മെട്രോ റെയിൽ പദ്ധതിക്ക് തുടക്കമിട്ട് ഒമാൻ; മ​സ്​​ക​ത്തിൻ്റെ മു​ഖഛാ​യ മാ​റും

സ്വന്തം ലേഖകൻ: ഒമാനിൽ മെട്രോ ട്രെയിൻ പദ്ധതി തുടങ്ങുന്നതിന്റെ പ്രാരംഭ നടപടികൾ ആരംഭിച്ചു. റൂവി, മത്ര, രാജ്യാന്തര വിമാനത്താവളം, സീബ് മേഖലകളെ ബന്ധിപ്പിച്ചാകും സർവീസ്. കൂടുതൽ മേഖലകളിലേക്ക് ആരംഭിക്കുന്നതു സജീവ പരിഗണനയിലാണ്. എയർപോർട് സോൺ, ഗാല, അൽ ഖൂദ്, ഹൽബൻ, വ്യവസായ മേഖലകൾ, മിസ്ഫ, റുസൈൽ മേഖലകളെ ബന്ധിപ്പിച്ചുള്ള മെട്രോ ശൃംഖല വാണിജ്യ-വ്യവസായ മേഖലകളുടെ സമഗ്ര വികസനത്തിനും വഴിയൊരുക്കും.

അൽ സീബിൽ നിന്നു സുഹാറിലേക്കു റെയിൽ പദ്ധതി തുടങ്ങുന്നതും പരിഗണനയിലാണ്. 4 പഞ്ചവത്സര പദ്ധതികളായാണ് നടപ്പാക്കുക. അ​ടു​ത്ത 20 വ​ർ​ഷ​ത്തി​ന​കം മ​സ്​​ക​ത്ത്​ അ​ട​ക്കം രാ​ജ്യ​ത്തെ ന​ഗ​ര​ങ്ങ​ളി​ൽ ന​ട​പ്പാ​ക്കാ​ൻ ല​ക്ഷ്യ​മി​ടു​ന്ന വി​ക​സ​ന​പ​ദ്ധ​തി​ക​ളെ കു​റി​ച്ചുള്ള രൂ​പ​രേ​ഖയും സർക്കാർ പ്ര​സി​ദ്ധീ​ക​രി​ച്ചു.

നി​ക്ഷേ​പം ആ​ക​ർ​ഷി​ക്കു​ന്ന​തി​നൊ​പ്പം വ​ള​ർ​ച്ച ഉ​റ​പ്പാ​ക്കു​ന്ന​തി​നു​മാ​യി നി​ശ്ചി​ത മേ​ഖ​ല​ക​ളി​ലെ പ്ര​വ​ർ​ത്ത​ന​ങ്ങ​ൾ​ക്ക്​ സാ​മ്പ​ത്തി​ക​വും നി​യ​മ​പ​ര​വു​മാ​യ ആ​നു​കൂ​ല്യ​ങ്ങ​ൾ ന​ൽ​കാ​നും തീ​രു​മാ​നമായി. വി​മാ​ന​ത്താ​വ​ള സോ​ൺ, ഗാ​ല, അ​ൽ ഖൂ​ദി​ലെ​യും ഹ​ൽ​ബാ​നി​ലെ​യും ഗ​വേ​ഷ​ണ സം​വി​ധാ​ന​ങ്ങ​ൾ, മി​സ്​​ഫ-​റു​സൈ​ൽ വ്യ​വ​സാ​യ മേ​ഖ​ല​ക​ൾ എ​ന്നി​വ ഇ​ത്ത​രം ആ​നു​കൂ​ല്യ​ങ്ങ​ൾ ന​ൽ​കാ​നു​ദ്ദേ​ശി​ക്കു​ന്ന മേ​ഖ​ല​ക​ളി​ൽ ഉ​ൾ​പ്പെ​ടു​ന്നു.

റൂ​വി, മ​ത്ര മേ​ഖ​ല​ക​ളി​ലും ന​ഗ​ര ന​വീ​ക​ര​ണ ​പ്ര​വ​ർ​ത്ത​ന​ങ്ങ​ൾ ന​ട​പ്പാ​ക്കും. റൂ​വി​യി​ൽ നി​ന്ന്​ സീ​ബി​ലേ​ക്കു​ള്ള മെ​ട്രോ​യു​ടെ വി​വി​ധ സ്​​റ്റേ​ഷ​നു​ക​ളി​ൽ ഓ​ഫി​സു​ക​ൾ, റീ​​ട്ടെ​യി​ൽ സ്​​റ്റോ​റു​ക​ൾ, റ​സി​ഡെ​ൻ​ഷ്യ​ൽ മേ​ഖ​ല​ക​ൾ തു​ട​ങ്ങി​യ​വ വി​ക​സി​പ്പി​ച്ചെ​ടു​ക്കും. മ​സ്​​ക​ത്തി​ലെ വാ​ദി​ക​ളി​ൽ ജ​ന​ങ്ങ​ൾ​ക്ക്​ ആ​രോ​ഗ്യ​ക​ര​മാ​യ ജീ​വി​ത​ത്തി​ന്​ സ​ഹാ​യ​ക​ര​മാ​യ വി​ധ​ത്തി​ൽ ന​ട​പ്പാ​ത​ക​ളും പാ​ർ​ക്കു​ക​ളും നി​ർ​മി​ക്കും.

മ​സ്​​ക​ത്തി​ന്​ പു​റ​മെ ഗ്രേ​റ്റ​ർ എ​ന്ന സ​ങ്ക​ൽ​പ​ത്തി​ലാ​ണ്​ സ​ലാ​ല​യും സു​ഹാ​റും നി​സ്​​വ​യും വി​ക​സി​പ്പി​ക്കു​ക​യെ​ന്നും റി​പ്പോ​ർ​ട്ടി​ൽ പ​റ​യു​ന്നു. സീ​ബി​നെ​യും വ​ട​ക്ക​ൻ ബാ​ത്തി​ന ഗ​വ​ർ​ണ​റേ​റ്റി‍െൻറ ആ​സ്​​ഥാ​ന​മാ​യ സു​ഹാ​റി​നെ​യും ബ​ന്ധി​പ്പി​ച്ച്​ പാ​സ​ഞ്ച​ർ റെ​യി​ൽ പാ​ത നി​ർ​മി​ക്കാ​നും ആ​ലോ​ച​ന​യു​ണ്ട്. ഉ​യ​ർ​ന്ന മൂ​ല്യ​മു​ള്ള ധാ​തു​ക്ക​ൾ ക​ർ​ശ​ന​മാ​യ നി​യ​ന്ത്ര​ണ​ങ്ങ​ളോ​ടെ ഖ​ന​നം ചെ​യ്യാ​ൻ അ​നു​വ​ദി​ക്കും.

ഇ​ക്കോ ടൂ​റി​സം പ്രോ​ത്സാ​ഹി​പ്പി​ക്കു​ന്ന​തി​നൊ​പ്പം പ​രി​സ്​​ഥി​തി ഗ​വേ​ഷ​ണ​കേ​ന്ദ്ര​ങ്ങ​ൾ സ്​​ഥാ​പി​ക്കാ​ൻ അ​നു​മ​തി ന​ൽ​കു​ക​യും ചെ​യ്യും. അ​ടു​ത്ത 20 വ​ർ​ഷ​ത്തി​ൽ സു​സ്​​ഥി​ര സ്​​ഥ​ല വി​ക​സ​നം ഉ​റ​പ്പു​വ​രു​ത്തു​ന്ന​തി​​നാ​യാ​ണ്​ രൂ​പ​രേ​ഖ (ഒ​മാ​ൻ നാ​ഷ​ന​ൽ സ്​​പെ​ഷ​ൽ സ്​​ട്രാ​റ്റ​ജി) ത​യാ​റാ​ക്കി​യ​ത്. ഒ​മാ​ൻ വി​ഷ​ൻ 2040​െൻ​റ ഭാ​ഗ​മാ​യു​ള്ള ല​ക്ഷ്യ​ങ്ങ​ൾ​ക്ക്​ കൂ​ടി അ​നു​സ​രി​ച്ചാ​ണ്​ പ​ദ്ധ​തി​ക​ൾ​ക്ക്​ രൂ​പം ന​ൽ​കി​യി​ട്ടു​ള്ള​ത്. സാ​മൂ​ഹി​ക-​സാം​സ്​​കാ​രി​ക സ​ന്തു​ലി​താ​വ​സ്​​ഥ ഉ​റ​പ്പാ​ക്കു​ന്ന​തി​നൊ​പ്പം ഒ​മാ‍െൻറ പ്ര​കൃ​തി, സാം​സ്​​കാ​രി​ക സ​മ്പ​ത്തു​ക​ൾ അ​ടു​ത്ത ത​ല​മു​റ​ക്കാ​യി സം​ര​ക്ഷി​ക്കു​ന്ന​തു​മാ​കും ഇ​വ.

ഭ​വ​ന ന​ഗ​ര​വി​ക​സ​ന മ​ന്ത്രാ​ല​യ​ത്തി‍െൻറ നേ​തൃ​ത്വ​ത്തി​ൽ ഓ​രോ ഗ​വ​ർ​ണ​റേ​റ്റി​ലും നാ​ല്​ പ​ഞ്ച​വ​ത്​​സ​ര പ​ദ്ധ​തി​ക​ളാ​യി തി​രി​ച്ചാ​കും ന​ഗ​ര​വി​ക​സ​ന പ​ദ്ധ​തി​ക​ൾ ന​ട​പ്പാ​ക്കു​ക. സ​ന്തു​ലി​ത വി​ക​സ​നം വ​ഴി തൊ​ഴി​ല​വ​സ​ര​ങ്ങ​ൾ സൃ​ഷ്​​ടി​ക്ക​പ്പെ​ടു​ക​യും ഇ​ത്​ തൊ​ഴി​ലി​നാ​യി ന​ഗ​ര​ങ്ങ​ൾ തോ​റു​മു​ള്ള യാ​ത്ര​ക​ൾ കു​റ​ക്കാ​ൻ സ​ഹാ​യി​ക്കു​മെ​ന്നും രൂ​പ​രേ​ഖ​യി​ൽ പ​റ​യു​ന്നു.