സ്വന്തം ലേഖകൻ: പത്ത് എൻഎച്ച്എസ് തൊഴിലാളികളിൽ ഒരാൾക്ക് പുതുവത്സരാഘോഷത്തിൽ അസുഖം ബാധിച്ചതായി ഔദ്യോഗിക കണക്കുകൾ വെളിപ്പെടുത്തുന്നു. ഇംഗ്ലണ്ടിലെ 983,000 എൻഎച്ച്എസ് ജീവനക്കാരിൽ 110,000-ത്തിലധികം പേർക്ക് അസുഖം കാരണം വർഷത്തിന്റെ തുടക്കം നഷ്‌ടമായതായി കണക്കുകൾ കാണിക്കുന്നു. ഇതിൽ 50,000 ത്തോളം ജീവനക്കാർ കോവിഡ് -19 പോസിറ്റീവ് ആയതിനാൽ സ്വയം ഒറ്റപ്പെടുകയായിരുന്നു.
പ്രീ-പാൻഡെമിക് ലെവലുമായി താരതമ്യപ്പെടുത്തുമ്പോൾ, ന്യൂ ഇയർ ഈവിന്റെ കണക്കുകൾ അഞ്ച് ശതമാനം പോയിന്റ് വർദ്ധന കാണിച്ചു. 2019 ഡിസംബറിൽ ആകെ 4.69 ശതമാനം ജീവനക്കാർ മാത്രമാണ് രോഗബാധിതരായത്. അതേസമയം, എ ആൻഡ് ഇയിൽ 40 മണിക്കൂർ കാത്തിരിപ്പും ഓപ്പറേഷനുകൾക്ക് കാലതാമസം നേരിട്ടതും ആരോഗ്യ സേവനം കൂടുതൽ പ്രതിസന്ധിയിലായി. ആംബുലൻസുകൾക്കായുള്ള നീണ്ട കാത്തിരിപ്പാണ് രോഗികൾക്ക് നേരിടേണ്ടി വന്നത്. ആശുപത്രിയിൽ പ്രവേശനം വർദ്ധിക്കുകയാണെങ്കിൽ അടുത്ത ആഴ്ച മുതൽ സർജറികൾ ഉൾപ്പെടെയുള്ള പ്രവർത്തനങ്ങൾ റദ്ദാക്കാൻ തുടങ്ങുമെന്ന് ഒരു എൻഎച്ച്എസ് മേധാവി മുന്നറിയിപ്പ് നൽകി. രാജ്യത്ത് കൂടുതൽ നിയന്ത്രണങ്ങൾ കൊണ്ടുവരേണ്ടതുണ്ടെന്നും പറഞ്ഞു.
അടുത്ത കുറച്ച് ദിവസങ്ങൾ നിർണായകമാണ്, ആരോഗ്യ സേവനം കഴിഞ്ഞ വർഷത്തേക്കാൾ കൂടുതൽ സമ്മർദ്ദത്തിലാണെന്ന് എൻഎച്ച്എസ് പ്രൊവൈഡേഴ്സിന്റെ ചീഫ് എക്സിക്യൂട്ടീവ് പറഞ്ഞു. ഒമിക്രോൺ വേരിയന്റ് രാജ്യത്തുടനീളം നാശം വിതയ്ക്കുന്നത് തുടരുന്നതിനിടയിലാണ് എൻഎച്ച്എസ് മേധാവികളുടെയും മുന്നറിയിപ്പ്. ഇംഗ്ലണ്ടിലെ കോവിഡ് കേസുകൾ ഇന്നലെയും 160,000ന് മുകളിലെത്തി. അതേസമയം പുതിയ നിയന്ത്രണങ്ങൾ നടപ്പാക്കുന്നതിന് കണക്കുകൾ പര്യാപ്തമല്ലെന്ന് മന്ത്രിമാർ വ്യക്തമാക്കി.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല