണം എന്ന് അധികൃതർ നിർദേശം നൽകിയിട്ടുണ്ട്.
സംശയാസ്പദമായ എന്തെങ്കിലും ഇടപാടുകൾ ശ്രദ്ധയിൽപ്പെട്ടാൽ വിവരങ്ങള്‍ പങ്കുവെക്കണമെന്ന് സെന്‍ട്രല്‍ ബാങ്ക് ആവശ്യപ്പെട്ടിട്ടുണ്ട്. റെഡ് ലിസ്റ്റിൽ ഉൾപ്പെട്ട രാജ്യങ്ങളിലേക്ക് നടത്തുന്ന ഇടപാടുകൾ ശ്രദ്ധിക്കണം. ഈ രാജ്യങ്ങളിലേക്ക് ഇടപാട് നടത്തിയവരുടെ വിവരം ശേഖരിക്കണം. കള്ളപ്പണം വെളുപ്പിക്കൽ, തീവ്രവാദ ധനസഹായം തുടങ്ങിയ നടത്തുന്ന തടയാൻ ആണ് പുതിയ നടപടി കൊണ്ടുവന്നിരിക്കുന്നത്.
കഴിഞ്ഞ മൂന്ന് വർഷത്തിനിടെ നടത്തിയതിൽ സംശയിക്കുന്ന കേസുകളുടെ എണ്ണവും റിപ്പോർട്ട് ചെയ്യാൻ സാധിക്കും. 10 പ്രവൃത്തിദിവസത്തിനുള്ളില്‍ ഇതുമായി ബന്ധപ്പെട്ട വിവരങ്ങൾ പണമിടപാട് സ്ഥാപനങ്ങൾ കുവൈത്ത് സെന്‍ട്രല്‍ ബാങ്കിന് കെെമാറണം. ഉപഭോക്താക്കൾ നൽകുന്ന വിവരങ്ങളിൽ എന്തെങ്കിലും മാറ്റം ഉണ്ടെങ്കിൽ ഫിനാൻഷ്യൽ ആക്ഷൻ ടാസ്‌ക് ഫോഴ്‌സിനെ വിവരമറിയിക്കണം. ഉപഭോക്താക്കളുമായി ഒരു ബന്ധവുമില്ലാത്തവരുടെ പേരിൽ പണം അയക്കുന്നതിന് എതിരെ നേരത്തെ കുവൈത്ത് നടപടി എടുത്തിരുന്നു.
കൂടാതെ കുവൈത്തിന് പുറത്തുള്ളവരുടെ പേരിൽ പണം അയക്കുന്നവർക്കെതിരേയും അധികൃതർ ശക്തമായ മുന്നറിയിപ്പ് ആണ് നൽകിയിരുന്നത്. എന്തെങ്കിലും പണമിടപാടുകൾ സംശയത്തിൽപ്പെട്ടാൽ അതിന്റെ ഉത്തരവാദിത്തം ആ വ്യക്തി തന്നെ ഏറ്റെടുക്കേണ്ടി വരും എന്ന് അധികൃതർ ഓർമ്മപ്പെടുത്തി.
അതേസമയം, കുടിയേറ്റത്തിന് മാർഗനിർദ്ദേശങ്ങളുമായി നോര്‍ക്കയുടെ പ്രീ-ഡിപ്പാര്‍ചര്‍ ഓറിയന്റേഷന്‍ പ്രോഗ്രാം സംഘടിപ്പിച്ചിരുന്നു. വിദേശ രാജ്യങ്ങളില്‍ തൊഴിലന്വേഷിക്കുന്നവര്‍ക്ക് നിയമപരവും സുരക്ഷിതമായ കുടിയേറ്റ മാര്‍ഗ്ഗനിര്‍ദ്ദേശങ്ങള്‍ നല്‍കുന്നതിനും തൊഴില്‍ തട്ടിപ്പുകളെക്കുറിച്ച് അവബോധം നല്‍കുന്നതിനുമായാണ് നോര്‍ക്ക റൂട്ട്‌സ് പരിശീലന പരിപാടികള്‍ സംഘടിപ്പിക്കുന്നത്. കേരള സ്റ്റേറ്റ് വിമൻസ് ഡെവലപ്‌മെന്റ് കോർപ്പറേഷന്റെ ഭാഗമായ റീച്ച് ഫിനിഷിംഗ് സ്‌കൂളിന്റെ പിന്തുണയോടെയാണ് പരിശീലനം.
കേരളത്തിലെ വിവിധ നഴ്സിംഗ് കോളേജുകളിലാണ് ആദ്യഘട്ടമെന്ന നിലയിൽ പ്രീ ഡിപ്പാർചർ ഓറിയന്റേഷൻ പരിപാടികൾ നിലവിൽ ആരംഭിച്ചിട്ടുള്ളത്. ഇതുവരെ വിവിധ ജില്ലകളിലെ പത്തോളം നഴ്സിങ് കോളേജുകളിൽ നോര്‍ക്ക റൂട്ട്‌സിന്റെ പ്രീ ഡിപ്പാര്‍ച്ചര്‍ ഓറിയന്റേഷന്‍ പ്രോഗ്രാം സംഘടിപ്പിച്ചു. സംസ്ഥാന ർക്കാർ സ്ഥാപനമായ റീച്ച് ഫിനിഷിംഗ് സ്‌കൂളിന്റെ പിന്തുണയോടെയാണ് പരിശീലനം.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല