സ്വന്തം ലേഖകൻ: കേരളത്തിലെ സെക്ടറിലേക്ക് നിരക്ക് കുറച്ച് ഒമാൻ എയർ. കോഴിക്കോട്, കൊച്ചി സെക്ടറിലുകളിലേക്ക് ആണ് നിരക്ക് കുറച്ചിരിക്കുന്നത്. മസ്കത്തിൽനിന്ന് കോഴിക്കോട്ടേക്കും കൊച്ചിയിലേക്കും ദിവസവും രണ്ട് സർവിസാണ് ഒമാൻ എയർ നടത്തുന്നത്. മസ്കത്തിൽ നിന്ന് പുലർച്ച മൂന്നിന് പുറപ്പെടുന്ന വിമാനം രാവിലെ 8. 05 ന് ആണ് വിമാനത്താവളത്തിൽ എത്തുന്നത്. പിന്നീട് ഉച്ചക്ക് 2.05ന് പുറപ്പെടുന്ന വിമാനം രാത്രി ഏഴിന് കോഴിക്കോട് എത്തും.
പുലർച്ച രണ്ടിന് പുറപ്പെടുന്ന വിമാനം രാവിലെ 7,17ന് മസ്കത്തിൽ എത്തും. രാവിലെ 8.25ന് പുറപ്പെടുന്ന വിമാനം 1.40നാണ് കൊച്ചിയിൽ എത്തുന്നത്. കോഴിക്കോട്ടേക്കാണ് ഒമാൻ എയർ കുറച്ചു നിരക്ക് ഈടാക്കുന്നത്. പെരുന്നാൾ അവധി കാരണം ഏപ്രിൽ 19 മുതൽ 25 വരെ നിരക്കുകൾ കുത്തനെ ഉയരുന്നുണ്ട് ബാക്കി ദിവസങ്ങൾ എല്ലാം ഇതേ നിരക്കാണ് ഈടാക്കുന്നത്.
അവധി ദിവസങ്ങളിൽ വൺവേ നിരക്ക് 134 റിയാൽ എത്തുന്നുണ്ട്. പിന്നീട് ഇത് വീണ്ടും കുറയും. അങ്ങനെ 44 റിയാൽ വരെ എത്തും. പിന്നീട് മേയ് 25 കൂടിയാണ് നിരക്ക് വർധിക്കുക. കൊച്ചിയിലേക്ക് വൺവേക്ക് 45 റിയാലാണ് നിരക്ക്. എന്നാൽ എല്ലാ ദിവസവും ഈ നിരക്ക് ലഭിക്കില്ല. പെരുന്നാൾ അവധിക്കാലമായ അടുത്ത മാസം 19 മുതൽ 23 വരെ 155 റിയാൽ ആണ് നിരക്ക് ഉണ്ടാകുക.
മാൻ എയർ നിരക്കുകൾ കുറച്ച് സർവീസ് നടത്തുന്നത് യാത്രക്കാർക്ക് വലിയ ഉപകാരം ആയിരിക്കും. നിരക്കു കുറഞ്ഞതോടെ ചെറിയ വരുമാനത്തിന് ജോലി ചെയ്യുന്ന പലരും നാട്ടിലേക്ക് യാത്രക്കായി ഒരുങ്ങുന്നുണ്ട്. ഒമാൻ എയർ നിരക്ക് കുറച്ചതോടെ മറ്റ് വിമാന ക്കമ്പനികളും നിരക്ക് കുറക്കും എന്ന പ്രതീക്ഷയിലാണ് പ്രവാസികൾ. എയർ ഇന്ത്യ എക്പ്രസ് കോഴിക്കോട്ടേക്ക് 56 റിയാലാണ് ഈടാക്കുന്നത്. മേയ് 25നുശേഷമാണ് ഒമാനിൽ സ്കൂൾ തുറക്കുന്നത്. അപ്പോഴേക്കും പലർക്കും നാട്ടിലേക്ക് വന്നു പോകൻ ഈ നിരക്ക് കുറവ് സഹായിക്കും.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല