യാത്രക്കാരുടെ എണ്ണം കൂട്ടാൻ കുവൈത്ത് വിമാനത്താവളം; മൂന്നാം ഘട്ട ഫീൽഡ്​ വാക്​സിനേഷൻ ഈ ആഴ്​ച മുതൽ

സ്വന്തം ലേഖകൻ: മെയ് 22 മുതൽ പ്രതിദിനം കുവൈത്ത് വിമാനത്താവളം വഴി യാത്ര ചെയ്യാവുന്നവരുടെ എണ്ണം 5,000 ആക്കുമെന്ന് വ്യോമയാന വകുപ്പിലെ എയർ ട്രാൻസ്പോർട്ട് വിഭാഗം ഡയറക്ടർ അബ്ദുല്ല അൽ രജാഹി അറിയിച്ചു. നിലവിൽ 1000 പേർക്കാണ് അനുമതിയുള്ളത്. വേനൽ സീസണിൽ വിമാനങ്ങളുടെ എണ്ണം വർധിപ്പിക്കാൻ കൊറോണ എമർജൻസി സുപ്രീം കൗൺസിൽ വിമാന കമ്പനികളോട് ആവശ്യപ്പെട്ടിരുന്നു.

അതേസമയം വിദേശികൾക്ക് കുവൈത്തിലേക്കുള്ള പ്രവേശന നിരോധനം തുടരുമെന്ന് അധികൃതർ അറിയിച്ചു. അക്കാര്യത്തിൽ മന്ത്രിസഭ ഇതേവരെ തീരുമാനം എടുത്തിട്ടില്ല. നേരിട്ടുള്ള യാത്ര വിലക്കുള്ളവരുടെ പട്ടികയിൽ നേപ്പാൾ, ശ്രീലങ്ക,പാക്കിസ്ഥാൻ, ബംഗ്ലദേശ് എന്നിവയെയും ഉൾപ്പെടുത്തിയിട്ടുണ്ട്.

സ്വദേശികളും അവരുടെ അടുത്ത ബന്ധുക്കളും വിദേശത്തുണ്ടെങ്കിൽ അവർക്ക് കുവൈത്തിൽ പ്രവേശിക്കാം. കുവൈത്ത് രാജ്യാന്തര വിമാനത്താവളത്തിൽ നിലവിൽ 10% മാത്രമാണ് പ്രവർത്തനം. കുവൈത്തിൽ നിന്ന് സ്വദേശികൾക്കും വിദേശികൾക്കും രാജ്യത്തിന് പുറത്തേക്ക് പോകാൻ അനുമതിയുണ്ട്.

യാത്രയ്ക്ക് മുൻപ് അവർ Kuwait Musafer എന്ന ആപ്പിൽ റജിസ്റ്റർ ചെയ്യണം. സ്വദേശികൾ വാക്സീൻ എടുത്തിരിക്കണമെന്നും നിബന്ധനയുണ്ട്. കു​വൈ​ത്തി​ൽ മൂ​ന്നാം​ ഘ​ട്ട ഫീ​ൽ​ഡ്​ കോ​വി​ഡ്​ വാ​ക്​​സി​നേ​ഷ​ൻ കാ​മ്പ​യി​ൻ ഇൗ ​ആ​ഴ്​​ച തു​ട​ക്കം കു​റി​ക്കും. പെ​രു​ന്നാ​ൾ അ​വ​ധി ദി​വ​സ​ങ്ങ​ൾ​ക്ക്​ ശേ​ഷ​മാ​ണ്​ കാ​മ്പ​യി​ൻ ആ​രം​ഭി​ക്കു​ക.

മേ​യ്​ 12 ഞാ​യ​റാ​ഴ്​​ച വ​രെ​യാ​ണ്​ പെ​രു​ന്നാ​ൾ അ​വ​ധി. ഒ​ന്നാം ​ഘ​ട്ട​ത്തി​ൽ സ​ഹ​ക​ര​ണ സം​ഘം ജീ​വ​ന​ക്കാ​ർ​ക്കും മ​സ്​​ജി​ദ്​ ജീ​വ​ന​ക്കാ​ർ​ക്കു​മാ​ണ്​ മൊ​ബൈ​ൽ യൂ​നി​റ്റു​ക​ൾ വ​ഴി കു​ത്തി​വെ​പ്പെ​ടു​ത്ത​ത്. 5000 മ​സ്​​ജി​ദ്​ ജീ​വ​ന​ക്കാ​ർ​ക്ക്​ വാ​ക്​​സി​ൻ ന​ൽ​കി. ബാ​ങ്കി​ങ്​ മേ​ഖ​ല​യി​ലെ 3000 ജീ​വ​ന​ക്കാ​രും കു​ത്തി​വെ​പ്പെ​ടു​ത്തു.

ഫെ​ബ്രു​വ​രി​യി​ൽ 2000 കി​ട​പ്പു​ രോ​ഗി​ക​ൾ​ക്കും വീ​ട്ടി​ലെ​ത്തി കു​ത്തി​വെ​പ്പെ​ടു​ത്തി​രു​ന്നു. ര​ണ്ടാം ഘ​ട്ട​ത്തി​ൽ ഷോ​പ്പി​ങ്​ മാ​ളു​ക​ളാ​ണ്​ പ​രി​ഗ​ണി​ച്ച​ത്. അ​ടു​ത്ത ഘ​ട്ട​ത്തി​ൽ ബാ​ക്കി​യു​ള്ള ഷോ​പ്പി​ങ്​ കോം​പ്ല​ക്​​സു​ക​ളി​ലാ​യി​രി​ക്കും എ​ന്നാ​ണ്​ വി​വ​രം. ജ​ന​ങ്ങ​ളു​മാ​യി കൂ​ടു​ത​ൽ അ​ടു​ത്തി​ട​പെ​ടു​ന്ന ത​രം തൊ​ഴി​ലാ​ളി​ക​ൾ​ക്കാ​ണ്​ മു​ൻ​ഗ​ണ​ന ന​ൽ​കു​ന്ന​ത്. ഉ​പ​ഭോ​ക്​​തൃ ഉ​ൽ​പ​ന്ന​ങ്ങ​ൾ വി​ൽ​ക്കു​ന്ന സ്ഥാ​പ​ന​ങ്ങ​ൾ​ക്കാണ് മു​ഖ്യ​പ​രി​ഗ​ണ​ന.

വാ​ക്സി​നേ​ഷ​നാ​യി 10 മൊ​ബൈ​ൽ വാ​ക്​​സി​നേ​ഷ​ൻ യൂ​നി​റ്റു​ക​ൾ പ്ര​വ​ർ​ത്തി​ക്കു​ന്നു. അ​തി​ൽ ന​ഴ്സു​മാ​ർ, ഡോ​ക്ട​ർ​മാ​ർ, പാ​രാ​മെ​ഡി​ക്ക​ൽ സ്​​റ്റാ​ഫു​ക​ൾ എ​ന്നി​വ​രു​ൾ​പ്പെ​ടും.ഓ​രോ ആ​രോ​ഗ്യ​ മേ​ഖ​ല​ക്കും ര​ണ്ടു യൂണി​റ്റ് എ​ന്ന രീ​തി​യി​ലാ​ണ് അ​നു​വ​ദി​ച്ചി​രി​ക്കു​ന്ന​ത്.

കുവൈത്ത് വിമാനത്താവളത്തിൽ 20മുതൽ 30 സെക്കൻഡിനുള്ളിൽ പരിശോധനാഫലം ലഭ്യമാകുന്ന പുതിയ സംവിധാനം സ്ഥാപിക്കാനും ശ്രമം നടക്കുന്നുണ്ട്. ചുരുങ്ങിയ സമയത്തിനകം ആയിരക്കണക്കിന് ആളുകളെ പരിശോധിക്കാൻ കഴിയുന്ന സംവിധാനം 98% വരെ കൃത്യമാണെന്നാണ് അധികൃതർ പറയുന്നത്. കൂടുതൽ വിമാനങ്ങൾ സർവീസ് പുനരാരംഭിക്കുന്നതോടെ പരിശോധനാഫലം എളുപ്പത്തിൽ ലഭ്യമാകുന്ന സംവിധാനം അനിവാര്യമാണെന്നതാണ് അധികൃതരുടെ നിലപാട്.