1 $ = 0 INR
1 € = 0  INR
AssociationSpiritualEntertainmentFamily & KidsImmigrationGreetingsCookeryClassifieds
Posted By: Nri Malayalee June 23, 2022

സ്വന്തം ലേഖകൻ: ലോകകപ്പ് ഫുട്ബോളിനെ വരവേൽക്കാൻ വലിയ ഒരുക്കങ്ങൾ ആണ് ഖത്തർ നടത്തുന്നത്. എന്നാൽ ഫുട്ബോൾ കാണാൻ വന്നു ഖത്തറിൽ അടിച്ചുപൊളിക്കാം എന്ന് കരുതിയെങ്കിൽ തെറ്റി. ആഘോഷങ്ങള്‍ക്ക് ഖത്തർ അതിര് നിശ്ചയിച്ചിട്ടുണ്ട്. ലൈംഗികനിയന്ത്രണവും മദ്യനിരോധനവും ഉള്‍പ്പെടെയുള്ള കടുത്ത നിയമങ്ങൾ ആണ് ഖത്തര്‍ ലോകകപ്പിനൊരുങ്ങുക്കിയിരിക്കുന്നത്. നിയമം ലംഘിക്കുന്നവർക്കെതിരെ ശക്തമായ മുൻകരുതൽ നടപടികൾ ആണ് സ്വീകരിക്കുക. ജയിലിലാകാൻ വരെ സാധ്യതയുണ്ട്. മയക്കുമരുന്ന് കടത്തലും ഉപയോഗവും ലോകകപ്പിനിടെ ചെയ്യുന്നതെങ്കില്‍ പിന്നെ തലകാണില്ല.

വിവാഹത്തിനുമുമ്പ് ലൈംഗികബന്ധം പാടില്ല എന്ന് പറയുന്ന രാജ്യമാണ് ഖത്തർ. അതുകൊണ്ട് തന്നെ ലോകകപ്പ് നടക്കുന്ന സമയത്ത് കര്‍ശന ലൈംഗികനിയന്ത്രണം ആണ് രാജ്യത്ത് നടപ്പിലാക്കുന്നത്. നിയമവിരുദ്ധമായി ലൈംഗികബന്ധത്തില്‍ ഏര്‍പ്പെട്ടാൽ ഏഴുവര്‍ഷംവരെ തടവുശിക്ഷ ലഭിക്കും. ലോകകപ്പ് കാണാൻ എത്തിയതാണ് എന്ന് പറഞ്ഞാലും ഇളവുകൾ ഉണ്ടാകില്ലെന്നാണ് സൂചന.

അവിവാഹിതരായ സ്ത്രീപുരുഷന്മാര്‍ പരസ്പരം മുറികൾ പങ്കിടുന്നതിലും വിലക്കുണ്ട്. വ്യത്യസ്ത കുടുംബപേരുകളുള്ള വ്യക്തികൾ ആണ് മുറികൾ ആവശ്യപ്പെടുന്നതെങ്കിൽ ബുക്കിങ്ങില്‍നിന്ന് വിലക്കുന്നതായി റിപ്പോര്‍ട്ടുകളുണ്ട്. സ്വവര്‍ഗലൈംഗികതയും ഖത്തർ അനുവദിക്കുന്നില്ല.

പൊതുസ്ഥലത്തെ മദ്യപാനത്തിന് വിലക്കുള്ള രാജ്യമാണ് ഖത്തർ. ലോകകപ്പിന്റെ ഭാഗമായി രാജ്യത്തിന്റെ വിവിധ ഭാഗങ്ങളിൽ മദ്യപാന പാർട്ടികൾ വെച്ചാലും ഖത്തർ അനുവദിക്കില്ല. മദ്യപാനത്തിന്റെ പേരിൽ പിടിക്കപ്പെട്ടാല്‍ കര്‍ശനമായ പ്രത്യാഘാതമുണ്ടാകുമെന്ന് ഖത്തർ മുന്നറിയിപ്പ് നൽകുന്നു. എന്നാൽ യൂറോപ്യന്‍ രാജ്യങ്ങളിൽ നിന്ന് കൂടുതൽ പേർ ഖത്തറിലേക്ക് എത്തുമ്പോൾ പ്രത്യേക ഫാന്‍ സോണുകളില്‍ മദ്യം അനുവദിക്കാന്‍ ആലേചനയുണ്ടെന്ന് റിപ്പോർട്ടുകളുണ്ട്.

പൊതുസ്ഥലങ്ങളിൽ ശരീരം മറക്കാതെ വസ്ത്രം ധരിച്ച് എത്തിയാൽ കുടുങ്ങും. പുരുഷന്മാരും സ്ത്രീകളും പരസ്യമായി സ്നേഹ പ്രകടനം( കെട്ടിപിടിക്കുക, ഉമ്മവെക്കുക) തുടങ്ങിയവ നടത്തുന്നതിന് വിലക്കുണ്ട്. കൊക്കെയ്ന്‍ അടക്കമുള്ള മയക്കുമരുന്നുകള്‍ ഉപയോഗിക്കുന്നവരും അതിന്റെ വിതരണത്തിനും വേണ്ടി നടക്കുന്നവർ ലോകകപ്പ് നടക്കുമ്പോൾ രാജ്യത്തേക്ക് വരേണ്ടെന്നാണ് ഖത്തര്‍ പറയുന്നത്.

മയക്കുമരുന്ന് കടത്തുന്നത് പിടിക്കപ്പെട്ടാൽ 20 വര്‍ഷംവരെ തടവും 1,00,000 റിയാല്‍ (ഏകദേശം 21.50 ലക്ഷം രൂപ) മുതല്‍ 3,00,000 റിയാല്‍ (ഏകദേശം 64.50 ലക്ഷം രൂപ) വരെ പിഴ ലഭിക്കും. പല രാജ്യങ്ങളും അവരുടെ ഫുട്ബോള്‍ ആരാധകരോട് ഖത്തറിലെത്തി മാന്യമായി പെരുമാറണമെന്ന് മുന്നറിയിപ്പ് നല്‍കിയിട്ടുണ്ട്. ലേകകപ്പ് നടക്കുന്ന സമയത്ത് മയക്കുമരുന്ന് കടത്തുന്നവരെ പിടികൂടാന്‍ ഖത്തറിലെ ഉദ്യോഗസ്ഥരുമായി പൂര്‍ണമായി സഹകരിക്കുമെന്ന് ബ്രിട്ടീഷ് പോലീസും അറിയിച്ചിട്ടുണ്ട്.

നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക

ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല