1 $ = 0 INR
1 € = 0  INR
AssociationSpiritualEntertainmentFamily & KidsImmigrationGreetingsCookeryClassifieds
Posted By: Nri Malayalee September 27, 2022

സ്വന്തം ലേഖകൻ: പൊലീസ്​ ക്ലിയറൻസ്​ സർട്ടിഫിക്കറ്റിന് (പി.സി.സി)​ ഇന്ത്യയിലെ മുഴുവൻ പാസ്​പോർട്ട്​ സേവാകേന്ദ്രങ്ങളിലും അപേക്ഷിക്കാം. രാജ്യത്തെ മുഴുവൻ പോസ്​റ്റ്​ ഓഫിസ്​ പാസ്​പോർട്ട്​ സേവാ കേന്ദ്രങ്ങളിലും ഓൺലൈനായി അപേക്ഷിക്കാൻ കഴിയുന്ന സംവിധാനം നാളെ (ബുധനാഴ്​ച) മുതൽ ആരംഭിക്കും.

ഇന്ത്യയിലുടനീളമുള്ള എല്ലാ ഓൺലൈൻ പോസ്റ്റ് ഓഫിസ് പാസ്‌പോർട്ട് സേവാ കേന്ദ്രങ്ങളിലും (പി.ഒ.പി.എസ്​.കെ) പി.സി.സി സേവനങ്ങൾക്ക് അപേക്ഷിക്കാനുള്ള സൗകര്യം ഉൾപ്പെടുത്താൻ തീരുമാനിച്ചതായി വിദേശകാര്യ മന്ത്രാലയം അറിയിച്ചു. പാസ്‌പോർട്ടുമായി ബന്ധപ്പെട്ട സേവനങ്ങൾ ഉപയോഗിക്കുമ്പോൾ പൗരന്മാർക്ക്​ മെച്ചപ്പെട്ട അനുഭവം പ്രദാനം ചെയ്യാനാണ്​ ഈ നടപടിയെന്നും വാർത്താക്കുറിപ്പിൽ പറഞ്ഞു.

വിവിധ കാര്യങ്ങൾക്കായി പൊലീസ് ക്ലിയറൻസ് സർട്ടിഫിക്കറ്റുകളുടെ ആവശ്യം അപ്രതീക്ഷിതമായി കുതിച്ചുയർന്ന സാഹചര്യത്തിലാണ്​ പരിഹാരമെന്ന നിലയിൽ ഈ സംവിധാനം ഏർപ്പെടുത്തുന്നതെന്നും സെപ്​തംബർ 28 മുതൽ രാജ്യത്താകെ സൗകര്യം ലഭിക്കുമെന്നും അധികൃതർ വ്യക്തമാക്കി.

പി.‌സി.‌സി അപ്പോയിന്റ്‌മെന്റ് സ്ലോട്ടുകളുടെ എണ്ണം ഗണ്യമായി ഉയരുകയും കുറച്ചുകൂടി നേരത്തെയുള്ള തീയതിക്ക്​ ബുക്ക്​ ചെയ്യാൻ സാധിക്കുകയും ചെയ്യും. അപേക്ഷിക്കുന്നവർക്കെല്ലാം എളുപ്പം നടപടികൾ പൂർത്തീകരിക്കാൻ ഇത്​ സഹായിക്കും. വിദേശത്ത് തൊഴിൽ തേടുന്നവർക്ക്​ മാത്രമല്ല വിദ്യാഭ്യാസം, മറ്റ്​ വിസകൾ, എമിഗ്രേഷൻ എന്നിവക്ക്​ പി.സി.സി ആവശ്യമായി വരുന്നവർക്കും ഗുണം ചെയ്യുന്നതാണ്​ പുതിയ സംവിധാനം.

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല

Comments are Closed.