സ്വന്തം ലേഖകൻ: കുവൈത്തിൽ നിന്നും ഉള്ള യാത്ര ദുരിതം അവസാനിക്കുന്നില്ല. കണ്ണൂരിലേക്കുള്ള എയർ ഇന്ത്യ എക്സ്പ്രസ് ആഴ്ചയിൽ ഒരുദിവസം മാത്രമാക്കി ചുരുക്കിയിരിക്കുകയാണ് അധികൃതർ. ഞായർ, ചൊവ്വ ദിവസങ്ങളിലായി രണ്ട് സർവിസുകൾ ആണ് ആദ്യ ഘട്ടത്തിൽ ഉണ്ടായിരുന്നത്. എന്നാൽ അത് ഇപ്പോൾ ഒരു ദിവസം മാത്രമാക്കി ചുരുക്കി. അടുത്ത വെള്ളിയാഴ്ച മുതൽ പുതിയ ഷെഡ്യൂൾ നിലവിൽ വരും. ഇതോടെ യാത്രക്കാരുടെ ദുരിതം തുടരും.
തിരക്കുള്ള കോഴിക്കോട്ടേക്ക് ആഴ്ചയിൽ ഇപ്പോൾ അഞ്ച് ഷെഡ്യൂൾ ആണ് ഉള്ളത്. അത് നിലവിൽ തുടരും. ബുധൻ, വെള്ളി ഒഴികെയുള്ള ദിവസങ്ങളിലാണ് സർവീസ് നടത്തുന്നത്. ക്രിസ്തുമസ്, ന്യൂയർ തിരക്ക് പ്രമാണിച്ചുണ്ടായിരുന്ന തിരക്ക് കുറഞ്ഞിട്ടുണ്ട്. കണ്ണൂരിലേക്ക് ഏറ്റവും കുറഞ്ഞ നിരക്ക് 37 ദിനാർ ആയിട്ടുണ്ട്. കോഴിക്കോട്ടേക്ക് 43 ദിനാർ ആയിട്ടുണ്ട്. കൂടാതെ ഫെബ്രുവരി 14 വരെ യാത്ര ചെയ്യുന്നവർക്ക് ബാഗേജ് നിരക്ക് കൂട്ടിയിട്ടുണ്ട്. ബാഗേജ് 30 കിലോയിൽനിന്ന് 40 കിലോ ആണ് ആക്കിയിരിക്കുന്നത്.
വിമാന ഷെഡ്യൂൾ കുറക്കുന്നത് യാത്രക്കാർക്ക് വലിയ ബുദ്ധിമുട്ട് ആണ് ഉണ്ടാക്കുന്നത്. എയർ ഇന്ത്യ എക്സ്പ്രസ് വെെകി ഓടുന്നത് ഇപ്പോൾ സ്ഥിരം ആയിട്ടുണ്ട്. കോഴിക്കോട്ടേക്കുള്ള എയർ ഇന്ത്യ എക്സ്പ്രസ് ഇന്നലെയും വെെകിയാണ് യാത്ര പുറപ്പെട്ടത്. കഴിഞ്ഞ ആഴ്ച ഈ വിമാനം ഒന്നര മണിക്കൂറിലേറെ വൈകിയായിരുന്നു പുറപ്പെട്ടത്. കോഴിക്കോട് നിന്ന് പുറപ്പെടാൻ കഴിഞ്ഞ ദിവസം വെെകിയത് കുവെെറ്റ് യാത്രക്കാരെ വലിയ രീതിയിൽ ബാധിക്കുന്നത്. പലർക്കും ജോലിയിൽ കയറേണ്ട സമയം പ്രശ്നമായി തീരുന്നു.
കണ്ണൂർ, കോഴിക്കോട് ഷെഡ്യൂളുകളാണ് എപ്പോഴും പ്രശ്നത്തിലാകുന്നത്. ഈ സ്ഥലങ്ങളിൽ നിന്നുള്ള എയർ ഇന്ത്യ എക്സ്പ്രസ് മിക്ക ദിവസങ്ങളിലും വെെകിയാണ് ഓടുന്നത്. പലപ്പോഴും യാത്രക്കാരെ മണിക്കൂറുകളോളം വിമാനത്താവളത്തിൽ ഇരിക്കുന്നു. കൂടാതെ വിമാനങ്ങൾ പലപ്പോഴും തിരിച്ചു വിടുന്നതും വലിയ പ്രശ്നങ്ങൾ യാത്രക്കാർക്ക് ഉണ്ടാക്കുന്നത്. വിമാനം വെെകുന്നത് പ്രശ്നമായി ഇരിക്കുമ്പോൾ ആണ് ആഴ്ചയിലെ രണ്ടു സർവിസ് ഒറ്റദിവസമാക്കി കുറച്ചിരിക്കുന്നത്. കുറഞ്ഞ ചെലവിൽ യാത്ര ചെയ്യാൻ ആഗ്രഹിക്കുന്നവർക്ക് ഇത് വലിയ വെല്ലുവിളിയാണ്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല