സ്വന്തം ലേഖകൻ: ഒമാനിൽ അടുത്ത മാസം ഒന്ന് മുതൽ പരിഷ്കരിച്ച തൊഴിൽ പെർമിറ്റ് നിയമം നടപ്പിലാക്കും. പുതിയ നിരക്ക് പ്രാബല്യത്തിൽ വരുന്നതോടെ വിദേശികളുടെ തൊഴിൽ പെർമിറ്റ് സാമ്പത്തിക വ്യവസ്ഥക്ക് വലിയ നേട്ടം ഉണ്ടാക്കും എന്ന് ഒമാൻ ചേംബർ ഓഫ് കൊമേഴ്സ് ചെയർമാൻ പറഞ്ഞു. രാജ്യത്തിന്റെ വരുമാനം വർധിപ്പിക്കാൻ ആണ് സർക്കാർ ലക്ഷ്യം വെക്കുന്നത്. ഇതുവഴി കൂടുതൽ നിക്ഷേപകരെ രാജ്യത്തേക്ക് ആകർഷിക്കാനും സാധിക്കും. ചേംബർ ഓഫ് കൊമേഴ്സ് ചെയർമാൻ റിദാ ബിൻ ജുമാ അൽ സാലിഹ് ആണ് ഇക്കാര്യം പറഞ്ഞത്. മാധ്യമം ആണ് വാർത്ത റിപ്പോർട്ട് ചെയ്യുന്നത്.
തൊഴിൽ പെർമിറ്റ് നിരക്കുകൾ പരിഷ്കരിക്കരിക്കുമ്പോൾ ബിസിനസ് വർധിക്കാൻ സഹായിക്കും. കൂടുതൽ സ്വദേശികൾക്ക് തൊഴിൽ ലഭിക്കാനുള്ള സാഹചര്യം ആണ് ഇവിടെ ഉള്ളത്. സ്വദേശിവത്ക്കരണത്തിന്‍റെ തോത് വർധിപ്പിക്കാൻ സാധിക്കും. രാജ്യത്തിന്റെ സാമ്പത്തിക തോത് വർധിപ്പിക്കുമ്പോൾ സ്വദേശികൾക്ക് കൂടുതൽ തൊഴിൽ അവസരങ്ങൾ ലഭിക്കുമെന്നും അദ്ദേഹം പറഞ്ഞതായി മാധ്യമം റിപ്പോർട്ട് ചെയ്യുന്നു.
സ്വദേശികളെ രാജ്യത്ത് പുതുതായി ജോലിക്കെടുക്കുമ്പോൾ മാസം 200 റിയാൽ സർക്കാർ സഹായമായി നൽകും. ഇത് രണ്ട് വർഷം തുടരുമെന്നും അദ്ദേഹം പറഞ്ഞു. തൊഴിൽ പെർമിറ്റ് പുതുക്കാത്തവർക്കുള്ള പിഴ സർക്കാർ ഒഴിവാക്കിയിട്ടുണ്ട്. പുതിയ നിരക്ക് നടപ്പിലാവുമ്പോൾ ആണ് ഇത് ഒഴിവാകുന്നത്. സെപ്റ്റംബർ ഒന്നുവരെ ഈ നിയമം തുടരും. സർക്കാർ നിശ്ചയിച്ച സ്വദേശിവത്ക്കരണ തോതുകൾ പൂർണമായി നടപ്പാക്കിയ കമ്പനികൾക്ക് ഇളവ് ലഭിക്കും. വിദേശികളുടെ തൊഴിൽ പെർമിറ്റുകൾക്ക് 30 ശതമാനം വരെ ഇളവാണ് ലഭിക്കുക. പുതുതായി നടപ്പിലാവുന്ന തൊഴിൽ പെർമിറ്റ് നിരക്കുകൾ മൂന്ന് വിഭാഗത്തിൽ ആയാണ് ഉൾപ്പെടുക.
മാനേജർ, പ്രസിഡൻറ്, സപെഷ്യലിസ്റ്റ്, കൺസൾട്ടൻറ് അടക്കമുള്ള ഉയർന്ന തലത്തിൽ ജോലി ചെയ്യുന്നവർക്ക് പരിഷ്കരിച്ച നിരക്ക് 301 റിയലാണ് നൽകുക. സ്വദേശിവത്കരണ തോത് പൂർത്തിയാക്കിയ കമ്പനിയാണെങ്കിൽ 211 റിയാൽ നൽകിയാൽ മതിയാവും. ടെക്നിക്കൽ സ്പെഷ്യലിസ്റ്റ് തൊഴിലുകൾക്ക് 201 റിയാലാണ് നൽക്കുന്നത്. സ്വദേശിവത്കരണം പൂർണ്ണമായും നടപ്പിലാക്കിയ കമ്പനിയാണെങ്കിൽ തൊഴിൽ പെർമിറ്റുകൾ പുതുക്കുമ്പോൾ 30 ശതമാനം ഇളവ് ലഭിക്കും.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല