ഒമാനിൽ സ​ഞ്ചാ​ര​ വി​ല​ക്ക്​ നീ​ക്കി; രാ​ത്രി വ്യാ​പാ​ര ​വി​ല​ക്ക്​ തു​ട​രും; എ​ല്ലാ​വ​ർ​ക്കും വാ​ക്​​സിനെന്ന് സു​ൽ​ത്താ​ൻ

സ്വന്തം ലേഖകൻ: ഒമാനിൽ വ്യ​ക്​​തി​ക​ളു​ടെ​യും വാ​ഹ​ന​ങ്ങ​ളു​ടെ​യും രാ​ത്രി​യി​ലെ സ​ഞ്ചാ​ര​ത്തി​ന്​ ശ​നി​യാ​ഴ്​​ച മു​ത​ൽ വി​ല​ക്കി​ല്ല. കോ​വി​ഡ്​ വ്യാ​പ​ന​ത്തി​െൻറ പ​ശ്ചാ​ത്ത​ല​ത്തി​ൽ പ്ര​ഖ്യാ​പി​ച്ച വി​ല​ക്ക്​ ഇ​നി​യൊ​ര​റി​യി​പ്പു വ​രെ നീ​ക്കു​ന്ന​താ​യി സു​പ്രീം ​ക​മ്മി​റ്റി​യാ​ണ്​ ക​ഴി​ഞ്ഞ ദി​വ​സം അ​റി​യി​ച്ച​ത്. എ​ന്നാ​ൽ രാ​ത്രി എ​ട്ടു​മു​ത​ൽ രാ​വി​ലെ നാ​ലു​വ​രെ വ്യാ​പാ​ര സ്​​ഥാ​പ​ന​ങ്ങ​ളി​ൽ ഉ​പ​ഭോ​ക്​​താ​ക്ക​ളെ പ്ര​വേ​ശി​പ്പി​ച്ച്​ പ്ര​വ​ർ​ത്തി​ക്കു​ന്ന​ത്​​ നി​രോ​ധി​ച്ചു.

വിലക്കിൽ നിന്ന് ഡെ​ലി​വ​റി, പാ​ർ​സ​ൽ സ​ർ​വി​സു​ക​ളെ​യും ഭ​ക്ഷ​ണ​ശാ​ല​ക​ളെ​യും ഒ​ഴി​വാ​ക്കി​യി​ട്ടു​ണ്ട്. വ്യാ​പാ​ര ​കേ​ന്ദ്ര​ങ്ങ​ളി​ലും ക​ട​ക​ളി​ലും റ​സ്​​റ്റാ​റ​ൻ​റു​ക​ളി​ലും ക​ഫെ​ക​ളി​ലും 50ശ​ത​മാ​നം ഉ​പ​ഭോ​ക്​​താ​ക്ക​ളെ മാ​ത്ര​മേ പ്ര​വേ​ശി​പ്പി​ക്കാ​വൂ എ​ന്ന നി​യ​മ​വും തു​ട​രും. ഈ ​നി​യ​മം പ​ക​ൽ​സ​മ​യ​ങ്ങ​ളി​ലും ബാ​ധ​ക​മാ​ണ്.

സ​ർ​ക്കാ​ർ സ്​​ഥാ​പ​ന​ങ്ങ​ളി​ലും മ​റ്റി​ട​ങ്ങ​ളി​ലും ജീ​വ​ന​ക്കാ​രി​ൽ 50ശ​ത​മാ​നം പേ​ർ തൊ​ഴി​ലി​ട​ങ്ങ​ളി​ൽ ത​ന്നെ ജോ​ലി​ക്കെ​ത്ത​ണ​മെ​ന്നും നി​ർ​ദേ​ശി​ച്ചി​ട്ടു​ണ്ട്. നേ​ര​ത്തേ വീ​ട്ടി​ൽ​നി​ന്ന്​ ജോ​ലി ചെ​യ്യാ​നു​ള്ള ഇ​ള​വ്​ ന​ൽ​കി​യ​താ​ണ്​ ഇ​പ്പോ​ൾ പി​ൻ​വ​ലി​ച്ച​ത്. ജോ​ലി​സ്​​ഥ​ല​ത്ത്​ എ​ത്തി​ച്ചേ​രാ​ത്ത പ​കു​തി ജീ​വ​ന​ക്കാ​ർ വി​ദൂ​ര സം​വി​ധാ​ന​ത്തി​ലൂ​ടെ ഉ​ത്ത​ര​വാ​ദി​ത്തം നി​ർ​വ​ഹി​ക്ക​ണം. ഉ​ത്ത​ര​വു​ക​ൾ രാ​ജ്യ​ത്തെ മു​ഴു​വ​ൻ ഗ​വ​ർ​ണ​റേ​റ്റു​ക​ൾ​ക്കും ബാ​ധ​ക​മാ​ണ്.

കോ​വി​ഡി​നെ പ്ര​തി​രോ​ധി​ക്കു​ന്ന​തി​ന്​ വ്യ​ക്​​തി​ക​ളും സ്​​ഥാ​പ​ന​ങ്ങ​ളും സ്വീ​ക​രി​ച്ചു​വ​രു​ന്ന മു​ഴു​വ​ൻ സു​ര​ക്ഷ മു​ൻ​ക​രു​ത​ലു​ക​ളും തു​ട​ർ​ന്നും നി​ർ​ബ​ന്ധ​പൂ​ർ​വം സ്വീ​ക​രി​ക്ക​ണ​മെ​ന്നും മ​ഹാ​മാ​രി​യെ ത​ട​യു​ന്ന​തി​ൽ എ​ല്ലാ​വ​രും പ്ര​തി​ജ്ഞ​ബ​ദ്ധ​രാ​ക​ണ​മെ​ന്നും സു​പ്രീം ക​മ്മി​റ്റി പ്ര​സ്​​താ​വ​ന​യി​ൽ പ​റ​ഞ്ഞു. സാ​ധ്യ​മാ​കു​ന്ന എ​ല്ലാ സ്വ​കാ​ര്യ മേ​ഖ​ല ക​മ്പ​നി​ക​ളും വ​ർ​ക്​ അ​റ്റ്​ ഹോം ​സം​വി​ധാ​നം ഏ​ർ​പ്പെ​ടു​ത്ത​ണ​മെ​ന്നും ജോ​ലി​സ്​​ഥ​ല​ങ്ങ​ളി​ലെ ജീ​വ​ന​ക്കാ​രു​ടെ എ​ണ്ണം പ​രി​മി​ത​പ്പെ​ടു​ത്ത​ണ​മെ​ന്നും ക​മ്മി​റ്റി ആ​വ​ശ്യ​പ്പെ​ട്ടു.

സു​പ്രീം ​ക​മ്മി​റ്റി പ്ര​ഖ്യാ​പി​ച്ച നി​യ​ന്ത്ര​ണം ന​ട​പ്പാ​ക്കു​ന്ന​തി​ന്​ പ്ര​വ​ർ​ത്തി​ച്ച റോ​യ​ൽ ഒ​മാ​ൻ പൊ​ലീ​സ്, പ​ബ്ലി​ക്​ പ്രോ​സി​ക്യൂ​ഷ​ൻ അ​ട​ക്ക​മു​ള്ള മു​ഴു​വ​ൻ ഏ​ജ​ൻ​സി​ക​ളെ​യും പ്ര​സ്​​താ​വ​ന​യി​ൽ അ​ഭി​ന​ന്ദി​ച്ചു. ഒ​മാ​നി​ൽ കോ​വി​ഡി​െൻറ പു​തു​ത​രം​ഗം ആ​ശ​ങ്ക​ വി​ത​ച്ച​തോ​ടെ​യാ​ണ്​ കടുത്ത നി​യ​ന്ത്ര​ണങ്ങൾ പ്ര​ഖ്യാ​പി​ച്ച​ത്.

ഒ​മാ​നി​ലെ മു​ഴു​വ​ൻ വ്യ​ക്തി​ക​ൾ​ക്കും കോ​വി​ഡി​നെ​തി​രാ​യ സു​ര​ക്ഷി​ത​മാ​യ വാ​ക്​​സി​ൻ ല​ഭ്യ​മാ​ക്കു​മെ​ന്ന്​ സു​ൽ​ത്താ​ൻ ഹൈ​തം ബി​ൻ ത്വാ​രി​ഖ്​ പ​റ​ഞ്ഞു. സ​ർ​ക്കാ​ർ ഇ​തി​നു ​വേ​ണ്ടി​യു​ള്ള പ​രി​ശ്ര​മ​ത്തി​ലാ​ണെ​ന്നും പെ​രു​ന്നാ​ൾ ദി​ന​ത്തി​ൽ പു​റ​ത്തി​റ​ക്കി​യ പ്ര​സ്​​താ​വ​ന​യി​ൽ അ​റി​യി​ച്ചു. രാ​ജ്യ​ത്തെ മു​ഴു​വ​ൻ പൗ​ര​ന്മാ​ർ​ക്കും താ​മ​സ​ക്കാ​ർ​ക്കും സു​ൽ​ത്താ​ൻ പെ​രു​ന്നാ​ൾ ആ​ശം​സ അ​റി​യി​ച്ചു.

ഈ ​വ​ർ​ഷം അ​വ​സാ​ന​ത്തോ​ടെ രാ​ജ്യ​ത്തെ 70 ശ​ത​മാ​നം പേ​ർ​ക്കും വാ​ക്​​സി​ൻ ന​ൽ​കു​ന്ന​തി​നാ​ണ്​ ആ​സൂ​ത്ര​ണം ചെ​യ്​​തി​രി​ക്കു​ന്ന​തെ​ന്ന്​ നേ​ര​ത്തേ ആ​രോ​ഗ്യ മ​ന്ത്രാ​ല​യം വ്യ​ക്ത​മാ​ക്കി​യി​രു​ന്നു. അ​ടു​ത്ത മാ​സം 15 ല​ക്ഷം വാ​ക്​​സി​ൻ ഡോ​സു​ക​ൾ ല​ഭ്യ​മാ​കു​ന്ന​തോ​ടെ കു​ത്തി​വെ​പ്പു​ക​ൾ എ​ല്ലാ ഗ​വ​ർ​ണ​റേ​റ്റു​ക​ളി​ലും വേ​ഗ​ത്തി​ലാ​കും. ഇ​തി​നാ​യി സ​ർ​ക്കാ​ർ സ്​​ഥാ​പ​ന​ങ്ങ​ളും സ്​​കൂ​ളു​ക​ളും ക​ൺ​വെ​ൻ​ഷ​ൻ സെൻറ​റു​ക​ളും ഏ​റ്റെ​ടുക്കുന്ന ജോലി പുരോഗമിക്കുകയാണ്.