1 $ = 0 INR
1 € = 0  INR
AssociationSpiritualEntertainmentFamily & KidsImmigrationGreetingsCookeryClassifieds
Posted By: Nri Malayalee August 12, 2022

സ്വന്തം ലേഖകൻ: ലോകമെമ്പാടുമുള്ള പല രാജ്യങ്ങളിലായി മങ്കിപോക്സ് പടർന്നുകൊണ്ടിരിക്കുകയാണ്. വ്യാപനത്തിന്റെ തോത് കൂടിയ സാഹചര്യത്തിൽ ലോകാരോ​ഗ്യസംഘടന മങ്കിപോക്സിനെ ആ​ഗോള ആരോ​ഗ്യ അടിയന്തരാവസ്ഥയായി പ്രഖ്യാപിക്കുകയും ചെയ്തിരുന്നു. ഇപ്പോഴിതാ ​ഗർഭിണികളിലും കുട്ടികളിലും മങ്കിപോക്സ് ​ഗുരുതരമായേക്കാം എന്നതു സംബന്ധിച്ച റിപ്പോർട്ടുകളാണ് പുറത്തുവരുന്നത്.

കുട്ടികളും ​ഗർഭിണികളുമാണ് അപകട വിഭാ​ഗക്കാർ എന്ന് വ്യക്തമാക്കുന്ന റിപ്പോർട്ട് പ്രസിദ്ധീകരിച്ചിരിക്കുന്നത് പ്രശസ്ത മെഡിക്കൽ ജേണലായ ദി ലാൻസെറ്റ് ചൈൽഡ് ആൻഡ് അഡോളസന്റ് ഹെൽത്തിലാണ്. ലോസെൻ യൂണിവേഴ്സിറ്റി, കാലിഫോർണിയ യൂണിവേഴ്സിറ്റി, സിം​ഗപ്പൂരിലെ നാഷണൽ യൂണിവേഴ്സിറ്റി എന്നിവിടങ്ങളിൽ നിന്നുള്ള ​ഗവേഷകരാണ് ആർട്ടിക്കിൾ രചിച്ചത്.

പൂർണ ആരോ​ഗ്യമുള്ളവരുമായി താരതമ്യം ചെയ്യുമ്പോൾ മങ്കിപോക്സ് ബാധിച്ച കുട്ടികളും ​ഗർഭിണികളും കൂടുതൽ ശ്രദ്ധ കേന്ദ്രീകരിക്കേണ്ട വിഭാ​ഗമാണെന്നും ഇവരിൽ സങ്കീർണതകൾ ഉണ്ടായേക്കാമെന്നും ആർട്ടിക്കിളിൽ പറയുന്നു.

നേരത്തേ മങ്കിപോക്സ് റിപ്പോർട്ട് ചെയ്യപ്പെട്ടപ്പോഴെല്ലാം കൂടുതൽ മരണനിരക്ക് രേഖപ്പെടുത്തിയതും ആശുപത്രിവാസം വേണ്ടിവന്നതും കുട്ടികളിലാണെന്ന് റിപ്പോർട്ടിൽ പറയുന്നു. ​ഗർഭസ്ഥശിശുവിന് ​ഗുരുതര പ്രശ്നങ്ങൾ, അണുബാധ തുടങ്ങിയ പ്രശ്നങ്ങളാണ് മങ്കിപോക്സ് ബാധിച്ച ​ഗർഭിണികളിൽ കൂടുതലായി റിപ്പോർട്ട് ചെയ്യപ്പെട്ടതെന്നും ​ഗവേഷകർ ചൂണ്ടിക്കാട്ടുന്നു.

കൂടാതെ രോ​ഗപ്രതിരോധശേഷി കുറഞ്ഞവരിൽ ശ്വാസകോശസംബന്ധമായ പ്രശ്നങ്ങൾ സങ്കീർണമാകുന്നതിലേക്കും ന്യൂമോണിയ, എൻസഫലൈറ്റിസ് എന്നിവയിലേക്കുമൊക്കെ രോ​ഗം നയിച്ചേക്കാമെന്നും ​ഗവേഷകർ പറയുന്നു.

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല

Comments are Closed.